សញ្ញា​​បញ្ជាក់​​ថា​​រាង​​កាយ​របស់​អ្នក​​កំពុង​​ខ្វះ​​ជាតិ​​ទឹក​​

រុក្ខជាតិត្រូវការទឹកសម្រាប់រស់រាន និងលូតលាស់បានល្អ មនុស្សយើងក៏ដូចគ្នាដែរ។ ជាទូទៅ រាងកាយយើងត្រូវការជាតិទឹកយ៉ាងហោច២លីត្រជាប្រចាំថ្ងៃ ដើម្បីផ្គត់ផ្គង់ និងចែកចាយដល់សរីរាង្គដទៃដទៃ។ បើសិនជាអ្នកមិនទទួលទានទឹកអោយបានគ្រប់គ្រាន់ រាងកាយនឹងខ្វះជាតិទឹកដែលអាចបង្កអោយមានហានិភ័យជាច្រើន។ ចំណុចខាងក្រោមនេះ បង្ហាញអោយឃើញថា រាងកាយកំពុងខ្វះជាតិ ហើយអ្នកត្រូវតែប្រញាប់ផឹកទឹកអោយបានច្រើនជាងមុនទៅ។

១. រមួលក្រពើ ឫឈឺសាច់ដុំបើសិនជាអ្នកមានអាការៈរមួលក្រពើជាញឹកញាប់នៅពេលយប់ ឫបន្ទាប់ពីហាត់ប្រាណរួច វាជាសញ្ញាប្រាប់ថា រាងកាយអ្នកត្រូវការបំពេញជាតិទឹកអោយបានច្រើនជាងមុន។ ជាតិទឹកនៅក្នុងខ្លួនអ្នកមានកម្រិតមិនគ្រប់គ្រាន់ដែលមិនអាចទៅចិញ្ចឹមសាច់ដុំនៅពេលវាធ្វើការខ្លាំង។

២. ឈឺក្បាល
ឈឺក្បាលញឹកញាប់ក៏អាចជារោគសញ្ញាបញ្ជាក់អំពីកង្វះជាតិទឹកក្នុងរាងកាយផងដែរ។ នៅពេលអ្នកមិនបានផឹកទឹកគ្រប់គ្រាន់ ជាតិទឹកដែលមាននៅក្នុងខួរក្បាលក៏កាន់តែស្ងួតទៅៗ នៅពេលនោះ ខួរក្បាលនឹងកកិតជាមួយលលាហ៍ក្បាល ដែលជាហេតុធ្វើអោយអ្នកមានអារម្មណ៍ឈឺក្បាលខ្ទោកៗ។





៣. ស្ងួតស្បែក ប្រេះមាត់ និងក្តៅគ្រាប់ភ្នែក
បើអ្នកតែងតែមានជួបបញ្ហាទាំងនេះ មានន័យថារាងកាយពិតជាត្រូវការទឹកជាចាំបាច់ អ្នកគួរតែចាប់ផ្តើមទទួលទានអោយបានច្រើនសមល្មម និងត្រឹមត្រូវ។

អ្នកគួរតែមានការកត់ត្រាចំណាំ ឫក៏អាចដោនឡូតនូវ Apps ដែលអាចជួយជម្រុញការបង្កើនបរិមាណផឹកទឹកប្រចាំថ្ងៃ។ ជាងនេះទៅទៀត អ្នកក៏អាចទទួលទាននូវបន្លែ ផ្លែឈើជាច្រើនដែលមានតួនាទីចិញ្ចឹមសំខាន់ដល់សារពាង្គកាយ។



រៀបរៀង និងសរសេរដោយ: ចន ច័ន្ទបូតា
ប្រភពអត្ថបទពី: lifehack.org