គន្លឹះដោះស្រាយជំលោះតាមសន្តិវិធី
Loading...
ជំលោះមានច្រើនប្រភេទ រីឯមូលហេតុដែលបង្កើតអោយមានជំលោះ នោះក៏រាប់មិនអស់ដែរ។ ពេលខ្លះគ្រាន់តែរឿងយល់ច្រឡំគ្នាបន្តិចបន្តួចក៏ត្រូវការមានជនទី៣មកជួយដោះស្រាយផងដែរ។
ពេលដោះ ស្រាយបញ្ហាយើងខ្លួនឯងដែលជាអ្នកស្វែងរកដំណោះស្រាយត្រូវប្រាកដថាវាជាវិធីឈ្នះ
ឈ្នះ ព្រោះវាជាវិធីដែលធ្វើអោយភាគីទាំងសងខាងពេញចិត្តនឹងបញ្ចប់ជំលោះបាន៖
 |
| Photo Credit: Agile Advice |
ជំហានទី១៖ យកទំនាក់ទំនងជាធំ
ត្រូវចាំថារាល់បញ្ហាទាំងអស់គឺសុទ្ធតែមកជាមួយដំណោះស្រាយ ប៉ុន្តែមិនប្រាកដថាវាអាចផ្តល់បាននូវទំនាក់ទំនងដែលយើងចង់បានទាំងអស់នោះទេ វាអាស្រ័យទៅលើយើងជាអ្នកជ្រើសរើសវិធី។
ដូច្នេះត្រូវគិតថាតើភាគីទាំងពីរនឹងប្រឈមគ្នាយ៉ាងណានាថ្ងៃមុខ។
ជំហានទី២៖
ចាំថាមនុស្សមិនមែនគួរបញ្ចូលអារម្មណ៍ផ្ទាល់ខ្លួនពេលដោះស្រាយទេ
វាអាចធ្វើអោយបញ្ហារីកកាន់តែធំ ព្រោះមនុស្សមានគំនិតខុសគ្នា
វាក៏អាចបង្កើតជាបញ្ហាផ្សេងក៏ថាបាន ដូច្នេះពេលដោះស្រាយត្រូវផ្តោតលើតែមូលហេតុដើមបានហើយ ហើយព្យាយាមកំុយកអារម្មណ៍ផ្ទាល់មកលាយឡំ ។
ជំហានទី៣៖
កំុស្តាប់តែម្ខាង
ជំលោះមួយមិនមែនបង្កើតបានដោយមនុស្សម្នាក់ឯងទេ
ត្រូវស្តាប់សម្តីពីអ្នកសងខាង។ វាជារឿងមិនចំលែកទេ ដែលពួកគេទាមទារជ័យជំនះរៀងខ្លួន
តែអ្វីដែលសំខាន់គឺយើងជាអ្នកមិនពាក់ព័ន្ធក្នុងជំលោះជាអ្នកមើលឃើញ ពីកំហុសឆ្គង
និងការចោទសួរវែកញែកដោយយុត្តិធម៌។
ជំហានទី៤៖
ស្តាប់សិននិយាយក្រោយ
កំុទាន់ប្រញាប់បញ្ចេញគំនិតអ្វីទាំងអស់ ទោះបីខ្លួនគិតថានរណាខុស នរណាត្រូវ គួរលាក់ក្នុងចិត្តសិន
ចាំអោយគេនិយាយអស់ស្រេចបាច់ ចាំចាប់ផ្តើមលើកហេតុផលផ្សេងដូច្នេះគេមិនគិតថាយើងលំអៀង។
ជំហានទី៥៖ សួរពីការពិតមុនចាំគិតរឿងបញ្ហាក្រោយ
សំុអោយអ្នកដែលឃើញនិងចូលរួមក្នុងជំលោះ ទាំងអស់ចូលរួមជាមួយយើងដើម្បីជជែកទិដ្ឋភាពជាក់ស្តែង។ កត់ត្រាទុកនូវអ្វីដែលអ្នកទាំងអស់បាននិយាយពីអ្វីដែលគេដឹងនិងឃើញ ដើម្បីកំុអោយអ្នកមានជំលោះចេះតែប្រឌិតរឿងទុកការពារខ្លួន។
ជំហានទី៦៖
ដោះស្រាយបញ្ហាទាំងអស់គ្នា
បន្ទាប់ពីអោយអ្នកទាំងអស់និយាយរឿងរ៉ាវហើយនោះ
វាអាចធ្វើអោយពួកគេមានការយល់ដឹងលើបញ្ហានោះច្រើនបន្តិច ហើយទទួលស្គាល់នូវអ្វីដែលបានកើតឡើងពិតមែន។ យើងគួរធ្វើខ្លួនជាអាជ្ញាកណ្តាល ហើយបើកសិទិ្ធអោយអ្នកដទៃលើកយកដំណោះស្រាយមកកំុច្រើនពេក កំុតិចពេក ហើយពេលនោះ យើងនឹងអាចរើសយកថាតើមួយថាផ្តល់ផលច្រើនជាង
។
ត្រូវចាំថាកំុអាងខ្លួនជានរណាម្នាក់ដែលគិតថាតែងតែមានសិទ្ធិដោះស្រាយបញ្ហាអ្នកដទៃ។
អត្ថបទដោយ៖ ហ៊ុន កែវលីដែត
No comments