មើល​ចរិត​មនុស្ស​តាមរយ:​ឥរិយាបថ​នៃ​ការ​គេង​

ការគេងគឺជាទម្លាប់ប្រចាំថ្ងៃដែលមនុស្សយើងគ្រប់គ្នាធ្វើជាប្រចាំ។ តាមរយ:​ឥរិយាបថនៃការគេង អ្នកវិទ្យាសាស្ត្រអាច​បង្ហាញអោយដឹងអំពីអត្តចរិតធម្មជាតិរបស់បុគ្គលនីមួយៗបានដោយងាយ។

១. គេងត្រង់ខ្លួនដូចអុស

ការគេងដោយសណ្តូកជើង និងដៃត្រង់ស្មើតាមបណ្តោយខ្លួន មើលទៅស្មើដូចគល់អុស ជាឥរិយាបថគេងដែលពេញនិយមសម្រាប់មនុស្សភាគច្រើន វាបង្ហាញថា បុគ្គលម្នាក់នោះជាមនុស្សចូលចុះនឹងសង្គម និងងាយស្រួលចុះសម្រុងជាមួយអ្នកដទៃ។ ពួកគេចូលចិត្តបង្កើតការសន្ទនាជាមួយគ្រប់ប្រភេទមនុស្ស  ហើយពួកគេក៏ជាមនុស្សដែលអាចទុកចិត្តបានដែរ។

២. គេងត្រង់ដូចទាហ៊ាន

ឥរិយាបថគេងបែបនេះបង្ហាញថា បុគ្គលនោះជាមនុស្សរឹងមាំ ហើយស្ងប់ស្ងាត់ មិនចូលចិត្តកន្លែងមានមនុស្សអ៊ូអរ។ ពួកគេជាមនុស្សដែលយកចិត្តទុកដាក់បំផុតចំពោះមនុស្សជុំវិញខ្លួន ហើយក៏ចង់អោយអ្នកដទៃធ្វើបែបនោះដូចគ្នាចំពោះខ្លួនឯង។ អ្វីដែលគួរអោយចាប់អារម្មណ៍គឺថាពួកគេមានទម្លាប់គេងស្រមុកខ្លាំងណាស់ដែរ។

៣. គេងផ្កាប់មុខ

អ្នកដែលចូលចិត្តគេងផ្កាប់មុខ ដាក់ដៃអោបជុំវិញខ្នើយកើយ ភាគច្រើនជាមនុស្សដែលមានអត្តចរិតលេងសើច និងបើកចិត្តទូលាយ។ ប៉ុន្តែមានពេលខ្លះ ពួកគេច្រើននិយាយអ្វីចំៗពេក ដែលធ្វើអោយមនុស្សមួយចំនួនមិនសូវសប្បាយចិត្តជាមួយ។ បើទោះបីជាមើលទៅ អ្នកដែលគេងបែបនេះជាមនុស្សដែលមិនសូវខ្វាយខ្វល់ច្រើនក៏ពិតមែន ប៉ុន្តែអ្វីដែលគួរអោយភ្ញាក់ផ្អើកគឺពួកគេក៏មានភាពក្រេវក្រោធ និងឆាប់ខឹងនៅពេលអ្នកដទៃរិះគន់ច្រើន។

៤. គេងផ្អៀងអង្កុយជើង

ស្ថានភាពគេងបែបនេះ គឺជាឥរិយាបថគេងដ៏ពេញនិយមបំផុត។​ វាបង្ហាញថាបុគ្គលនោះមានចរិតអៀនខ្មាស់ច្រើន និងឆាប់ខឹងណាស់ដែរនៅក្នុងចិត្ត បើទោះជាសម្បកក្រៅ មើលទៅរឹងមាំ ធម្មតាក៏ដោយ។ មានពេលខ្លះពួកគេក៏ជាមនុស្សដែលចូលចិត្តគិតច្រើនហួសចំពោះបញ្ហាអ្វីមួយ និងបារម្ភច្រើនពេកដែរ។

រៀបរៀង និង​សរសេរដោយ: ចន ច័ន្ទបូតា

ប្រភពអត្ថបទពី:​ littlethings.com






ហាមដាច់ខាតការយក​អត្ថបទនេះទៅផ្សាយបន្តដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520