កត់​ត្រា​បែប​ណា​ទើប​មាន​ប្រយោជន៍​សម្រាប់​ការ​សិក្សា?

ការ​ Take Note (កត់ត្រា) មាន​សារៈសំខាន់​ណាស់​សម្រាប់​សិស្ស​គ្រប់​រូប។​ ប៉ុន្តែ​ Note​នឹង​ក្លាយ​ជា​អត់​ប្រយោជន៍នៅ​ពេល​ដែល​កត់​ត្រា​រញ៉េរ​ញ៉ៃ​មើល​មិន​យល់​នោះ​ទេ។ ការ​​ Take Noteត្រូវ​តែ​មាន​តិច​និច​ក្នុង​ការ​ធ្វើ​វា ​បើសិន​ជា​អ្នក​ចង់​ឲ្យ​ Note​ របស់អ្នក​ក្លាយ​ជា​របស់​ដែល​មាន​ប្រយោជន៍​សម្រាប់​ការ​សិក្សា​។ អត្ថបទ​នេះ​នឹង​បង្ហាញ​អ្នក​​ពី​វិធី​ងាយ​ៗ​មួ​យ​ចំនួន​ដែល​អ្នក​អាច​អនុវត្ត​ខ្លួន​ឯង​បាន​យ៉ាង​ងាយ​ស្រួល​៖

១. Take Noteរាល់ចំណុចសំខាន់

សិស្សមួយចំនួនតែងតែធ្វេសប្រហែសដោយមិនកត់ត្រាអ្វីទាំងអស់ ព្រោះពួកគេគិតថាវាងាយស្រួលមិនពិបាកចាំ។ ការគិតបែបនេះពិតជាខុស ព្រោះថា មនុស្សយើងគ្រប់គ្នាតែងតែភ្លេច គ្រាន់តែតិចនិងច្រើនតែប៉ុណ្ណោះ។​  បែបនេះហើយអ្នកត្រូវតែ Take Note គ្រប់ពេលរាល់ចំណុចសំខាន់ៗ ឲ្យបានម៉ត់ចត់ដើម្បីទុករម្លឹកនិងធ្វើការសិក្សាបន្ថែមដោយខ្លួនឯងបន្ថែមទៀត។

២. មករៀនដោយមានការត្រៀមជាស្រេច

រាល់មុនពេលមករៀន អ្នកត្រូវតែមានការត្រៀមខ្លួនឲ្យរួចជាស្រេច។ ហើយអ្វីដែលត្រូវធ្វើនោះមានដូចជាអានមេរៀនដែលនឹងត្រូវរៀន និងរំលឹកមេរៀនចាស់ដែលអ្នកបានកត់ត្រាជាដើម។ ការធ្វើបែបនេះនឹងជួយឲ្យអ្នកមានគំនិតខ្លះពីមេរៀនដែលនឹងត្រូវរៀន និងអាចមានសំណួរខ្លះដើម្បីសួរគ្រូបង្រៀនរបស់អ្នក។ ពេលដែលអ្នកបានធ្វើរឿងទាំងនេះ អ្នកនឹងដឹងច្បាស់ថាត្រូវកត់ត្រាអ្វីខ្លះ។

៣. ប្រៀបធៀប Note របស់អ្នកជាមិត្តភក្តិ

ដើម្បីប្រាកដថា Noteរបស់អ្នកពិតជាត្រឹមត្រូវ និងមានការម៉ត់ចត់បានល្អនោះ អ្នកត្រូវប្រៀបធៀបNoteរបស់អ្នកជាមួយមិត្តភក្តិនៅពេលដែលចប់ម៉ោងរៀន។ ការធ្វើបែបនេះមានសារៈសំខាន់ណាស់ ព្រោះពេលខ្លះមិត្តភក្តិរបស់អ្នកអាចកត់ត្រាបាននូវចំណុចខ្លះដែលអ្នកស្ដាប់មិនទាន់ រឺស្ដាប់មិនសូវយល់។

៤. ព្យាយាមនៅឲ្យឆ្ងាយពីអ្វីដែលរំខានពេលសិក្សា

អ្នកប្រាកដជាដឹងហើយថា ការកត់ត្រាទាមទារឲ្យមានការផ្ដោតអារម្មណ៍បានមូលដើម្បីស្ដាប់គ្រូពន្យល់។ ហេតុបែបនេះបើសិនជាអ្នកចង់​ Take Noteបានល្អនោះ អ្នកត្រូវតែនៅឲ្យឆ្ងាយពីអ្វីដែលរំខានដល់ការស្ដាប់មេរៀនរបស់អ្នក។ លើសពីនេះ អ្នកគួរតែប្ដូរទីតាំងមកអង្គុយខាងមុខវិញ ដើម្បីកាន់តែងាយស្រួលក្នុងមើលនិងស្ដាប់គ្រូពន្យល់។

៥. ប្រើប្រាស់ពាក្យកាត់និងសញ្ញាមួយចំនួន

អ្នកដឹងស្រាប់ហើយថា ពេលគ្រូពន្យល់មិនដែលយឺតនោះទេ។ ពេលខ្លះស្ដាប់សឹងតែមិនទាន់។ បើសិនជាអ្នកព្យាយាមកត់ត្រាគ្រប់ពាក្យគ្រប់ម៉ាត់ដែលគ្រូពន្យល់នោះច្បាស់ជាNoteមិនទាន់ហើយ។ បែបនេះអ្នកត្រូវតែឆ្លាតដោយត្រូវប្រើប្រាស់ពាក្យកាត់ និងសញ្ញាមួយចំនួនដើម្បីចំណេញពេលវេលា។ ប៉ុន្តែអ្នកត្រូវប្រាកដថា ពាក្យកាត់និងសញ្ញាទាំងនោះអ្នកអាចយល់ពីវាបាននៅពេលរម្លឹកវាសារជាថ្មី។

៦. Take Noteឲ្យបានច្បាស់

 ការកត់ត្រានឹងក្លាយរបស់ដែលគ្មានប្រយោជន៍នៅពេលដែលអានវាមិនដាច់នោះ។ រាល់ការកត់ត្រា អ្នកត្រូវតែប្រាកដថាអ្នកអាចមើលវាយល់ដោយខ្លួនឯង។ មានមនុស្សមិនតិចទេ ដែលកត់ត្រាហើយមើលខ្លួនឯងមិនយល់ដោយសារតែអក្សរអាក្រក់ពេករឺជាប់គ្នាពេកមិនដឹងស្អីជាស្អីនោះ។

ប្រភព៖ educationcorner

អត្ថបទដោយ៖ ប៉ោ គឹមហុក

(ហាមដាច់ខាតការយក​អត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)