៨វិធី​​​ជួយ​​សម្រួល​​ដល់​​ការ​​រស់​​នៅ​​ប្រចាំ​​ថ្ងៃ​

តើស្បែកជើងរបស់អ្នកធុំក្លិនមែនទេ? ស្បែកជើងថ្មីរបស់អ្នកតឹងខ្លាំងមែនទេ? ជួបបញ្ហាច្រើនផ្សេងទៀតក្នុងការរស់នៅប្រចាំថ្ងៃមែនទេ? បើមែនអ្នកប្រាកដជាអស់ក្ដីបារម្ភជាមិនខានបន្ទាប់ពីអានអត្ថបទមួយនេះ។



១. ស្បែកជើងធំក្លិន

បើសិនជាស្បែកជើងរបស់អ្នកមានធំក្លិនអាក្រក់នោះសូមកុំបារម្ភដោយអ្នកគ្រាន់តែយកកញ្ចប់តែស្ងួតមួយចំនួនដាក់ទៅក្នុងស្បែកជើងរបស់អ្នក ហើយទុកវាចោលរយៈពេល១ឬ២ថ្ងៃ ធានាថាក្លិនអាក្រក់ទាំងឡាយនិងបាត់ជាក់ជាមិនខាន។

២.​ ស្បែកជើងតឹង



មិនចាំបាច់ខ្លាចថាស្បែកជើងទើបតែទិញមានសភាពតឹងពេកហើយពិបាកទៅដូរវិញទៀតនោះទេ ដោយអ្នកគ្រាន់តែយកក្រដាសកាសែតទៅជ្រលក់ទឹកអោយសើម ហើយ​យក​មក​ញាត់​ចូល​ទៅ​ក្នុងស្បែក​ជើង​អោយតឹងតាមតែអ្នកអាចធ្វើទៅបាន ហើយទុកអោយវាស្ងួត សឹមយកវាចេញជាការស្រេច។


៣. ក្លិនមាត់



បើសិនជាអ្នកភ្លេចដុសធ្មេញមុនពេលចេញទៅក្រៅ ឬមិនមានថ្នាំដុសធ្មេញ ហើយមានអារម្មណ៍ថាមិនជឿជាក់ជាមួយក្លិនមាត់នោះ សូមសាកល្បងទំពារផ្លែប៉ោម ដូចជាអោយដូចការទំពារស្ករកៅស៊ូធានាថាក្លិនមាត់និងបាត់ភ្លាមៗតែម្តង។


៤. រក្សាទឹកកកអោយត្រជាក់បានយូរ



គ្រាន់តែចង់អោយទឹកកកត្រជាក់និងទុកបានយូរមិនឆាប់រលាយ មានអីទៅពិបាក ដោយ​អ្នកគ្រាន់តែយកអំបិលមួយចំនួនដាក់ចូលទៅក្នុងធុងទឹកកករបស់អ្នកនុះវានិងធ្វើអោយទឹកកករបស់អ្នកកាន់តែត្រជាក់ខ្លាំងនិងទុកបានយូរជាមិនខាន។


៥. ការពារឡេវកុំអោយជ្រុះ



អស់ក្តីបារម្ភរឿងឡេវដាច់អំបោះ ហើយជ្រុះបាត់ទៀតហើយ ដោយគ្រាន់តែអ្នកយកថ្នាំលាបក្រចកដែលថ្លាមកលាបនៅលើខ្សែរអំបោះដែលដេរឡេវជាប់និងសម្លៀកបំពាក់របស់អ្នកជាការស្រេច។


៦. រករបស់តូចៗដែលបាត់



ពិតមែនហើយរបស់តូចៗដូចជាក្រវិល ឬ ឡេវជាដើម នៅពេលដែលវាជ្រុះពិតជាពិបាករកណាស់ តែសូមកុំបារម្ភម៉ាស៊ីនបូមធូលីអាចជួយអ្នកបាន ដោយគ្រាន់តែយកស្បៃមករុំអោយជិតមាត់ម៉ាស៊ីនបូមរបស់អ្នក ហើយធ្វើការបូមជាធម្មតា បន្ទាប់មកនៅពេលដែលបូមប៉ះរបស់ដែលអ្នកបាត់នោះ វានឹងទាក់ជាប់មាត់ម៉ាស៊ីនជាមិនខាន។


៧. បង្កាត់ភ្លើង



មិនបាច់ទៅរកជ័រដើម្បីបង្កាត់ភ្លើងនាំអោយមានក្លិនស្អុយ និងប៉ះពាល់ដល់សុខភាពទៀតនោះទេអ្នកគ្រាន់តែយកចំនិតដំឡូងបារាំងក្រៀម មកដុតជំនួសក៏បាន ព្រោះថាក្នុងបន្ទះដំឡូងបារាំងក្រៀមមានផ្ទុកនូវសារធាតុខ្លាញ់និងប្រេងដែលអាចអោយយើងដុតឆេះបានល្អ។


៨. ហាលសម្លៀកបំពាក់អោយឆាប់ស្ងួត



បើសិនជាអ្នកជាអ្នកចង់អោយសម្លៀកបំពាក់របស់អ្នកឆាប់ស្ងួត តែអ្នកមិនមានម៉ាស៊ីនសម្ងួតសម្លៀកបំពាក់នោះ សូមសាកល្បងវិធីមួយនេះដោយអ្នកយកកន្សែងស្ងួតធំមួយ មករុំសម្លៀកបំពាក់សើមរបស់អ្នក ហើយឈ្លីវាទៅមកមួយសន្ទុះរួចយកមករលាស់អោយច្រើនដងទាល់តែអស់ទឹកហើយដាក់ហាលដូចធម្មតាតែមួយភ្លែតធានាថាស្ងួតមិនខាន។