ប្រយោគមួយចំនួនដែលមនុស្សឆ្លាតគេមិននិយាយ
Loading...
មានប្រយោគមួយចំនួនដែលពេលខ្លះយើងនិយាយទៅអ្នកដទៃ
អាចប៉ះពាល់ដល់កិត្តិយសខ្លួនឯង និងអារម្មណ៍របស់អ្នកដទៃផងដែរ ។ ដូច្នេះបើអាចគួរជៀសវាងកំហុសទាំងនេះក្នុងការនិយាយ
វាអាចនឹងអោយគេយល់ខុសពីបំណងនៃសំដីយើងក៏ថាបាន៖
១. កំុនិយាយថា 'អ្នកមើលទៅស្អាតសមនឹងអាយុ គួរនិយាយថា 'អ្នកស្អាតណាស់'
បើគេស្អាត និយាយថាស្អាតទៅ
កំុប្រៀបធៀបព្រោះវាធ្វើអោយគេមិនសូវសប្បាយចិត្តវិញទេ។
២. កំុថា 'ខ្ញំុខំធ្វើព្យាយាមធ្វើ
តែវាឥតប្រយោជន៍ទៅវិញ' គួរនិយាយថា 'យ៉ាងណាក៏ដោយក៏ខ្ញំុប្រឹងអោយអស់ពីចិត្តដែរ'
៣. កំុនិយាយ 'ខ្ញំុជាអ្នកធ្វើអ្វីៗគ្រប់យ៉ាង' គួរនិយាយថា 'ខ្ញំុអាចធ្វើអ្វីទាំងនេះបានដោយសារតែការជួយពីអ្នកទាំងអស់គ្នា'
៤. កំុថា 'វាអត់យុត្តិធម៌សំរាប់ខ្លួន' តែសួរគេថា 'តើកត្តាអ្វី ដែលធ្វើអោយអ្នកមិនផ្តល់ឱកាសអោយខ្ញំុ'
៥. មនុស្សមួយចំនួនចូលចិត្តនិយាយថា "អ្វីដែលខ្ញំុនិយាយរាងឆ្កួតបន្តិច…" គួរនិយាយថា "ខ្ញំុអត់ច្បាស់ថាអ្វី ដែលខ្ញំុនិយាយត្រឹមត្រូវនោះទេ
ប៉ុន្តែ..."
៦. កំុលួងគេដោយនិយាយថា 'ខ្ញំុក៏ធ្លាប់ជួបប្រទះរឿងបែបនោះដែរ' តែប្រាប់គេថា 'មានមនុស្សច្រើនណាស់ដែលជួបប្រទះរឿងបែបនោះដូចយើង
ដូច្នេះគួរកំុបោះបង់ចោល…'
៧. 'អ្នកឯងកំពុងបង្កើតបញ្ហាដោយគ្មានហេតុផលត្រឹមត្រូវសោះ' ទៅជា 'មិនថាបញ្ហាអ្វីទេ វានឹងសាបសូន្យទៅតាមពេលវេលា ព្រោះថាបញ្ហាតែងកើតមានដោយមូលហេតុផ្សេងៗ' ។ យើងមិនអាចប៉ាន់ស្មានទំហំបញ្ហារបស់គេ ដោយគំនិតខ្លួនទេដូច្នេះ កំុប៉ាន់ស្មានល្អជាង។
មានវិធីក្នុងការនិយាយច្រើនទៀតដែលយើងមិនគួរមើលរំលង
ហើយរៀបរាប់មិនអស់ប៉ុន្តែទោះយ៉ាងណាក្តីត្រូវចាំថា រាល់ពេលនិយាយអ្វីត្រូវគិតជាមុនសិន
ថាសំដីនឹងអាចប៉ះ ពាល់ដល់អ្នកដទៃឬអត់។
អត្ថបទដោយ៖ ហ៊ុន កែវលីដែត
No comments