ធ្វើយ៉ាងណារៀនវេយ្យាករណ៍អង់គ្លេសឆាប់ចេះ?
Loading...
នៅក្នុងភាសាអង់គ្លេស ការសិក្សាវេយ្យាករណ៍គឺជាមេរៀនមួយដែលអ្នកសិក្សាទូទៅមិនសូវចូលចិត្តរៀនប៉ុន្មានទេ ដោយសារតែវាពិបាកយល់។ វេយ្យាករណ៍ភាគច្រើនមានភាពស្មុគស្មាញ និងច្រើនជាន់ច្រើនស្រទាប់ទៀតផង។ តាមការពិតទៅ បើសិនជាអ្នកចេះពីវិធីរៀនវេយ្យាករណ៍នេះ ចុងក្រោយអ្នកនឹងមានអារម្មណ៍ថា រៀនវេយ្យាករណ៍ក៏សប្បាយម្យ៉ាងដែរ។ ហេតុនេះ ខាងក្រោមគឺជាវិធីសាស្ត្រខ្លះៗដែលអាចជួយឲ្យអ្នករៀនវេយ្យាករណ៍មានប្រសិទ្ធីភាព។
១. រៀនវេយ្យាករណ៍ចាប់ផ្តើមពីពាក្យមួយៗមកមុន
មុនពេលដែលរៀនពីអ្វីស្មុគស្មាញ អ្នកគួរយល់ដឹងពីវេយ្យាករណ៍ពាក្យមួយៗទៅ។ អ្នកគួរយល់ដឹងថាពាក្យណា មានថ្នាក់ពាក្យជាអ្វី មានតួនាទីបែបណា ឬប្រើសម្រាប់ធ្វើអ្វីជាមុនសិន។ ថ្នាក់ពាក្យក្នុងភាសាអង់គ្លេសមាន នាម (Noun) គុណនាម (Adjective) កិរិយា (Verb) គុណកិរិយា (Adverb) ឈ្នាប់ (Conjunction) ធ្នាក់ (Preposition) សព្វនាម (Pronoun) និង ឧទានសព្ទ (Interjection)។ អ្នកត្រូវសិក្សាពីវាមួយៗ ព្រោះថាវាគឺជាមូលដ្ឋានគ្រឹះសម្រាប់ការរៀនវេយ្យករណ៍ច្រើនជាងនេះទៀត
២. រៀនវេយ្យាករណ៍នៅក្នុងល្បះមួយ
បន្ទាប់ពីច្បាស់ពីពាក្យមួយៗនៅក្នុងល្បះ អ្នកប្រហែលជាត្រូវការរៀនក្នុងល្បះវិញម្តង។ ដំបូងបំផុត អ្នកគួររៀនពីមុលដ្ឋានគ្រឺះរបស់ល្បះក្នុងភាសាអង់គ្លេស មានន័យថារៀនពីសមាសធាតុនៅក្នុងល្បះ។ ជាទូទៅ សមាសធាតុរបស់ល្បះសាមញ្ញគឺ ប្រធាន (Subject) + កិរិយាចំបង(Main Verb) របស់ល្បះ + (កម្មបទ) (Object)។ ក្រៅពីនេះ អ្នកគួររៀនការប្រើប្រាស់ Subject Verb Agreement ក្នុងល្បះនោះផង។ ជាធម្មតា ល្បះមានច្រើនប្រភេទ ហើយពេលនេះហើយដែលអ្នកគួរតែសិក្សាល្បះប្រភេទមួយៗឲ្យបានល្អិតល្អន់ មានទាំងការប្រើប្រាស់ឈ្នាប់ កន្សោម ឃា្ល និងការប្រើវណ្ណយុត្ត (Punctuation) ជាដើម។
៣. រៀនវេយ្យាករណ៍ក្នុងកថាខណ្ឌ
កថាខណ្ឌមួយមានពី ៧ ទៅ ៩ ល្បះជាមូលដ្ឋាន រួមបញ្ជូលទាំង ល្បះផ្តើម (Topic Sentence) តួសេចក្តី (Body) និងល្បះបញ្ចប់ (Concluding Sentence)។ ការសរសេរកថាខណ្ឌគ្រាន់តែជាផ្នែកមួយប៉ុណ្ណោះ តែអ្វីដែលសំខាន់នោះគឺថាតើវាត្រូវឬខុសកម្រិតណា។ ហេតុនេះ ក្នុងពេលសរសេរកថាខណ្ឌចប់ហើយ អ្នកត្រូវតែមើលឡើងវិញ កែកំហុសវេយ្យករណ៍ សំណង់ប្រយោគ ឬអត្ថន័យមួយចំនួនដែលអ្នកគិតថាមានកំហុស។
៤. ការសិក្សាបន្ថែម
