វិធី​ងាយៗ​ដើម្បី​សង​គុណ​គ្រូ​បង្រៀន​សំណព្វ

យើងគ្រប់គ្នាតែងមានចិត្តចង់សងគុណគ្រូបង្រៀន តាមរយៈការខំប្រឹងប្រែងរៀនសូត្រនិងជាពិសេសការជូនកាដូរផ្សេងៗទៅពួកគាត់។ អ្នកប្រហែលគិតថាអ្នកត្រូវជូនកាដូថ្លៃទើបគ្រូពេញចិត្ត ការពិតទៅក្នុងនាមជាសិស្សយើងគ្រាន់តែជូនអ្វីតាមលទ្ធភាពនិងអស់ពីចិត្តទៅគ្រូសប្បាយចិត្តណាស់ទៅហើយ។



១. សរសេរសំបុត្រ
សរសេរប្រាប់គាត់ថាអ្នកស្រលាញ់គាត់ប៉ុនណា ហើយមានអនុស្សាវរីយ៍ល្អៗអ្វីខ្លះជាមួយពួកគាត់ ច្បាស់ជាធ្វើឲ្យគាត់រំភើបចិត្តជាមិនខាន។


២. រុក្ខជាតិដាក់ថូ
អ្នកអាចទិញដើមផ្កាឬរុក្ខជាតិតូចៗ ហើយធ្វើថូខ្ជូតខ្ជូតដាក់ជូនពួកគាត់។ ការធ្វើអ្វីដោយដៃនេះ ពិតជាមានតម្លៃណាស់ ព្រោះវាបញ្ជាក់ពីទឹកចិត្តរបស់យើងទៅកាន់គាត់។


៣. ធ្វើបញ្ជី
អ្នកអាចធ្វើបញ្ជីមួយហើយរៀបរាប់ពីការដឹងគុណរបស់អ្នកទៅដល់លោកគ្រូអ្នកគ្រូ។ វិធីសាស្រ្តនេះអាចនឹងសាមញ្ញបន្តិច តែវាពិតជាមានប្រសិទ្ធភាព។


៤. ធ្វើវីដេអូ
បើអ្នកមានកាម៉េរ៉ាឬទូរសព្ ទអ្នកអាចថតវីដេអូខ្ លីនិយាយពីទឹកចិត្តរបស់អ្នកទៅកាន់លោកគ្រូអ្នកគ្រូជាទីស្រលាញ់។


៥. នំឬភេសជ្ជៈ
អ្នកក៏អាចជូនគ្រូរបស់អ្នកនូវអាហារសម្រន់បន្តិចបន្តួច ឬភេសជ្ជៈដែលពួកគាត់ចូលចិត្ត។


៦. សម្ភារៈបង្រៀន
ពិសេសជាងនេះទៅទៀត អ្នកអាចជូនសម្ភារៈបង្រៀនដូចជាប៊ិច​ សៀវភៅ ឬហ្វឺត ទៅពួកគាត់។ អ្នកក៏អាចមានឱកាសឃើញគាត់ប្រើរបស់ទាំងនោះរាល់ថ្ងៃទៀតផង៕



អត្ថបទ៖ ជី បូណ៌មី
ប្រភព៖ Steve Spangler Science

(ហាមដាច់ខាតការយក​អត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)