វិធីសាស្រ្ត​ប្រឈម​មុខ​នឹង​សមាជិក​ក្រុម​ដែល​គ្មាន​ទំនួល​ខុស​ត្រូវ​

សម្រាប់ការសិក្សានៅក្នុងសាកលវិទ្យាល័យ ភាគច្រើនគឺនិស្សិតតែងតែងចៀសមិនផុតនោះទេ ពីការដាក់កិច្ចការសាលា ដោយក្នុងនោះ ពេលខ្លះអ្នកអាចធ្វើកិច្ចការម្នាក់ឯង ហើយពេលខ្លះទៀតនោះគឺការធ្វើការងារជាក្រុម។ យ៉ាងណាមិញការងារជាក្រុមភាគច្រើន គឺតែងតែប្រឈមមុខនឹងសមាជិកដែលមិនបានចូលរួមចំនែកធ្វើការងារ ក៏ប៉ុន្តែទទួលបានអត្ថប្រយោជន៍ពីការងារក្រុមនោះដែលភាសាអង់គ្លេសហៅថា ( free rider)។

ដូចនេះវិធីសាស្រ្តខាងក្រោមមួយចំនួន អាចជួយអោយអ្នកមានភាពងាយស្រួលក្នុងការដោះស្រាយសមាជិកបែបនេះ ៖​

១. បង្ហាញពីសារៈសំខាន់នៃសមាជិកនីមួយៗក្នុងក្រុម
សមាជិកក្រុមមួយចំនួនពុំសូវមើលឃើញពីគុណតម្លៃរបស់ពួកគេ ក្នុងការរួមចំនែកធ្វើការងារក្រុមប៉ុន្មាននោះទេ ដោយសារតែពួកគេគិតថា ប្រសិនបើអត់ធ្វើម្នាក់ ក៏អ្នកផ្សេងក្នុងក្រុមអាចធ្វើបានដែរ។ ដូចនេះហើយ​ មុននឹងចាប់ផ្តើមធ្វើការងារនោះ សមាជិកទាំងក្នុងក្រុមគួរតែចំនាយពេលបន្តិចដើម្បីជូបគ្នា ហើយបង្ហាញពីភាពមិនអាចខ្វះបានពីការចូលរួមកចំនែកនៃសមាជិកក្រុមទាំងអស់។

២. បង្កើត​បរិយាកាស​ក្នុង​ក្រុម​ដែល​មានភាព​សប្បាយ​រីករាយ​
ក្នុងក្រុមនីមួយៗ បរិយាកាសដែលមានក្នុងពេលធ្វើការដើរតួ យ៉ាងសំខាន់ធ្វើយ៉ាងណាការងារក្រុមដំណើរការ ដោយជោគជ័យ ឬមិនជោគជ័យ។ ហេតុនេះហើយ សមាជិកក្រុមទាំងអស់គួរតែមាន ភាពលេងសើចខ្លះ ដើម្បីអោយចៀសវាងបរិយាកាសដែលមានភាពធុញទ្រាន់ក្នុងការធ្វើការ ព្រមទាំងបង្កើតផលិតភាពក្នុងការធ្វើការផងដែរ។

៣. ប្រាប់ពួកគេអំពីសារៈ​សំខាន់​នៃ​សមិទ្ធ​ផល​ការងារ​
វាមានសារៈសំខាន់ជាខ្លាំង ក្នុងការបង្ហាញសមាជិកជាមុនអំពីការងារដែលពួកគេត្រូវធ្វើ មិនថាវាជាការងារតូច ឬ ការងារច្រើននោះទេ ពីព្រោះថាវានឹងចូលរួមចំណែកធ្វើអោយការងារក្រុមទទួលបានភាពជោគជ័យ និងសមិទ្ធផលជាច្រើននាពេលខាងមុខ។

ប្រភព ៖ huffingtonpost
អត្ថបទដោយ៖ ព្រឿន បញ្ញារី