វិធីសាស្រ្តកាត់បន្ថយស្រ្តេសពេលកំពុងរៀនត្រៀមប្រឡង
Loading...
ក្នុងជីវិតសិក្សា អ្នកណាក៏ដោយក៏មិនចូលចិត្តការប្រឡងដែរ ដោយហេតុថាយើងចាំបាច់ត្រូវចំណាយពេលមើលមេរៀនជាច្រើនសម្រាប់ត្រៀមប្រឡង។ ហេតុនេះ ភាពតានតឹងក្នុងពេលមើលមេរៀនច្បាស់ជាកើតមានឡើង។ នៅពេលដែលអ្នកមិនមានវិធីសាស្រ្តក្នុងការចាត់ចែងភាពតានតឹងទាំងនោះឲ្យចេញឆ្ងាយបាន ការមើលមេរៀនត្រៀមប្រលងរបស់អ្នកក៏ប្រហែលជាមិនមានប្រសិទ្ធភាពដែរ។ វិធីសាស្រ្តងាយៗខាងក្រោមនេះ នឹងជួយអ្នកអាចកាត់បន្ថយស្រេ្តសកំឡុងពេលមើលមេរៀនបាន។
១. មើលមេរៀនជាប្រចាំតាមពេលដែលបានកំណត់ទុក
២. ទុកពេលសម្រាកខ្លះកំឡុងពេលមើលមេរៀន
អ្នកគួរតែចំណាយពេល១៥នាទីក្នុងមួយម៉ោងម្តង ដើម្បីសម្រាកឲ្យខួរក្បាលមានភាពធូរស្រាល ជាជាងសម្រុករៀនមិនឈប់មិនឈរ ដល់ពេលចុងក្រោយ ពេលដែលអ្នកមានអារម្មណ៍ស្រ្តេសខ្លាំង អ្វីក៏ទទួលលែងបាន នឹងខាតបង់ធ្ងន់។ ក្នុងពេលសម្រាក អ្នកអាចមើលទូរទស្សន៍ ឬអាចស្តាប់ចម្រៀងក៏បាន។
៣. សកម្មជាមួយការដោះស្រាយបញ្ហា
ពេលមើលមេរៀនមិនចេះ អ្នកគួរតែមានភាពសកម្មក្នុងការប្រាប់ខ្លួនឯងថា មិនអីទេ អ្នកនៅមានមើលវាបន្ថែមទៀតឲ្យទាល់តែយល់និងចាំ។ បើអ្នកភ័យព្រួយឬតក់ស្លុត ភាពតានតឹងចូលមកគ្របដណ្តប់ពេញខួរក្បាលរបស់អ្នក។ តែបើសិនជាពិបាកដោះស្រាយខ្លាំងមែនទែន អ្នកគួរយកទៅសួរលោកគ្រូអ្នកគ្រូ ឬមិត្តភក្តិទៅប្រហែលជាការល្អជាងសម្ងំទុកតែម្នាក់ឯង។
៤. ទទួលស្គាល់នូវភាពខ្វះចន្លោះរបស់ខ្លួនក្នុងការសិក្សា
ត្រូវចាំថា ក្នុងជីវិតសិក្សាគ្មាននរណាដែលធ្វើបានល្អឥតខ្ចោះនោះទេ។ ការទទួលស្គាល់នូវភាពខ្វះចន្លោះរបស់ខ្លួន នឹងជួយឲ្យអ្នកបន្ធូរអារម្មណ៍តានតឹងពេលមើលមេរៀនត្រៀមប្រលងបានច្រើន។ អ្នកមិនគួររៀនបណ្តើរ គិតបណ្តើរថា ត្រូវតែប្រលងបានពិន្ទុ១០០ ឬបាន A នោះទេ អ្នកគួរតែប្រាប់ខ្លួនឯងវិញថា អ្នកត្រូវតែប្រឹងឲ្យអស់ពីសមត្ថភាព ហើយត្រូវតែមានមោទនភាពនូវអ្វីដែលខ្លួនធ្វើបាន។
អត្ថបទេដោយ៖ សន ឆវីវតី
ប្រភពអត្ថបទ៖ Wikihow
No comments