រៀន​​ភាសា​​បរទេស​​មិន​​ពិបាក​​ទេ​ បើ​​ដឹង​​គន្លឹះ​​ទាំង​​នេះ​​

ភាសាជាមធ្យោបាយទាក់ទងដ៏សំខាន់បើសិនជាអ្នកចង់ប្រើប្រាស់អ៊ិនធើណេត ទៅបរទេសដើម្បីលំហែកាយ សិក្សា ធ្វើការងារ ឬធ្វើសកម្មភាពប្រចាំថ្ងៃផ្សេងៗ។ ខាងក្រោមជាវិធីមួយចំនួនដែលអាចជួយអ្នករៀនភាសាបរទេសបានលឿននិងងាយស្រួលជាងមុន។



១. សន្ទនា
គន្លឹះនៃការរៀនភាសាបរទេសជោគជ័យគឺការសន្ទនា។ ព្យាយាមរកដៃគូដើម្បីនិយាយភាសាដែលអ្នកកំពុងរៀនហើយកុំខ្លាចការនិយាយខុសឲ្យសោះ។

២. រៀនឲ្យបានច្រើនម៉ោង
ការរៀនភាសាទាមទារឲ្យមានការហ្វឹកហាត់ដដែលៗជារៀងរាល់ថ្ងៃ ហើយឲ្យបានយ៉ាងហោចណាស់២ឬ៣ម៉ោង។

៣. យកវចនានុក្រមតាមខ្លួន
អ្នកគួរតែមានវចនានុក្រមតូចមួយនៅជាប់ខ្លួន​ឬដោនឡូតវាទុកក្នុងទូរស័ព្ទដៃ ដើម្បីងាយស្រួលស្វែងរកពាក្យដែលអ្នកមិនចេះ ពេលកំពុងនិយាយឬកំពុងអាន។

៤. រៀនតាមអ៊ិនធើណេត
អ៊ិនធើណេតជាបណ្តុំនៃភាសារា​ប់រយដែលអ្នកអាចរៀនស្តាប់​​ រៀនសរសេរ រៀនអាន និងរៀនវេយ្យាករណ៍ជាដើម។

៥. ដឹងពីគោលបំណងនៃការរៀន
បើសិនអ្នកមានគោលបំណងច្បាស់ក្នុងការរៀនភាសាមួយ នោះវានឹងជំរុញចិត្តអ្នកឲ្យនៅតែបន្តរៀននិងខិតខំប្រឹងប្រែងខ្លាំងឡើងៗ។

អត្ថបទ៖ ជី បូណ៌មី