វិធីទាំង៦ជួយឲ្យគេងលក់ស្រួល
Loading...
អ្នកគ្រប់គ្នាពិតជាដឹងថាការគេងគ្រប់គ្រាន់គឺពិតជាសំខាន់សំរាប់រាងកាយ សុខភាព និងអារម្មណ៍ដោយជាទូទៅមនុស្សយេីងត្រូវការគេងយ៉ាងហោចណាស់អោយបាន៨ម៉ោងក្នុងមួយយប់ប៉ុនតែការគេងមិនលក់គឺពិតជាឧបសគ្គដ៏ធំដែលធ្វេីអោយអ្នកគេងមិនបានគ្រប់គ្រាន់ហេីយមនុស្សមួយចំនួនធំតែងតែជួបបញ្ហានេះ ខាងក្រោមនេះគឺជាវិធីដែលអាចជួយអោយអ្នកគេងបានស្កប់ស្កល់ជារៀងរាល់យប់។
១. យ៉ាងយូរត្រឹមម៉ោង១០កន្លះត្រូវចូលគេង
១. យ៉ាងយូរត្រឹមម៉ោង១០កន្លះត្រូវចូលគេង
អាចនិយាយបានថាអំឡុងម៉ោងនេះគឺជាពេលវេលាដែលមនុស្សទូទៅចាប់ផ្តេីមស្ងាបហេីយមានអារម្មណ៍ងងុយ ប៉ុន្តែបេីហួសម៉ោងនេះ អ្នកបែរជាមានអារម្មណ៍ថាមិនងងុយគេង ដែលក្នុងភាសារអង់គ្លេសគេប្រេីពាក្យថា Second Wind ហេីយវានិងធ្វេីអោយអ្នកស្វាងរហូតដល់ពេលវេលាជាក់លាក់ណាមួយផ្សេងទៀត។
២. បរិយាកាសក្នុងបន្ទប់
គួរណាស់រក្សាបរិយាកាសក្នុងបន្ទប់របស់អ្នកអោយត្រជាក់ល្មម តាមតែអ្នកចង់បាន ដាចខាតជៀសវាងភាពក្តៅស្អុះស្អាប់ ហេីយគប្បីរក្សាពន្លីក្នុងបន្ទប់របស់លោកអ្នកត្រឹម២០ភាគរយនិងការពារាល់សម្លេងរំខាននានា។អ្នកក៏អាចប្រេីប្រាស់ប្រដាប់ជំនួយដែលមានដូចជាក្រណាត់បាំងភ្នែកនិងប្រដាប់ការពារសម្លេងសម្រាប់ដាក់ក្នុងត្រចៀកបានផងដែរ។
៣. ចៀសវាងនូវភេសជ្ជៈមួយចំនួន
អំឡុងពេល៣០នាទីមុនចូលគេងដាច់ខាត ហាមទទួលទានសារជាតិកាហ្វេអ៊ីន ពីព្រោះវាអាចជាការរំខានសម្រាប់ការគេងរបស់លោកអ្នក។ លោកអ្នកអាចជំនួសដោយការទទួលទានទឹកដោះគោឆៅហេីយលាយជាមួយទឹកឃ្មុំបន្តិច វានឹងឆាប់ធ្វេីអោយអ្នកឆាប់មានអារម្មណ៍ងងុយគេងផងដែរ។បេីសិនជាអាច គួរកុំទទួលទានជាតិស្ករមុនចូលគេងរឹតតែល្អ។
៤. ការធ្វេីលំហាត់ប្រាណ
ជាការពិតណាស់ការធ្វេីលំហាត់ប្រាណពី៣០ទៅ៦០នាទីជារៀងរាល់ល្ងាច អាចជួយអោយលោកអ្នកមានអារម្មណ៍ថាអស់កំលាំងនិងបន្ទាប់ពីទទួលទានអាហារពេលល្ងាចរួច អ្នកនិងចាប់ផ្តេីមមានអារម្មណ៍ថាទន់ភ្នែកជាមិនខាន ការធ្វេីបែបនេះអាចជួយអោយអ្នកគេងលក់បានស្កប់ស្កល់ល្អផងដែរ។
៥. ចៀសវាងការញាំអាហារ៣ម៉ោងមុនចូលគេង
យ៉ាងហោចណាស់ក៏៣ម៉ោងដែរដែលអ្នកពុំត្រូវញាំអាហារមុនពេលចូលគេង ព្រោះថាការញាំអាហារនៅចន្លោះម៉ោងនេះអាចធ្វេីអោយក្រពះរបស់អ្នកនៅដំណេីរការកិនរំលាយអាហារទាំងនោះហេីយវាអាចប្រែក្លាយជាការរំខានដល់ការគេងរបស់អ្នកបានផងដែរ។
៦. ចៀសវាងពន្លឺភ្លឺខ្លាំង
ពន្លឺទាំងនេះគឺរាប់បញ្ចូលទាំង បន្លឺអំពូលភ្លេីងក្នុងបន្ទប់ ទូរទស្សន៍ កុំព្យូទ័រ និង សូម្បីតែពន្លឺចេញពីអេក្រង់ទូរស័ព្ទក៏ដោយ។ យ៉ាងហោចណាស់អ្នកត្រូវរក្សាគម្លាតជាមធ្យមគឺ១ម៉ោងចន្លោះពីការប្រេីប្រាស់របស់ទាំងនេះ ទៅពេលដែលអ្នកចូលគេងដេីម្បីអាចអោយអ្នកគេងបានយ៉ាងស្កប់ស្កល់និងងាយស្រួល។
*សូមរក្សាទម្លាប់បែបនេះជារៀងរាល់ថ្ងៃ ធានាថាអ្នកនឹងអាចគេងលក់បានយ៉ាងស្កប់ស្កល់ជារៀងរាល់យប់ដោយមិនមានការរំខានជាមិនខាន។
អត្ថបទដោយ ៖ រស្មី
No comments