បញ្ហា​​​និង​​​គន្លឹះដោះ​​​ស្រាយ​សំខាន់ៗ​​​សម្រាប់​​​​ ​IELTS​ Matching​​ Headings​

អ្នក​ដែល​ធ្លាប់​ប្រឡង​ Reading Sectionរបស់ IELTS ច្បាស់​ជា​ធ្លាប់​ជួប​ប្រទះ​ជាមួយ​លំហាត់​ Matching Headings។ សិស្ស​ជាច្រើន​តែង​តែ​លើក​ឡើង​នូវ​បញ្ហា​មួយ​ចំនួន​ដែល​ពួគ​គេជួប​ប្រទះ​។ អត្ថបទ​មួយនេះ​ នឹង​បង្ហាញ​នូវ​បញ្ហា​ទាំង​អស់​នោះ ​និង​មធ្យោបាយ​មួយ​ចំនួន​ដែល​អាច​ជួយ​ឲ្យ​អ្នក​ទទួល​បាន​ពិន្ទុ​ល្អ​លើ​ចំណុច​នេះ​៖

  បញ្ហា

១. ពេលវេលាតិចពេក និងមានអ្វីត្រូវអានជាច្រើន ដែលធ្វើឲ្យសិស្សមួយចំនួន​មិនអាចធ្វើវា​បាន​ទាន់ពេល​វេលានោះទេ។

២. ការព្យាយាមរកឬភ្ជាប់ពាក្យក្នុង Headings ទៅនឹងពាក្យក្នុង Paragraph

៣. Heading ជាច្រើន​មើលទៅមានន័យដូចគ្នា​ដែលបណ្ដាលឲ្យ​មានការច្រឡំ​មិនដឹងថា​ជ្រើស​មួយ​ណា​

៤. សិស្សមួយចំនួនអានត្រឹមតែប្រយោគដំបូងនៃ Paragraphប៉ុណ្ណោះ​ដោយពួកគេមិន​បានយល់​ច្បាស់​​ពី​ Paragraph នោះ​ទេ

៥. ការចំណាយ​ពេល​យូរ​ពេក​លើ Paragraphមួយ រឺ Heading មួយ

៦. ចម្លើយរបស់វាមិនមែនស្ថិតតាមលំដាប់នោះទេ

មធ្យោបាយដោះស្រាយល្អៗ

១. អ្នកមិនចាំបាច់អានគ្រប់ពាក្យទាំងអស់នៃParagraphនីមួយៗនោះទេ ព្រោះ​ថាការ​ធ្វើបែបនេះ​នឹង​ចំណាយ​ពេល​យ៉ាងច្រើន។ អ្វីដែលអ្នកត្រូវធ្វើ គឺអានប្រយោគទី១រឺទី២ និងប្រយោគចុងនៃ Paragraph​នីមួយៗ​ដើម្បី​យល់ច្បាស់​ពីគំនិត​សំខាន់ៗ​នៃ​ Paragraphទាំង​នោះ។

២. បើសិនជាមានពាក្យដែលអ្នកមិនយល់ក៏ដោយ សូមកុំបារម្ភ ព្រោះថា​អ្វីដែល​អ្នកត្រូវ​ធ្វើគឺ​យល់ពី​ន័យរួម​រ​បស់ Paragraphតែប៉ុណ្ណោះ មិនមែនពាក្យនីមួយៗនោះទេ។ សូម្បីតែជនជាតិ​ដែលប្រើ​ប្រាស់​ភាសា​អង់គ្លេស​ពេលខ្លះ​ក៏មិនអាចយល់គ្រប់ពាក្យក្នុង IELTS Reading បានផងដែរ។

៣. អ្នកត្រូវតែមានចំណេះដឹងលើពាក្យន័យដូច ( Synonyms)។ សិស្ស​មួយចំនួន​តែងតែប្រព្រឹត្ត​ខុស​ដោយ​ព្យាយាមស្វែង​រកតែពាក្យដែល​ដូចគ្នាបេះ​ដាក់ប៉ុណ្ណោះ។

Example: នៅក្នុង Heading មានពាក្យគន្លឹះ រឺពាក្យសំខាន់ Beautiful ដូច្នេះ​ហើយ​មានពាក្យជា​ច្រើនដែល​មានន័យ​ដូចនឹងពាក្យ Beautiful ដែលអ្នកត្រូវតែស្វែងរកក្នុង​​ Paragraph ដូចជាពាក្យ Attractive និងពាក្យ Lovely រឺពាក្យ Prettyជាដើម។

៤. បើសិនជាមាន Heading ២រឺ៣ដែលស្រដៀងគ្នានោះ អ្នកគួរតែសរសេរពួកវានៅក្បែរ  Paragraph និងព្យាយាមស្វែងរកភាពខុសគ្នារវាង Headingsទាំងនោះដូចជាអ្វីទៅជា ពាក្យគន្លឹះ រឺពាក្យសំខាន់ ( Keyword ) និងព្យយាមគិតថា Heading មួយណាដែលត្រូវជាមួយ Paragraph​ ជាងគេ។

៥. បើសិនជាអ្នកនៅតែបន្តមិនអាចបែងចែកថា​ Heading មួយណាត្រូវជាមួយ Paragraph មួយណាជាគេនោះទេ អ្វីដែលអ្នកត្រូវធ្វើបន្ទាប់គឺត្រូវរម្លងវាចោលសិនដើម្បីទៅធ្វើអាផ្សេងទៀត។ នៅពេលដែលសល់ចម្លើយតិចនោះនឹងមានភាពងាយស្រួលជាងមុន។

៦. កុំភិតភ័យពេកបើសិនជាអ្នកមិនដឹងពីប្រធានបទទូទៅនៅក្នុង IELTS Reading។ ទោះបីជាអ្នកមិនដឹងពីប្រធានបទទាំងនោះក៏ដោយ អ្នកនៅតែអាចធ្វើវាបានផងដែរដោយផ្ដោតអារម្មណ៍ឲ្យបានស្ងប់ព្យាយាមធ្វើវាដោយយកចិត្តទុកដាក់។

៧. កុំព្យាយាមអាន  Headings មុនអាន Paragraphs ព្រោះវានឹងធ្វើឲ្យអ្នកព្យាយាមស្វែងរកដូចគ្នាក្នុង Headings ជាសជាងគំនិតសំខាន់នៃ Paragraphs។ អ្នកត្រូវតែទុក Headingsចោលមួយឡែកសិន ហើយត្រូវទៅអាន Paragraphs ឲ្យយល់ពីគំនិតសំខាន់ជាមុនសិនទើបត្រឡប់មកមើល Heading។

ប្រភព៖ IELTS ADVANTAGE

អត្ថបទដោយ៖ ប៉ោ គឹមហុក