ធ្វើម៉េចឲ្យមានភាពជឿជាក់ពេលធ្វើ Presentation នៅមុខមនុស្សច្រើន?
Loading...
ជាទូទៅ ចំពោះសិស្សសាកលវិទ្យាល័យ ការឡើងនិយាយបង្ហាញ ឬនិយាយសាធារណៈ
(presentation) នៅចំពោះមុខមិត្តភក្តិរួមថ្នាក់ទាំងអស់
តែងមានជាញឹកញាប់។ អារម្មណ៍ និងការតាំងចិត្ត
នៅពេលឡើងទៅដល់វេទិកា គឺជារឿងសំខាន់បំផុតដែលអ្នកត្រូវមើលថែរ។
ការភ័យគឺជារឿងធម្មតាដែលតែងកើតមានចំពោះមនុស្សរាល់គ្នា
ហើយបើដូចនោះអ្នកត្រូវធ្វើយ៉ាងដូចម្តេចដើម្បីឲ្យអ្នកមានចិត្តកាន់តែក្លាហាន
និងមានទំនុកចិត្តចំពោះខ្លួនឯង និងមិនឲ្យគេមើលឃើញថាយើងភ័យ?
ខាងក្រោមគឺជាវិធីមួយចំនួនដែលអ្នកមិនគួរមើលរំលង។
1. ត្រៀមខ្លួននិងរៀបចំខ្លឹមសារនិយាយឲ្យបានមុខ
2. អនុវត្តន៍ការនិយាយជាញឺកញាប់
បន្ទាប់ពីដឹងថាត្រូវនិយាយពីអ្វីហើយ អ្នកគួរហាត់និយាយខ្លួនឯងបន្តទៀត។ បើសិនជាអ្នកត្រូវនិយាយជាភាសាដើមរបស់អ្នក វាមិនសូវជាបញ្ហាប៉ុន្មានទេព្រោះអ្នកស៊ាំនឹងឃ្លា ប្រយោគរួចហើយ តែបើនិយាយជាភាសាបរទេស អ្នកត្រូវហាត់និយាយឲ្យបានច្រើនបន្តិច។ ការហាត់ទៅមកទៅមកនេះ អាចជួយឲ្យអ្នកមានអារម្មណ៍ស៊ាំទៅនឹងវេទិកា នឹងមិនសូវភ័យពេលឡើងនិយាយមែនទែន។
3. ញ៉ាំទឹកមុនពេលឡើងនិយាយ
មុនពេលឡើងនិយាយ អ្នកអាចមានអារម្មណ៍ភ័យ ញ័រដៃញ័រជើង។ នៅពេលនោះ អ្នកគួរញ៉ាំទឹកឲ្យបានច្រើនដើម្បីឲ្យអារម្មណ៍របស់អ្នកបានស្ងប់ខ្លះ។ មិនមែនតែប៉ុណ្ណោះទេ ហេតុផលមួយទៀតដែលអ្នកគួរញ៉ាំទឹកព្រោះថា អ្នកត្រូវនិយាយរយៈពេលយូរ ដូចនេះ ទឹកអាចជួយផ្សើមបំពង់កររបស់អ្នកបានយូរ ជួយឲ្យអ្នកនិយាយបានល្អ មិនបែកសំឡេង មិនឈឺក។
4. ធ្វើកាយវិការបង្ហាញពីទំនុកចិត្ត
ការធ្វើកាយវិការពេលឡើងនិយាយគឺជារឿងសំខាន់ណាស់។ អ្នកមិនគួរឈរទ្រឹង ស្ងៀមមិនមានកាយវិការទេ ព្រោះវាអាចឲ្យអ្នកស្តាប់ងាយធុញទ្រាន់។ បើធ្វើកាយវិការ ក៏មិនឲ្យច្រងេងច្រងាងដែរ។ អ្នកគួរឈរ ធ្វើខ្លួនឲ្យត្រង់ កុំផ្អែកខ្លួនជាមួយរបស់ណាមួយ ហើយក៏កុំច្រត់ដៃលើរបស់អ្វីមួយទៅវិញទៅមកដែរ។ ដៃរបស់អ្នកគួរដាក់ស្របនឹងខ្លួន ហើយរវាងពីកែងដៃទាំងពីរទៅ អ្នកអាចធ្វើកាយវិការទៅមកបាន។
5. ធ្វើឲ្យអ្នកមើលចូលរួមជាមួយ
ការធ្វើឲ្យអ្នកមើលចាប់អារម្មណ៍ និងស្តាប់ពិតជារឿងសំខាន់។ អ្នកគួរមើលទៅអ្នកទស្សនារបស់អ្នកជានិច្ចដើម្បីឲ្យពួកគេប្រុងប្រៀបស្តាប់ និងមើលមកយើងវិញ។ ក្រៅពីនេះ ដើម្បីកុំឲ្យបរិយាកាសការនិយាយមានភាពអួរអាប់ អ្នកគួរសួរសំនួរទៅអ្នកទស្សនា ឬនិយាយអ្វីកំប្លែងៗខ្លះឲ្យពួកគេសើច។
ដោយ៖ ហ៊ាង សុគន្ធារី
(ហាមដាច់ខាតការយកអត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)
No comments