មើល​ចរិត​មនុស្ស​តាម​រយ:​ការ​កាន់​ចង្កូត​បើក​ឡាន

ចិត្តវិទ្យាក្នុងការមើលចរិតមនុស្សមានច្រើនបែប ច្រើនទម្រង់ដែលគួរអោយចាប់អារម្មណ៍ និងងាយស្រួលក្នុងការរៀន។ ដឹងទេថាគ្រាន់តែការកាន់ចង្កូតបើកឡានរបស់អ្នក ក៏អាចបង្ហាញយ៉ាងច្បាស់ថាអ្នកជាមនុស្សចរិតយ៉ាងម៉េចដែរ។ មើលរូបភាពខាងក្រោមនេះទៅ ហើយចាប់អារម្មណ៍ថាតើមួយណាជាស្ទាយ៍កាន់ចង្កូតរបស់អ្នក។

ចូរផ្ទៀងផ្ទាត់តាមលេខ៖

១. មនុស្សចរិតសាមញ្ញ

 អ្នកចូលចិត្តរស់នៅដោយធ្វើខ្លួនអោយសាមញ្ញតាមដែលអាចធ្វើទៅបាន។ អ្នកមិនចូលចិត្តជ្រើមជ្រួលតាមសម្ភារ:និយម ហើយអ្នកជាមនុស្សនិយាយត្រង់ៗ និងមានភក្តីភាពជាមួយមិត្តភក្តិ។

២. មនុស្សចូលចិត្តលេងសើច

 ខួរក្បាលរបស់អ្នកបញ្ជាសកម្មភាពប្លែកៗគ្រប់បែបយ៉ាងអោយធ្វើការ។ អ្នកជាមនុស្សកំប្លុកកំប្លែង និងរហ័សរហួន ព្រមទាំងមានការច្នៃប្រឌិតខ្ពស់ និងមានទេពកោសល្យសិល្ប:គួរអោយស្ងើចសរសើរ ដែលអ្នកផងស្រឡាញ់ចូលចិត្ត។

៣. មនុស្សបង្កើតសន្តិភាព

 អ្នកមិនចូលចិត្តបង្ករឿង ឫធ្វើអោយអ្នកដទៃពិបាកដោយសារខ្លួនទេ។ បើសិនជាអ្នកនិយាយសម្តីធ្ងន់ ឫតម្លើងសម្លេងតែបន្តិច អ្នកដទៃនឹងភ្ញាក់ផ្អើល ហើយច្បាស់ណាស់រឿងនោះមិនមែនជារឿងលេងសើចនោះទេ។

៤. មនុស្សមានទំនោរល្អឥតខ្ចោះ

អ្នកផ្តោតសំខាន់ទៅលើរឿងគ្រប់ជ្រុងជ្រោយ ហើយអ្នកតែងតែគម្រោងផែនការមុននឹងធ្វើអ្វីមួយជានិច្ច។ អ្នកតែងតែប្រាប់ខ្លួនឯងថា អ្នកត្រូវតែសម្រេចកិច្ចការមួយអោយបានល្អឥតខ្ចោះ មិនអោយរួចតែពីដៃទេ។ អ្នកជាមនុស្សមានសណ្តាប់ធ្នាប់បំផុត។

៥. មនុស្សប្រុងប្រយ័ត្នគ្រប់ជំហាន

 អ្នកតែងតែត្រួតពិនិត្យសព្វគ្រប់មុននឹងចាកចេញ។ អ្នកមិនធ្វើការងារលំៗ ឫប្រថុយប្រថានទេ អ្នកតែងតែប្រាកដថា អ្វីៗរៀបរយត្រឹមត្រូវ ឃើញច្បាស់នឹងភ្នែកទើបជឿជាក់។ អ្នកជាមនុស្សដែលអ្នកដទៃអាចពឹងពាក់បាន ជាពិសេសអំពីបញ្ហាសុវត្ថិភាព សន្តិសុខជាដើម។

៦. មនុស្សចូលចិត្តផ្សងព្រេង

 អ្វីដែលអ្នកប្រាថ្នាចង់ធ្វើយ៉ាងហោចណាស់មួយដងក្នុងឆាកជីវិត គឺការលោតឆ័ត្រយោងពីលើអាកាស ​ឫការលោតខ្សែពីលើចង្កេះភ្នំជាដើម។ បើទោះបីជាមិត្តភក្តិរបស់អ្នកមួយចំនួនធំមិនចូលចិត្តការសាកល្បងទាំងនេះក៏ដោយ ក៏អ្នកនៅតែធ្វើវាអោយបានដោយខ្លួនឯង។

៧. មនុស្សមានចរិតជាថៅកែ

 អ្នកចូលចិត្តដឹកនាំអ្នកដទៃអោយដើរតាមការគ្រប់គ្រងរបស់ខ្លួនស្ទើរតែគ្រប់ស្ថានការណ៍។ ដោយសារតែភាពជឿជាក់ ការដឹកនាំល្អដែលអ្នកមាន ធ្វើអោយអ្នកដទៃតែងតែមកពឹងពាក់ សួរនាំនូវឱវាទរបស់អ្នកជាប់ជានិច្ច។

៨. មនុស្សដែលអាចពឹងពាក់បាន

 អ្នកផងចូលចិត្តអ្នកដោយសារតែអ្នកជាអ្នកជាជំហរក្នុងគ្រួសារ និងតែងតែលើកទឹកចិត្តដល់មិត្តភក្តិ។ អ្នកគឺជាអ្នកស្តាប់រឿងរ៉ាវដ៏ល្អម្នាក់ និងជាអ្នកជម្រុញទឹកចិត្តអោយអ្នកដទៃតស៊ូ ប្រឹងប្រែងដោយខ្លួនឯងបាន។

៩. មនុស្សមានចរិតរឹងរូស

 អ្នកមិនសូវចាត់ទុករឿងទាំងឡាយដាក់ក្នុងបេះដូងទេ ដែលអ្នកដទៃច្រើនគិតថាអ្នកមិនដែលខ្វល់ខ្វាយនឹងរឿងអ្វីទាំងអស់។ បើទោះជាមានឧបសគ្គកើតឡើង អ្នកចូលចិត្តដោះស្រាយដោយខ្លួនឯង ហើយតែងតែធ្វើខ្លួនអោយសប្បាយជានិច្ច។

១០. មនុស្សមិនចូលចិត្តខ្វល់រឿងគេ

 អ្នកតែងតែរវល់គ្រប់ពេលវេលា ឥតល្ហែណាស់លោកអើយ ដូច្នេះហើយអ្នកក៏គ្មានពេលទៅយកចិត្តទុកដាក់លើអ្នកដទៃដែលមិនចូលចិត្តអ្នក ហើយផ្តោតលើខ្លួនឯងច្រើនជាង។

រៀបរៀង និង​សរសេរដោយ: ចន ច័ន្ទបូតា

ប្រភពអត្ថបទពី: wiki.com

(ហាមដាច់ខាតការយក​អត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)