តិចនិចងាយៗរៀនសម្រាប់ត្រៀមប្រលង
Loading...
តាមធម្មតា ជីវិតជាសិស្សគឺតែងមានជួបការប្រលង គេចមិនផុតឡើយ។
ពេលជិតប្រលងម្តងៗ មានអ្នកខ្លះក៏ស្ត្រេស
អ្នកខ្លះក៏មិនដឹងជាមើលមេរៀនពីកន្លែងណាមកដែរ។
តើអ្នកមានរិធីសាស្ត្ររៀនមុនប្រលងខ្លួនឯងដែរទេ?
តើគួរធ្វើយ៉ាងណារៀនឲ្យមានប្រសិទ្ធិភាពមុនពេលប្រលងទៅ?
ហេតុនេះហើយ នៅក្នុងអត្ថបទខាងក្រោម
យើងចង់បង្ហាញពីវិធីសាស្ត្រខ្លះក្នុងការសិក្សាពេលជិតប្រលង។
1. កត់ត្រាពីអ្វីដែលត្រូវរៀន
ដំបូងអ្នកត្រូវស្វែងយល់សិនថា ប្រធានបទឬផ្នែកណាដែលអាចប្រលងចេញ ហើយកត់ត្រាវាទុកក្នុងក្រដាសតូចមួយ។ បន្ទាប់ពីប្រមូលមេរៀនឬផ្នែកសំខាន់ចេញមកហើយ អ្នកត្រូវប្រាកដថាគ្រប់មេរៀនទាំងអស់អ្នកសុទ្ធតែបានកត់ទុកពេលរៀនរួចហើយ ហើយបើមិនមានទេ អ្នកត្រូវរកជំនួយដោយខ្ចីសៀវភៅមេរៀនរបស់មិត្តភក្តិយកមកមើលសិនជាដើម។ ធ្វើបែបនេះអាចធ្វើឲ្យអ្នកមានគំនិតទាំងមូលពីអ្វីដែលអ្នកនឹងរៀន។
2. រៀបចំកាលវិភាគរៀន
ការធ្វើការដែលមានការគ្រោងទុកមុនជាការល្អណាស់ ដូចជាការមើលមេរៀននេះជាដើម។ អ្នកគួរកំណត់ម៉ោងដែលអ្នកត្រូវរៀនមេរៀនមួយៗឲ្យបានត្រឹមត្រូវ។ ការធ្វើបែបនេះមិនត្រឹមតែអាចជួយឲ្យអ្នកមានភាពម៉ត់ចត់ក្នុងការមើលមេរៀនប៉ុណ្ណោះទេ តែវាថែមទាំងជួយឲ្យអ្នកអាចផ្ទៀងផ្ទាត់ពេលវេលាបានត្រឹមត្រូវទៀតផង។ ដល់ពេលប្រលង អ្នកនឹងអាចផ្ទៀងផ្ទាត់ម៉ោង និងវិញ្ញាសារប្រលងបានល្អ នឹងជៀសវាងការធ្វើមិនអស់។
3. កត់ត្រាចំនុចសំខាន់ៗរបស់មេរៀន
បន្ទាប់ពីដឹងថាត្រូវមើលមេរៀនណាហើយ បន្ទាប់មកអ្នកត្រូវកត់ត្រាចំណុចសំខាន់ៗរបស់មេរៀនជាមុនសិន។ អ្នកត្រូវសរសេរចំនុចទាំងនោះដោយយកចិត្តទុកដាក់ ព្រោះការសរសេរវាឡើងវិញអាចជួយឲ្យអ្នកមានការចងចាំចំណុចអស់នោះបានកាន់តែប្រសើរ។ កត់ត្រាចំណុចសំខាន់ៗរបស់មេរៀនក៏ជាផ្នែកមួយជួយឲ្យអ្នកឆាប់យល់ខ្លឹមសាររបស់មេរៀនបានកាន់តែលឿន។
4. ការរំលឹកមេរៀនដែលមានប្រសិទ្ធភាព
ពេលមើលមេរៀនឡើងវិញ ការទន្ទេញឲ្យចាំខ្លឹមសារទាំងអស់មិនមែនជាវិធីសាស្ត្រល្អទេ។ អ្នកត្រូវមើលលើចំណុចសំខាន់ៗ ហើយយល់វាវិញទើបប្រសើរ។ បើចាំ អ្នកមិនអាចឆ្លើយបានទេបើសំនួរសួរមិនចំ តែបើសិនជាអ្នកយល់វិញ ទោះជាសំនួរបញ្ឆិតបញ្ឈៀងយ៉ាងណាក៏អាចសរសេរពន្យល់គេបាន។
