មើល​ចរិត​មនុស្ស​តាម​រយ:​ទម្រង់​មុខ​ធម្មជាតិ​

ចិត្តវិទ្យាក្នុងការមើលចរិតមនុស្សមានច្រើនបែប ច្រើនទម្រង់ដែលគួរអោយចាប់អារម្មណ៍ និងងាយស្រួលក្នុងការរៀន។ ការមើលចរិតមនុស្សតាមរយ:ទម្រង់មុខ គឺជាមធ្យោបាយមួយក្នុងចំណោមវិធីសាស្រ្តផ្សេងទៀតដែលយើងអាចកត់សម្គាល់បានដោយខ្លួនឯង។ តើលោកអ្នកចង់ចេះទេ តោះសាកអានលមើល៍។

១. មុខរាងមូល

គឺជាមនុស្សឆាប់រំភើប ឆាប់អន់ចិត្ត​​ ហើយក៏ជាមនុស្សដែលយកចិត្តទុកដាក់ខ្លាំងណាស់ដែរ។ មនុស្សដែលមានថ្ពាល់ពេញ មុខមូល គឺភាគច្រើនជាមនុស្សចូលចិត្តស្រមើស្រមៃអំពីរឿងផ្លូវភេទ ជាងនេះទៅទៀត ពួកគេចូលចិត្តរក្សាទំនាក់ទំនងក្នុងរយ:ពេលយូរ ជាជាងក្តីស្រឡាញ់មួយឆែវ។

២. មុខរាងទ្រវែង

ភាគច្រើន​មនុស្សដែលមានទម្រង់បែបនេះ គឺជាអ្នកដែលមានរូបរាងជាអ្នកកីឡា និងស្រឡាញ់ថែទាំសុខភាពរាងកាយ។ ពួកគេចូលចិត្តការអនុវត្ត ច្រើនជាងទ្រឹស្តី ហើយមួយចំនួនធំជាមនុស្សធ្វើការហួសហេតុក៏ថាបាន។ ពួកគេមួយចំនួនអាចមានបញ្ហាប្រឈមទាក់ទងនឹងរឿងស្នេហា ដោយសារពួកគេអោយតម្លៃទៅលើរូបរាងច្រើនជាង។

៣. មុខរាងរាងបេះដូង

ជាមនុស្សដែលមានរាងតូចស្គមស្តើង និងជាមនុស្សពូកែឈ្លាសវៃ។ ពួកគេមានភាពច្នៃប្រឌិតខ្ពស់ និងមានការយោគយល់ អធ្យាស្រ័យល្អផងដែរ។

៤. មុខរាងជ្រុង

ជាប្រភេទមនុស្សដែលមានការវិភាគខ្ពស់ និងការសម្រេចចិត្តយ៉ាងប្រុងប្រយ័ត្ន។ ទម្រង់មុខនេះ បង្ហាញថាម្នាក់នោះជាមនុស្សដែលមានភាគឆេវឆាវ និងមានទម្លាប់គ្រប់គ្រងលើអ្នកដទៃ។

៥. មុខរាងពងក្រពើ

បង្ហាញយ៉ាងច្បាស់អំពីភាពស្មើគ្នា ភាពផ្អែមល្ហែម ភាពទាក់ទាញ ដែលបុគ្គលមុខរាងពងក្រពើមាន។ ពួកគេពូកែខាងការទូត និងសិល្ប: ប៉ុន្តែត្រូវប្រុងប្រយ័ត្នជាមួយមនុស្សប្រភេទនេះផងដែរ ជាពិសេសដោយសារពួកគេមិនសូវមានភាពយោគយល់ និងអធ្យាស្រ័យខ្ពស់ប៉ុន្មានទេ។

រៀបរៀង និង​សរសេរដោយ: ចន ច័ន្ទបូតា

ប្រភពអត្ថបទពី: leadingpersonality.wordpress.com




(ហាមដាច់ខាតការយក​អត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)