ក្រៅពីការសិក្សាទាំងអស់នេះ អ្នកនឹងត្រូវចាប់ផ្តើមធ្វើការស្វែងយល់បន្ថែមដូចជា សិក្សាលើក្បួនវេយ្យករណ៍ ធ្វើការប្រៀបធៀបក្បួនទាំងនោះ។ ក្រៅពីនេះ ការអានក៏អាចជួយអុ្នកបានច្រើនដែរ។ អ្នកអាចស្វែករកជំនួយពីអ្នកដទៃបន្ថែមបើសិនជាអ្នកគិតថាមិនអាចរៀនខ្លួនឯងបាន។ អ្វីដែលជាការសំខាន់គឺអ្នកត្រូវអនុវត្ត និង ធ្វើលំហាត់វេយ្យករណ៍ឲ្យបានច្រើនទើបប្រសើរ។
ដោយ៖ ហ៊ាង សុគន្ធារី
ប្រភព៖ Wikihow
១. រៀនវេយ្យាករណ៍ចាប់ផ្តើមពីពាក្យមួយៗមកមុន
មុនពេលដែលរៀនពីអ្វីស្មុគស្មាញ អ្នកគួរយល់ដឹងពីវេយ្យាករណ៍ពាក្យមួយៗទៅ។ អ្នកគួរយល់ដឹងថាពាក្យណា មានថ្នាក់ពាក្យជាអ្វី មានតួនាទីបែបណា ឬប្រើសម្រាប់ធ្វើអ្វីជាមុនសិន។ ថ្នាក់ពាក្យក្នុងភាសាអង់គ្លេសមាន នាម (Noun) គុណនាម (Adjective) កិរិយា (Verb) គុណកិរិយា (Adverb) ឈ្នាប់ (Conjunction) ធ្នាក់ (Preposition) សព្វនាម (Pronoun) និង ឧទានសព្ទ (Interjection)។ អ្នកត្រូវសិក្សាពីវាមួយៗ ព្រោះថាវាគឺជាមូលដ្ឋានគ្រឹះសម្រាប់ការរៀនវេយ្យករណ៍ច្រើនជាងនេះទៀត
២. រៀនវេយ្យាករណ៍នៅក្នុងល្បះមួយ
បន្ទាប់ពីច្បាស់ពីពាក្យមួយៗនៅក្នុងល្បះ អ្នកប្រហែលជាត្រូវការរៀនក្នុងល្បះវិញម្តង។ ដំបូងបំផុត អ្នកគួររៀនពីមុលដ្ឋានគ្រឺះរបស់ល្បះក្នុងភាសាអង់គ្លេស មានន័យថារៀនពីសមាសធាតុនៅក្នុងល្បះ។ ជាទូទៅ សមាសធាតុរបស់ល្បះសាមញ្ញគឺ ប្រធាន (Subject) + កិរិយាចំបង(Main Verb) របស់ល្បះ + (កម្មបទ) (Object)។ ក្រៅពីនេះ អ្នកគួររៀនការប្រើប្រាស់ Subject Verb Agreement ក្នុងល្បះនោះផង។ ជាធម្មតា ល្បះមានច្រើនប្រភេទ ហើយពេលនេះហើយដែលអ្នកគួរតែសិក្សាល្បះប្រភេទមួយៗឲ្យបានល្អិតល្អន់ មានទាំងការប្រើប្រាស់ឈ្នាប់ កន្សោម ឃា្ល និងការប្រើវណ្ណយុត្ត (Punctuation) ជាដើម។
៣. រៀនវេយ្យាករណ៍ក្នុងកថាខណ្ឌ
កថាខណ្ឌមួយមានពី ៧ ទៅ ៩ ល្បះជាមូលដ្ឋាន រួមបញ្ជូលទាំង ល្បះផ្តើម (Topic Sentence) តួសេចក្តី (Body) និងល្បះបញ្ចប់ (Concluding Sentence)។ ការសរសេរកថាខណ្ឌគ្រាន់តែជាផ្នែកមួយប៉ុណ្ណោះ តែអ្វីដែលសំខាន់នោះគឺថាតើវាត្រូវឬខុសកម្រិតណា។ ហេតុនេះ ក្នុងពេលសរសេរកថាខណ្ឌចប់ហើយ អ្នកត្រូវតែមើលឡើងវិញ កែកំហុសវេយ្យករណ៍ សំណង់ប្រយោគ ឬអត្ថន័យមួយចំនួនដែលអ្នកគិតថាមានកំហុស។
៤. ការសិក្សាបន្ថែម
ក្រៅពីការសិក្សាទាំងអស់នេះ អ្នកនឹងត្រូវចាប់ផ្តើមធ្វើការស្វែងយល់បន្ថែមដូចជា សិក្សាលើក្បួនវេយ្យករណ៍ ធ្វើការប្រៀបធៀបក្បួនទាំងនោះ។ ក្រៅពីនេះ ការអានក៏អាចជួយអុ្នកបានច្រើនដែរ។ អ្នកអាចស្វែករកជំនួយពីអ្នកដទៃបន្ថែមបើសិនជាអ្នកគិតថាមិនអាចរៀនខ្លួនឯងបាន។ អ្វីដែលជាការសំខាន់គឺអ្នកត្រូវអនុវត្ត និង ធ្វើលំហាត់វេយ្យករណ៍ឲ្យបានច្រើនទើបប្រសើរ។
ដោយ៖ ហ៊ាង សុគន្ធារី
ប្រភព៖ Wikihow
No comments