ចង់បាត់ពុលឡានមែនទេ?
Loading...
ឈឺក្បាល វិលមុខ បែកញើស ត្រជាក់ខ្លួន ចង់ក្អួត ក្អួតមិនចេញ ហើយពេលខ្លះក្អួតទាល់តែទន់ខ្លួននោះ សុទ្ធតែជារោកសញ្ញានៃការពុលឡាន។
រាល់ដំណើរកំសាន្តក្លាយជាមិនសប្បាយដោយសារតែបញ្ហាមួយនេះសម្រាប់មនុស្សមួយចំនួន។
អ្នកខ្លះថែមទាំងសុខចិត្តនៅផ្ទះមិនធ្វើដំណើរទៅទីកំសាន្តនានាទៀតផងនៅពេលគេលឺថាត្រូវជិះឡាន។ប៉ុន្តែវាមិនមែនជាបញ្ហាដែលរាំងស្ទះដល់ការសប្បាយចំពោះដំណើរកំសាន្តទៀតឡើយព្រោះថាមានវិធីមួយចំនួនអាចដោះស្រាយវាបាន៖
ខ្យល់បរិសុទ្ធមានសមត្ថភាពយ៉ាងអស្ចារ្យដែលអាចជួយឲ្យមានអារម្មណ៍ធូរស្រាលពីការពុលឡានបាន។
អ្នកអាចធ្វើវាបានដោយគ្រាន់តែបើកកញ្ចក់ឡានដើម្បីឲ្យខ្យល់បរិសុទ្ធនៅខាងក្រៅចូលមកខាងក្នុង
ឬក៏អ្នកអាចឈប់ឡានមួយស្របក់ដើម្បីស្រូបវាក៏បាន។
២. ព្យាយាមកុំមើលអ្វីៗនៅខាងក្រៅ
ការពុលឡានពេលខ្លះគឺកើតឡើងដោយសារតែការសម្លឹងមើលរាល់ចលនានៅខាងក្រៅខណៈពេលដែលអ្នកកំពុងធ្វើដំណើរ។
បែបនេះហើយអ្នកអាចព្យាយាមបិទភ្នែករឺក៏ដេកសម្រាកពេលធ្វើដំណើរនោះវាកាន់តែល្អ។
៣. ការប្រើប្រាស់ផលិតផលដែលផលិតពីខ្ញី
ដើម្បីជៀសវាងផុតពីការពុលឡាននេះអ្នកក៏អាចព្យាយាមដោយការបរិភោគនំ
ស្ករគ្រាប់ រឺក៏ពិសារភេសជ្ជៈប្រភេទណាដែលផលិតចេញពីខ្ញីបានផងដែរ។
បែបនេះហើយរាល់ការធ្វើដំណើររបស់អ្នកគួរតែមានពួកវាជាប់ខ្លួនជានិច្ច។
៤. កុំបរិភោគឆ្អែតពេកឬក៏ពោះទទេពេលធ្វើដំណើរ
វាជារឿងដែលត្រូវធ្វើជាដាច់ខាតដើម្បីជៀសវាងការក្អួតនៅពេលដែលអ្នកមានអារម្មណ៍ពុលឡានកើតឡើង។
ម្យ៉ាងវិញទៀតការបរិភោគប្រភេទអាហារនោះ
ត្រូវតែមានភាពជ្រើសរើសឲ្យបានល្អជាពិសេសអ្នកមិនពិសារប្រភេទអាហារណាដែលសម្បូរទៅដោយជាតិខ្លាញ់នោះទេ។
៥. ស្វែងរកកន្លែងអង្គុយណាដែលមិនសូវមានចលនាខ្លាំង
វាអាចដោះស្រាយបានយ៉ាងងាយស្រួលដោយអ្នកគ្រាន់តែជ្រើសរើសកន្លែងមួយដែលមិនសូវមានចលនាខ្លាំងប៉ុណ្ណោះ។
កន្លែងដែលអ្នកពុលឡានគួរតែជ្រើសរើសនោះគឺ កៅអីខាងមុខជាប់អ្នកបើកបរ។
ដំណោះស្រាយមួយទៀតនោះគឺមិនត្រូវមើលទៅខាងក្រោយក្នុងពេលធ្វើដំណើរនោះទេ។
៦. ការប្រើប្រាស់ថ្នាំពេទ្យ
វាអាចជាដំណាក់កាលចុងក្រោយបើសិនជាអ្នកសាកល្បងវិធីខាងលើទាំងនេះហើយ
ប៉ុន្តែមិនសូវមានប្រសិទ្ធភាពនោះ។ អ្នកអាចទិញវាបានគ្រប់កន្លែងលក់ថ្នាំពេទ្យ
លេបវាមុនការធ្វើដំណើរចាប់ផ្ដើមមួយសន្ទុះនិងព្យយាមគេងសម្រាកពេលធ្វើដំណើរ
នោះការពុលឡាននឹងមិនអាចកើតឡើងនោះឡើយ។
អត្ថបទដោយ៖ ប៉ោ គឹមហុក
ប្រភព៖ WikiHow