5. ថ្ងៃប្រលង
ការមើលមេរៀនទាំងអស់ត្រូវមកបញ្ចប់នៅក្នុងថ្ងៃប្រលង ហេតុនេះថ្ងៃប្រលងពិតជាសំខាន់។ ពីយប់មុនប្រលង អ្នកត្រូវចូលគេងមុន ហើយគេងឲ្យបានឆ្អែតទើបក្រោកពេលព្រឹកមកស្រស់ស្រាយ។ បន្ទាប់ពីគេងបានស្រួលពីយប់ ពេលព្រឹកអ្នកក៏ត្រូវត្រៀមខ្លួនដែរ។ អ្នកត្រូវក្រោកមុនម៉ោង រៀបចំខ្លួនទៅសាលាតាមសម្រួល ហើយបន្ទាប់មកញ៉ាំអាហារពេលព្រឹកដែលសំបូរថាមពលនិងសារជាតិបំប៉នផង។ អាហារទាំងនេះធ្វើឲ្យអ្នកមានកម្លាំង ព្រមទាំងការគិតស្រស់ស្រាយទៀតផង។
ដោយ៖ ហ៊ាង សុគន្ធារី
(ហាមដាច់ខាតការយកអត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)
1. កត់ត្រាពីអ្វីដែលត្រូវរៀន
ដំបូងអ្នកត្រូវស្វែងយល់សិនថា ប្រធានបទឬផ្នែកណាដែលអាចប្រលងចេញ ហើយកត់ត្រាវាទុកក្នុងក្រដាសតូចមួយ។ បន្ទាប់ពីប្រមូលមេរៀនឬផ្នែកសំខាន់ចេញមកហើយ អ្នកត្រូវប្រាកដថាគ្រប់មេរៀនទាំងអស់អ្នកសុទ្ធតែបានកត់ទុកពេលរៀនរួចហើយ ហើយបើមិនមានទេ អ្នកត្រូវរកជំនួយដោយខ្ចីសៀវភៅមេរៀនរបស់មិត្តភក្តិយកមកមើលសិនជាដើម។ ធ្វើបែបនេះអាចធ្វើឲ្យអ្នកមានគំនិតទាំងមូលពីអ្វីដែលអ្នកនឹងរៀន។
2. រៀបចំកាលវិភាគរៀន
3. កត់ត្រាចំនុចសំខាន់ៗរបស់មេរៀន
4. ការរំលឹកមេរៀនដែលមានប្រសិទ្ធភាព
ពេលមើលមេរៀនឡើងវិញ ការទន្ទេញឲ្យចាំខ្លឹមសារទាំងអស់មិនមែនជាវិធីសាស្ត្រល្អទេ។ អ្នកត្រូវមើលលើចំណុចសំខាន់ៗ ហើយយល់វាវិញទើបប្រសើរ។ បើចាំ អ្នកមិនអាចឆ្លើយបានទេបើសំនួរសួរមិនចំ តែបើសិនជាអ្នកយល់វិញ ទោះជាសំនួរបញ្ឆិតបញ្ឈៀងយ៉ាងណាក៏អាចសរសេរពន្យល់គេបាន។
5. ថ្ងៃប្រលង
ការមើលមេរៀនទាំងអស់ត្រូវមកបញ្ចប់នៅក្នុងថ្ងៃប្រលង ហេតុនេះថ្ងៃប្រលងពិតជាសំខាន់។ ពីយប់មុនប្រលង អ្នកត្រូវចូលគេងមុន ហើយគេងឲ្យបានឆ្អែតទើបក្រោកពេលព្រឹកមកស្រស់ស្រាយ។ បន្ទាប់ពីគេងបានស្រួលពីយប់ ពេលព្រឹកអ្នកក៏ត្រូវត្រៀមខ្លួនដែរ។ អ្នកត្រូវក្រោកមុនម៉ោង រៀបចំខ្លួនទៅសាលាតាមសម្រួល ហើយបន្ទាប់មកញ៉ាំអាហារពេលព្រឹកដែលសំបូរថាមពលនិងសារជាតិបំប៉នផង។ អាហារទាំងនេះធ្វើឲ្យអ្នកមានកម្លាំង ព្រមទាំងការគិតស្រស់ស្រាយទៀតផង។
ដោយ៖ ហ៊ាង សុគន្ធារី
(ហាមដាច់ខាតការយកអត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)
No comments