(លិខិត​មិត្ត​អ្នក​អាន​) ភាព​ចម្រុះ​សម្បូរ​បែប​នៃ​វប្បធម៌​ក្នុង​មហោ​ស្រព​អាស៊ាន​បូក​បី​

វប្បធម៌សម្បូរបែប​ប្លែក​ៗជា​ច្រើនរបស់ប្រទេស​ទាំង​១៣ ​​បានដាក់តាំង​បង្ហាញ​ជូន​​​សិស្សនិស្សិត ក៏ដូចជា​ភ្ញៀវ​ជាតិ និង​អន្តរជាតិ​ដែល​មកទស្សនា​​នៅក្នុង​​មហោស្រព​អាស៊ាន​បូក​បី​ ដែលប្រព្រឹត្តទៅ​ថ្ងៃទី ១១ កន្លង​ទៅ​ថ្មី​ៗ​នេះ នៅ​សាកល​វិទ្យាល័យ​ភូមិន្ទភ្នំពេញ។

នៅក្នុង​ស្ដង់​ប្រទេស​ចិន គេ​ឃើញមាន​ដាក់​បង្ហាញនូវ​ផ្ទាំង​គំនូស​ជក់​អក្សរចិន ក៏ដូចជា​គំនូរ​​ផ្សេងៗ និង​​វត្ថុ​​បុរាណផងដែរ មាន​ដូចជា​ពិន​បុរាណ​Zhengជាដើម។​​ នេះ​មិនទាន់អស់ពី​ស្ដង់ប្រទេស​យក្ស​មួយ​នេះ​ទេ មាន​​យុវជន​​ជាច្រើន​ចោមរោម​ ចង់ស្គាល់នូវ​ការស្លៀក​ពាក់បែប​ប្រពៃ​ណី​ប្រទេសចិនទៀ​ត​ផង។ 

ក្រលេក​មក​សាល​វត្ថុ​អនុស្សារីយ៍​វិញ មនុស្សម្នា​​ក៏មិនចាញ់​សាលផ្សេងៗដែរ គឺមានសាធារណជន​មកទស្សនា ក៏ដូចជា​ជាវ​វត្ថុអនុស្សារីយ៍​ពី​ស្ដង់ប្រទេស​នីមួយៗ​ក្នុង​ប្រទេស​អាស៊ានបូកបី។ ជាក់ស្ដែង​ ស្ដង់​ប្រទេសកម្ពុជា​ មានការដាក់តាំង​រូប​អប្សរាតូចៗ​ដែលមានក្បូរក្បាច់​រចនា​យ៉ាង​ប្រណិត​ ដែលទាក់​ទាញចំណាប់​អារម្មណ៍​ពី​ភ្ញៀវ​លោក​អ្នក​ទស្សនា​បាន​យ៉ាង​ច្រើន។​

ជាងនេះ​ទៅ​ទៀត​ នៅ​ក្នុង​មហោស្រព​អាស៊ាន​បូកបី​នេះផងដែរ ក៏​មាន​សាល​ម្ហូប​អាហារ​​របស់​បណ្ដា​ប្រទេស​ក្នុង​អាស៊ានបូកបី​ផងដែរ។ នៅ​ក្នុង​សាល​នេះ គឺ​មាន​មនុស្សម្នា​ដើរជាហូរហែរ មក​ភ្លក្សចំនី​អាហារ​ប្លែក​ៗ​របស់ប្រទេស​អាស៊ាន​ ក៏ដូចជារបស់​ប្រទេស​ជាដៃគូពិភាក្សាទាំងបី (ចិន កូរ៉េ​ខាង​ត្បូង និង​ជប៉ុន)។​ 

អ្វី​ដែល​ពិសេស​ជាង​គេក្នុង​មហោស្រព​នេះគឺ ការ​សម្ដែង​របាំ​ប្រពៃ​ណី​របស់បណ្ដា​ប្រទេស​អាស៊ានបូកបី​នេះតែម្ដង។ គឺ​គេឃើញ​ថា​ មាន​ការ​គាំ​ទ្រ​ខ្លាំងមែន​ទែន។ ខាង​ក្រោមនេះ គឺ​ជា​រូបខ្លះ​នៃ​ការ​សម្ដែងរបាំ​នៅក្នុង​សាល៖

បើនិយាយ​ជារួម​ទៅ នៅ​ក្នុង​សាល​មហោស្រព​អាស៊ាន​បូកបីនេះ គឺ​ពោរពេញ​ទៅដោយ​ភាព​ចម្រុះ​សម្បូរបែប​នៃ​វប្បធម៌​របស់បណ្ដា​ប្រទេស​ទាំង១៣​ មាន​នៅ​ក្នុង​ការសម្ដែង​របាំប្រពៃណី ម្ហូបអាហារ វត្ថុអនុស្សារីយ៍ជាដើម។ មហោស្រព​បែប​នេះ ពិត​ជា​មានការ​គាំទ្រ​យ៉ាង​ច្រើ​ន​ពី​សាធារណជនដែលបាន​មក​ទស្សនាកុះករ។

*សម្គាល់៖ ខ្លឹមសារអត្ថបទខាងលើគឺមិនមែនជារបស់យើងឡើយ ហើយការចែករំលែកនេះក្នុងគោលបំណងចែករំលែកព័ត៌មានតែប៉ុណ្ណោះ។

*Disclaimer: We don’t own the content. Our purpose is purely to help spread the information.