នឹង​មាន​​អ្វី​កើត​ឡើង​ បើ​អ្នក​ធ្វើ​ឲ្យ​តារា​និករ​ទាំង​នេះ​ឈឺ​ចាប់?​

មិនខ្វល់ថាអ្នកកំពុងធ្វើអ្វីនោះទេ បើសិនជាអ្នកធ្វើឲ្យតារានិករទាំង១២នេះឈឺចាប់ តើនឹងមាន​អ្វីកើតឡើងចំពោះខ្លួនអ្នកក៏ដូចជាតារានិករទាំងនោះ។

Aries (ថ្ងៃទី 21 ខែមីនាដល់ 19 ខែមេសា)
សំរាប់តារានិករ Aries នេះមិនខ្វល់មិនចាប់អារម្មណ៍ពីអ្វីដែលអ្នកធ្វើឲ្យពួកគេឈឺចាប់នោះទេ។ សំខាន់​បើគេឈឺចាប់ដោយសារអ្នកហើយ គេនឹងបំផ្លិចបំផ្លាញសំភារៈ​ប្រើប្រាស់ទាំង​ឡាយ​ណា​ដែលជារបស់អ្នកមិនខាន។

Taurus (ទី 20 ខែមេសាដល់ថ្ងៃទី 21 ឧសភា)
ចំណែកតារានិករ Taurus វិញនៅពេលណាដែលអ្នកធ្វើឲ្យគេឈឺចាប់នោះគឺគេនឹងធ្វើមិនដឹង​មិនលឺនូវអ្វីដែលអ្នកបាននិយាយ។ និយាយរួមគឺតារានិករនេះចាត់ទុកថាគ្មានវត្ដមានអ្នក​នៅក្បែរគេតែម្ដង។

Gemini (ថ្ងៃទី 22 ខែឧសភាដល់ថ្ងៃទី 21 មិថុនា)
តារានិករ Gemini នេះហាក់ដូចជាសាហាវបន្ដិច ប្រសិនបើអ្នកធ្វើឲ្យតារានិករនេះខូចចិត្ដ គឺ​មាន​​​ន័យថា តារានិករនេះនឹងស្វែងរកចំណុចណាមួយដើម្បីគំរាមកំហែងហែកកេរិ៍្ដ​អ្នក​ជាមិនខាន។

Cancer​ (ថ្ងៃទី 22 ខែមិថុនាដល់ថ្ងៃទី 22 ខែកក្កដា)
សំរាប់តារានិករ Cancer វិញគឺរាងចិត្ដទូលាយបន្ដិច ប្រសិនណាបើអ្នកធ្វើឲ្យតារានិករនេះខឹង ខូចចិត្ដ តារានិករនេះ ប្រាកដជាមិននិយាយរកអ្នក រហូតទាល់តែអ្នកសុំទោសគេសិន។

Leo (ថ្ងៃទី 23 កក្កដាដល់ថ្ងៃទី 22 សីហា)
ចំពោះតារានិករ Leoវិញ ប្រសិនបើអ្នកធ្វើឲ្យគេខូចចិត្ដ តារានិករនេះប្រាកដជា​ឈប់រាប់អាន​អ្នកជាមិត្ដទៀតហើយមិនថានៅលើប្រព័ន្ធសង្គមហ្វេសប៊ុកជាដើម។ និយាយដោយ​ខ្លីគឺblock​អ្នកចោលតែម្ដង។

Virgo (ថ្ងៃទី 23 ខែសីហាដល់ថ្ងៃទី 22 ខែកញ្ញា)
តារានិករ Virgo វិញមិនមានអ្វីច្រើននោះទេ។ ប្រសិនបើអ្នកធ្វើឲ្យគេខូចចិត្ដតារានិករនេះគ្រាន់​តែអង្គុយយំម្នាក់ឯងតែប៉ុណ្ណោះ។

Libra (ថ្ងៃទី 23 ខែកញ្ញាដល់ថ្ងៃទី 22 តុលា)
សំរាប់តារានិករ Libra វិញ គឺមិនមានអ្វីច្រើននោះទេ នៅពេលមាននរណាម្នាក់ធ្វើ​ឲ្យតារានិករ​នេះខូច​ចិត្ដ គឺគេគិតក្នុងចិត្ដថាអ្នកប្រហែលជាមិនចូលចិត្ដគេ​ឬស្អប់គេ។

Scorpio (ថ្ងៃទី 23 ខែតុលាដល់ថ្ងៃទី 22 ខែវិច្ឆិកា)
ចំពោះតារានិករ Scorpio វិញពេលដែលមានគេធ្វើឲ្យខ្លួនខូចចិត្ដនោះ គឺសំបកខ្លួនខាងក្រៅគឺ​ធម្មតានោះទេ តែនៅពេលយូរៗទៅចាប់ផ្ដើមឡូឡាហើយបន្ទោសខ្លួនងង។

Sagittarius (ថ្ងៃទី 23 វិច្ឆិកាដល់ថ្ងៃទី 21 ធ្នូ)
ប្រសិនបើអ្នកធ្វើតារានិករ Sagittarius ខូចចិត្ត នោះមានន័យថាអ្នកប្រាកដជាមិនអាចលេចមុខនៅ​ចំពោះមុខពួកគេបានទៀតឡើយ។ គេនឹងព្យាយាមគេចចេញពីអ្នកមិនខាន។

Capricorn (ថ្ងៃទី 22 ខែធ្នូដល់ថ្ងៃទី 20 ខែមករា)
សំរាប់តារានិករ Capricorn វិញប្រសិនអ្នកធ្វើឲ្យគេឈឺចាប់នោះប្រៀបបីដូចជាអ្នកកំពុងតែធ្វើ​ឲ្យខ្លួនឯងឈឺចាប់ដែរ។ មានន័យថាអ្នកធ្វើតារានិករនេះឈឺចាប់ប៉ុណ្ណាគេនឹងធ្វើឲ្យអ្នកឈឺ​ចាប់​​ប៉ុណ្ណឺងដែរ។

Aquarius (ថ្ងៃទី 21 ខែមករាដល់ថ្ងៃទី 18 ខែកុម្ភៈ)
ចំពោះ Aquarius វិញមិនខ្វល់ថាអ្នកដទៃធ្វើឲ្យខ្លួនឈឺចាប់ប៉ុណ្ណានោះទេ ដំណោះស្រាយរបស់​តារានិករនេះគឺ គេងដណ្ដប់ភួយឲ្យជិត​ ហើយសួរខ្លួនងងថា តើអ្នកណាជាអ្នកខុស។

Pisces (ថ្ងៃទី 19 ខែកុម្ភៈដល់ថ្ងៃទី 20 ខែមិនា)
ចំណែកតារានិករ Pisces វិញ ប្រសិនអ្នកធ្វើឲ្យតារានិករនេះឈឺចាប់ គឺគេនឹងមិននិយាយរកអ្នក​មុនជាដាច់ខាត លុះត្រាតែអ្នកមកនិយាយរកគេមុន៕


ប្រែសម្រួលដោយ ធានី
ប្រភព Though Catalog