ធ្វើម៉េចទើបដឹងថាទេវតាឆ្នាំណាព្រះនាមអីទៅ?
Loading...
ជារៀងរាល់ឆ្នាំប្រជាជនខ្មែរតែងតែធ្វើការសែនព្រេនដើម្បីទទួលទេវតាឆ្នាំថ្មីក្នុងពិធីបុណ្យចូលឆ្នាំខ្មែរ។ ប៉ុន្តែមនុស្សមួយចំនួនប្រហែលជាមិនដឹងទេថាទេពធីតាអង្គណានិងយាងចុះមកទៅតាមឆ្នាំនីមួយៗនោះទេទើបថ្ងៃនេះបណ្ណាល័ខ្មែរនិងបង្ហាញប្រាប់អ្នកទាំងអស់គ្នាអោយកាន់តែច្បាស់។
៥. ទេពធីតាព្រះនាម កិរិណីទេវី
១. ទេពធីតាព្រះនាម ទុង្សាទេវី
ទ្រង់នឹងយាងចុះមកបើសិនសង្ក្រាន្តនៅថ្ងៃ អាទិត្យ ដោយទ្រង់សៀតផ្កាទទឹម គ្រឿងប្រដាប់បទុមរាគ ភក្សាហារផ្លែឧទុម្ពរ (ផ្លែល្វា) អាវុធស្ដាំចក្រ ឆ្វេងស័ង្ខ និងពាហនៈគ្រុឌ ។
២. ទេពធីតាព្រះនាម គោរាគៈទេវី
នឹងយាងចុះមកបើសិនសង្ក្រាន្តនៅថ្ងៃ ចន្ទ ដោយទ្រង់សៀតផ្កាអង្គាបុស្ស គ្រឿងប្រដាប់មុត្តា ភក្សាហារប្រេង អាវុធស្ដាំព្រះខ័ន ឆ្វេងកាន់ឈើច្រត់ និងពាហនៈខ្លា ។
៣. ទេពធីតាព្រះនាម រាក្យសាទេវី
នឹងយាងចុះមកបើសិនសង្ក្រាន្តនៅថ្ងៃ អង្គារ ដោយទ្រង់សៀតផ្កាឈូក គ្រឿងប្រដាប់មោរ៉ា ភក្សាហារលោហិត អាវុធស្ដាំត្រីសូល៍ ឆ្វេងធ្នូ និងពាហនៈអស្សតរ (សេះ) ។
៤. ទេពធីតាព្រះនាម មណ្ឌាទេវី
នឹងយាងចុះមកបើសិនសង្ក្រាន្តនៅថ្ងៃ ពុធ ដោយទ្រង់សៀតផ្កាចំប៉ា គ្រឿងប្រដាប់ពិទូរ្យ ភក្សាហារទឹកដោះ សប្បិអាវុធស្ដាំម្ជុល ឆ្វេងឈើច្រត់ និងពាហនៈលា ។
៥. ទេពធីតាព្រះនាម កិរិណីទេវី
នឹងយាងចុះមកបើសិនសង្ក្រាន្តនៅថ្ងៃ ព្រហស្បតិ៍ ដោយទ្រង់សៀតផ្កាមណ្ឌា គ្រឿងប្រដាប់មរកត ភក្សាហារសណ្ដែកល្ង អាវុធស្ដាំកង្វេរ ឆ្វេងកាំភ្លើង និងពាហនៈដំរី ។
៦. ទេពធីតាព្រះនាម កិមិរាទេវី
នឹងយាងចុះមកបើសិនសង្ក្រាន្តនៅថ្ងៃ សុក្រ ដោយទ្រង់សៀតផ្កាចង្កុលណី គ្រឿប្រដាប់បុស្សរាគ៌ម ភក្សាហារចេកណាំវ៉ា អាវុធស្ដាំព្រះខ័ន ឆ្វេងពិណ និងពាហនៈក្របី ។
៧. ទេពធីតាព្រះនាម មហោទរាទេវី
នឹងយាងចុះមកបើសិនសង្ក្រាន្តនៅថ្ងៃ សៅរ៍ ដោយទ្រង់សៀត ផ្កាត្រកៀត គ្រឿងប្រដាប់និលរ័ត្ន ភក្សាហារសាច់ទ្រាយ (ម្រឹគពួកឈ្លូស) អាវុធស្ដាំចក្រ ឆ្វេងត្រីសូល៍ និងពាហនៈក្ងោក ។
ប្រភព៖ ដកស្រង់ពីសៀវភៅ បុណ្យទំនៀមខ្មែរ ក្រាំងបុណ្យទាំង១២ខែ ភាគ២ ដោយ ឆឹង ផានសុផុន
អត្ថបទដោយ៖ ជុំ រស្មី
No comments