របស់៦យ៉ាងដែលប្តូរមិនបានក្នុងជីវិត
Loading...
មនុស្សកើតមកខុសៗគ្នា ចូលចិត្តរបស់ខុសៗគ្នា ហើយគេអោយតំលៃទៅលើអ្នកដទៃក៏ខុសគ្នាដែរ។ ការដែលយើងទៅខំប្រឹងទៅធ្វើអោយគេចូលចិត្តនោះ នឹងធ្វើអោយគេរឹតតែមិនចូលចិត្តថែមទេ។ បង្ហាញភាពពិតរបស់យើងទៅ កាន់គេ គេចូលចិត្តប៉ុណ្ណាទទួលយកប៉ុណ្ណឹងទៅ ព្រោះថាយើងមិនអាចបង្ខំសតិបញ្ញាគេបានទេ។
២. ភាពសោកស្តាយ
ការបង្ហាញភាពសោកស្តាយម្តងម្កាលលើអ្វីមួយគឺជារឿងមិនអាចចៀសបានទេ ប៉ុន្តែត្រូវគិតថាភាព សោកស្តាយនេះ មិនអាចផ្លាសប្តូរអ្វីបានទេ។ គ្រាន់តែត្រូវចងចាំវាទុក បន្តដំណើរទៅមុខ ហើយកំុដើរតាមគន្លងចាស់ដែលធ្វើអោយមានភាពសោកស្តាយទៀត។
៣. កំុចង់ផ្លាស់ប្តូរមនុស្ស
បើគេចង់ស្តាប់តាមយើងនោះ គេនឹងមករាប់រកហើយសំុដំបូន្មានពីយើងហើយ។ កំុបាច់ទៅចាប់ទៅអូសទាញគេដោយទង្វើណាទេ ព្រោះទោះបីជាបង្ខំគេបានក្តី ក៏វាមិនបានយូរដែរ ។ អោយគេដើរតាមគន្លងគេ ហើយស្របតាមការសំរេចចិត្ត ទើបវាគង់វង្ស។
៤. អ្នកគ្មានជីវិតអមតៈទេ
យើងតែងខំប្រឹង ដើម្បីអនាគតគ្រួសារ ខ្លួនឯង អំណាច មាសប្រាក់ ប៉ុន្តែមនុស្សមួយចំនួនខំពេករហូតយកជំងឹមកដាក់ខ្លួនហើយធ្វើអោយអ្វីដែលខំរកនោះ បាត់បង់ទៅវិញ ។ ទុកពេលសំរាប់ខ្លួនផង ធ្វើអ្វី ដែលខ្លួនរីករាយ ព្រោះបើមិនសប្បាយពេលនេះទេ មិនដឹងថាអនាគតនឹងយ៉ាងណាឡើយ។
៥. ឈប់ប្រៀបធៀបខ្លួនឯង
បើរវល់តែប្រៀបធៀបចំណេះខ្លួន សម្រស់ តំណែង ជាមួយអ្នកដទៃនោះ នឹងគ្មានថ្ងៃបានសុខទេ ។ យើងមិនអាចកែខ្លួនអោយដូចនរណាម្នាក់បេះបិទបានទេ ព្រោះថាយើងកើតមកខុសគ្នា និងមានចំណុចល្អរៀងៗខ្លួន។
៦. ការគ្រប់គ្រងអារម្មណ៍
យើងមិនអាចផ្លាស់ប្តូរការគិត និងសកម្មភាពរបស់នរណាក្រៅពិខ្លួនផ្ទាល់បានទេ ។ អ្វីដែលធ្វើបាននោះគឺការគ្រប់គ្រងខ្លួនឯង ព្រោះថាសម្តី និងចរិតរបស់គេអាចប៉ះពាល់យើងប៉ុណ្ណានោះគឺស្ថិតលើយើងជាអ្នកកំណត់។
អត្ថបទដោយ៖ ហ៊ុន កែវលីដែត
ប្រភព៖ Life Hack
No comments