រឿង​សំខាន់ៗយើងមិន​គួរ​ធ្វើ​នៅពេល​ភ្ញាក់ពី​គេង​ភ្លាមៗ​

មនុស្ស​ម្នាក់​ៗ​មាន​ទម្លាប់​ខុស​ៗ​គ្នា​នៅ​ពេល​គេ​ភ្ញាក់​ពី​គេង​ឡើង​នៅ​ពេល​ព្រឹក។ តែ​ទោះ​ជា​យ៉ាង​ណា មាន​ទម្លាប់​ខ្លះ​មិន​ត្រឹម​ត្រូវ​ ហើយដែល​ពួក​គេ​មិន​គួរ​ធ្វើ​​ដែរ។ តើ​ទម្លាប់​ត្រឹម​ត្រូវ​ទាំង​នោះ​មាន​អ្វី​ខ្លះ? តើ​អ្នក​គួរ​ធ្វើ​យ៉ាង​ណា​ដើម្បី​ឲ្យពេលភ្ញាក់​ឡើង​មាន​អារម្មណ៍​ស្រស់​ស្រាយ? ​ ខាង​ក្រោមនេះគឺជា​វិធី​ល្អ​ៗ​ដែល​អ្នក​ជំនាញ​បាន​ណែនាំ​ឲ្យ​អ្នក​ធ្វើ​តាមពេល​ភ្ញាក់​ពី​គេង​​។

1. ពេល​ម៉ោង​រោទិ៍ ​កុំ​ចុច​បិទ​ហើយ​គេង​បន្ត​ទៀត 

ភាគ​ច្រើន​ពួក​យើង​តែង​ដាក់​ម៉ោង​រោទិ៍​ដើម្បី​ឲ្យ​ក្រោក​បាន​លឿន។ តែជា​ធម្មតាយើង​មិន​បាន​ធ្វើ​តាម​ម៉ោង​រោទិ៍ទេ។ អ្នក​ជំនាញ​ បាន​សិក្សា​ថា ​ការ​ចុច​នាឡិការ​រោទិ៍​​បិទ​ ​ហើយ​គេង​បន្ត​ ជា​ការ​មិន​ល្អ​ ព្រោះ​នៅ​ពេល​អ្នក​ងើប​ឡើង​ក្រោយ​ពី​នោះ អ្នក​អាច​មាន​អារម្មណ៍​ធីង​ធោង​និង​អស់​កម្លាំង​។ តែ​បើ​អ្នក​ក្រោក​ភ្លាម អ្នក​នឹង​មាន​អារម្មណ៍​ស្រស់​ស្រាយ​ជាង។

2. មិន​រៀបចំគ្រែ

ទម្លាប់​អាក្រក់​មួយ​ទៀត​គឺ​ក្រោក​ឡើង​ដោយ​មិន​បាន​រៀប​ចំ​កន្លែង​គេង។ ការ​រៀប​ចំ​គ្រែនៅ​ពេល​ងើប​ពី​គេង​គឺ​ជា​ទម្លាប់​ល្អ​មួយ​មុន​ពេល​យើង​ចាប់​ផ្តើម​​ថ្ងៃ​ថ្មី​របស់​យើង។ ដូច្នេះ​ពេល​ងើប​ពី​គេង​កុំ​ទុក​គ្រែ​របស់​យើង​ឲ្យ​នៅ​រញ៉េ​រញ៉ៃអី។

3. ផឹក​កាហ្វេ 

ពេល​ភ្ញាក់​ពី​គេង​ភ្លាមៗ អ្នក​មិន​គួរ​ផឹក​កាហ្វេទេ។ តាម​ធម្មតា ការ​ផឹក​កាហ្វេ​អាច​ជួយ​បង្កើន​​ថាមពល តែ​យើង​ត្រូវ​ជ្រើស​រើស​ពេល​ញ៉ាំ​វា​ឲ្យ​បាន​ត្រឹម​ត្រូវដែរ។ ពេល​វេលាល្អ​សម្រាប់​​ញ៉ាំ​កាហ្វេ​​គឺ​នៅ​ម៉ោង​៩ ឬ​៩កន្លះ​ព្រឹក​។ ការ​ផឹក​កាហ្វេ​ពេល​ទើប​តែ​​ភ្ញាក់​ពី​គេង​អាច​ធ្វើ​ឲ្យ​​ការ​ផលិត​អរម៉ូន​សម្រាប់​រាងកាយ​មាន​ការ​​ថយ​ចុះ​ហើយ​ក៏ធ្វើ​ឲ្យ​ថាមពល​របស់​​អ្នក​ចុះ​ខ្សោយ​ដែរ។

4. ឆែក​មើល​អ៊ីនធើណេតឬអ៊ីមែល​ 

ពេល​ទើប​តែ​ងើប​ពី​គេង​ យើង​តែង​មាន​អារម្មណ៍​នៅ​វិល​មុខ ធីង​ធោង​ ​​មិន​ទាន់​ស្វាង​នៅ​ឡើយ។ ​បើ​សិន​ជា​​​យើង​ទៅ​បើក​​មើល​អ៊ីធើណេតឬ ឆែក​អ៊ីមែល យើង​តែង​អូស​វា​ឡើង​លើ​ចុះ​ក្រោម​ជា​និច្ច​ ហេតុ​នេះ​វា​អាច​ធ្វើ​ឲ្យ​យើង​មាន​អារម្មណ៍​ថា​វិល​មុខ​​ថែម​បើ​យើង​ធ្វើ​បែប​នេះ​ញឹក​ញាប់។

5. ធ្វើ​ឥរិយាបទអង្គុញ​ជើង​និង​ខ្លួន 

យោង​តាម​អ្នក​ចិត្ត​វិទ្យា​បាន​ឲ្យ​ដឹង​ថា ការ​គេង​សណ្តូក​ខ្លួន​ឲ្យ​ពេញ​នៅ​លើ​គ្រែ​ ជា​វិធី​មួយ​ដែល​អាច​ធ្វើ​ឲ្យ​យើង​ពង្រឹង​ភាព​ជឿ​ជាក់​នៅ​ក្នុង​ខ្លួន​សម្រាប់​ថ្ងៃ​ថ្មី​។ អង្គុញជើង​ ជួន​កាល​អាច​ធ្វើ​ឲ្យ​យើង​ឈឺ​ជើង​ឬ​ឆ្អឹង​ខ្នង​ទៀត​ផង។

6. ប្រញាប់​ប្រញាល់​និង​គិត​ច្រើន​ហួស

ក្រោក​ពី​គេង​ភ្លាម​ អ្នក​ត្រូវ​ធ្វើ​យ៉ាង​ណា​ឲ្យ​ខ្លួន​ឯ​ង​មាន​អារម្មណ៍​ស្រស់​ស្រាយ។ តាម​ធម្មតា ខួរក្បាល​របស់​យើង​ធ្វើ​ការ​នៅ​មាន​កម្រិត ហើយ​បើ​សិន​ជា​​យើង​ចំណាយ​ថាមពល​ខួរ​ក្បាល​ហួស​ហេតុ​ពេក ព្យាយាម​គិត​ច្រើន ​ យើង​នឹង​ឆាប់​អស់​កម្លាំង។ អ្នក​ត្រូវ​ការ​ថាម​ពល​សម្រាប់​ប្រើ​ប្រាស់​ពេញ​មួយ​ថ្ងៃ។

ដោយ៖ ហ៊ាង សុគន្ធារី
ប្រភព៖ Business Insider

(ហាមដាច់ខាតការយក​អត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)