ធ្វើ​​យ៉ាង​​ណា​​ទើប​​ឆាប់​​គេង​​លក់​?​​

មនុស្ស​មិន​តិច​នោះ​ទេ ​ដែល​ជួប​បញ្ហា​គេង​មិន​លក់​ជា​រៀង​រាល់​យប់​។ ហើយ​បញ្ហា​មួយ​នេះ ​នឹង​បង្កជាគ្រោះថ្នាក់​ផ្សេងៗ​ទៀត​ដល់​សុខ​ភាព​។ បែប​នេះ​ហើយ​ អ្នក​ត្រូវ​តែ​ស្វែង​រក​វិធី​ដោះ​ស្រាយ​ឲ្យ​បាន​ឆាប់​រហ័ស​សម្រាប់​សុខភាព​ដ៏​បវរ​។ អត្ថបទ​នេះ ​នឹង​ប្រាប់​អ្នក​ពី​ការ​ផ្លាស់​ប្ដូរ​ ២​យ៉ាង​ដែល​អាច​អនុវត្តិ​តាម​៖​

១. អ្វីដែលអ្នកត្រូវផ្លាស់ប្តូរភ្លាម

រឿងដំបូងដែលអ្នកត្រូវធ្វើនោះ គឺបិទចោលរាល់គ្រឿងអេឡិចត្រូនិចដែលបង្កជាការរំខានដល់អ្នក។ អ្នកក៏អាចសាកល្បងងូតទឹកក្ដៅអ៊ុនៗមុនចូលគេង និងបើកម៉ាស៊ីនត្រជាក់ឲ្យត្រជាក់ ។ ការអានសៀវភៅក៏ជាមធ្យោបាយមួយដែលជួយឲ្យអ្នកឆាប់ងងុយដេកផងដែររ។ ព្យាយាមផឹកទឹកក្ដៅអ៊ុនមុនចូលគេង ផ្លាស់ប្ដូររបៀបគេង និងព្យាយាមធ្វើឲ្យខ្លួនឯងស្រួលខ្លួនដោយមិនត្រូវស្លៀកពាក់ខោអាវដែលតឹងៗពេកនោះទេ។

២. អ្នកគួរតែផ្លាស់ប្ដូររបៀបរស់នៅ

អ្នកត្រូវតែសម្អាតបន្ទប់គេងរបស់អ្នកឲ្យស្អាតជានិច្ច ដោយធានាថាវាមិនមានក្លិនមិនល្អណាមួយនោះទេ។ ក្រៅពីនេះ អ្នកមិនត្រូវញ៉ាំអាហារពេលល្ងាចភ្លាមចូលគេងភ្លែតនោះទេ។ ការបរិភោគនេះ ទាមទារយ៉ាងហោចណាស់ក៏ ៣ម៉ោងមុនចូលគេងដែរ។ រឿងផ្សេងទៀតដែលអ្នកគួរតែអនុវត្តិនោះ គឺមិនត្រូវផឹកភេសជ្ជៈដែលមានជាតិកាហ្វេអ៊ីននាពេលល្ងាច រឺពេលយប់នោះទេ ហើយក៏ត្រូវបញ្ឈប់ការគេងពេលថ្ងៃផងដែរ។​

 ប្រភព៖ WikiHow

អត្ថបទដោយ៖ ប៉ោ គឹមហុក