​ប្រភេទ​ឈាម​របស់​អ្នក​ប្រាប់​អ្វី​ពី​អ្នក​ខ្លះ?​

វា​ហាក់​បី​ដូចជា​មិន​គ្រប់​គ្រាន់​ខណៈ​ពេល​ដែលមាន​ទ្រឹស្តីជា​ច្រើន​និយាយ​ពី​​បុគ្គលិកលក្ខណៈ​ផ្សេង​ៗគ្នារបស់​មនុស្ស វា​នៅ​មាន​ទ្រឹស្តី​ជា​ច្រើន​ដែល​និយាយ​ពី​ហេតុផល​ទាំង​អស់​នោះ។ ក្នុង​នោះ ប្រភេទ​ឈាម​របស់​មនុស្ស​ម្នាក់​ៗ​ក៏​អាច​ជា​ភស្តុតាង​មួយ​បញ្ជាក់​ពី​អត្តចរិត​ និង​អាកប្បកិរិយា​ផ្សេងៗ និង​ប្លែក​ៗ​គ្នា​ដែរ។ ជាទូទៅ ប្រភេទ​ឈាម​ដែល​មនុស្ស​អាច​មាន​គឺ ឈាម​ប្រភេទ A (+ and -), B (+ and -), O(+ and -), និង AB (+ and -)។ ខាង​ក្រោម​នេះ​គឺជា​អត្ថបទ​បក​ស្រាយ​ពី​អត្ថន័យ​ឈាម​ក្នុង​ខ្លួន​អ្នក។

1. បើ​អ្នក​មាន​ប្រភេទ​ឈាម A

មនុស្ស​ដែល​មាន​ឈាម​ប្រភេទ A ជា​មនុស្ស្​ចិត្ត​ល្អ និង​មាន​ចិត្ត​អាណិត​អ្នក​ដទៃ។ ពួក​គេ​ខ្វល់​ខ្វាយ​ពី​តម្រូវ​ការ​និងទឹក​ចិត្ត​របស់​អ្នក​ដទៃ​មុន​ខ្វល់​ពី​ខ្លួន​ឯង។ អ្នក​ប្រហែល​ជា​ឃើញ​ថា​ពួក​គេ​ជា​មនុស្ស​ស្ងៀម​ស្ងាត់​ គ្មាន​បញ្ហា​ពី​ខាង​ក្រៅ តែ​តាម​ពិត​ពួក​គេមាន​បញ្ហាជា​ច្រើន​ក្នុង​ចិត្ត។ អ្នក​ឈាម​ប្រភេទ A ជា​មនុស្ស​ស្តាប់​រឿង​រ៉ាវ​របស់​គេ ដែល​ជា​មិត្ត​ភក្តិ​ដ៏​ល្អ។ ពួក​គេ​​ជា​មនុស្ស​សប្បាយ​តិច ហើយ​តែង​ធ្វើ​យ៉ាង​ណា​ឲ្យ​ខ្លួន​ឯង​ស្រប​ជា​មួយ​បរិយាកាស​ជុំវិញ​។ ​​ពួក​គេគួរ​តែ​ចំណាយ​ពេល​នៅ​តែ​ម្នាក់​ឯង និងសម្រាក​ឲ្យ​បាន​ច្រើន។


2. បើ​អ្នក​មាន​ប្រភេទ​ឈាម B

ពួក​គេ​ជា​ប្រភេទ​មនុស្ស​រួស​រាយ​ ​ងាយ​ស្រួល​ចុះ​សម្រុង​និង​ធ្វើ​ជា​មិត្ត​នឹង​អ្នក​ដទៃ។ ពួក​គេ​មិន​មែន​ជា​មនុស្ស​លាក់​អារម្មណ៍ និង​សេចក្តី​សុខ​របស់​ខ្លួន​ឯង​ទេ គឺភាគ​ច្រើន​គេ​មិន​សូវ​មាន​រឿង​ច្រើន​ក្នុង​ចិត្ត​ទេ។ ម្យ៉ាងទៀត ពួក​គេ​មាន​សមត្ថភាព​ពិសេស​ក្នុង​ការ​មើល​ចិត្ត​និង​កាយវិការ​របស់​អ្នក​នៅ​ជុំវិញ​ខ្លួន​គេ។ គេ​ច្រើន​ជឿជាក់​លើខ្លួន​ឯង និង ​អ្វី​ដែល​ខ្លួន​​បាន​សម្រេច​។ ពួក​គេ​អាចជា​អ្នក​ដឹក​នាំ និង​អ្នក​ទំនាក់​ទំនង​ដ៏​ល្អ​។


3. បើ​អ្នក​មាន​ប្រភេទ​ឈាម O

ប្រភេទ​នេះ​ជា​មនុស្ស​មាន​ទំនួល​ខុស​ត្រូវ​ខ្ពស់ ជា​អ្នក​អនុវត្ត ព្រម​ជា​អ្នក​រៀប​ចំនិង​ដឹក​នាំ។ ភាព​ជា​អ្នក​ដឹក​នាំ និង​ការតាំង​ចិត្ត​របស់​គេ​ធ្វើ​ឲ្យ​គេ​អាច​សម្រេច​បាន​គោល​បំណង​របស់​ខ្លួន​បាន​យ៉ាង​ជោគ​ជ័យ។ អ្នក​ឈាម​ប្រភេទ O ជា​អ្នក​មាន​រាង​កាយ​មាំមួន ហើយ​ជា​អ្នក​លេង​កីឡា​ផង​ដែរ។ ភាគ​ច្រើន​ដោយ​សារ​តែ​គេ​ត្រូវ​បាន​មនុស្ស​ជុំវិញ​ខ្លួន​ចូល​ចិត្ត ពួក​គេ​អាច​ត្រូវ​ការ​ពេល​ម្នាក់​ឯង​ឲ្យ​បាន​ច្រើន។


4. បើ​អ្នក​មាន​ប្រភេទ​ឈាម AB

អ្នក​មាន​ឈាម​ប្រភេទនេះ ជា​មនុស្ស​រឹង​មាំ​ទាំង​កាយ​ទាំង​ចិត្ត ព្រម​ទាំងជា​មនុស្ស​មាន​ហេតុផល។ ភាគ​ច្រើន​ពួក​គេ​មិន​ខ្វល់​ខ្វាយ​ជា​មួយ​រឿង​តូច​តាចទេ ហើយ​គេច្រើន​ជា​មនុស្ស​មិន​ឲ្យ​អារម្មណ៍​មក​គ្រប់​គ្រង​ខ្លួន​ឯង​បាន​។ ពួកគេ​ជា​មនុស្ស​ទាម​ទារ​សេរីភាព​និង​ឯករាជ្យ​ផ្ទាល់​ខ្លួន​ជា​និច្ច។

ដោយ៖ ហ៊ាង សុគន្ធារី 

ប្រភព៖ Psychologia

ហាមដាច់ខាតការយក​អត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520៕