ទម្លាប់​ខុស​ឆ្គង​ក្នុង​ការ​ប្រើ​គ្រឿង​អេឡិច​ត្រូនិច​ដែល​អាច​ប៉ះពាល់​ដល់​អាយុ​ជីវិត​

ជាទូទៅ សម្ភារ:អេឡិចត្រូនិចនឹងប្រែប្រួលដំណើរការតាមការវិវត្តន៍​នៃពេលវេលា​ដែលយើង​ប្រើប្រាស់។ មនុស្សភាគច្រើនមិនសូវយកចិត្តទុកដាក់ក្នុងការថែទាំ និងប្រើប្រាស់​អោយបាន​ត្រឹមត្រូវនោះ​ទេ ដែលវាជាកំហុសឆ្គងធ្វើអោយខាតបង់ថវិកាបន្ថែម ពេលវេលា និងអាច​ប៉ះពាល់ដល់សុខភាពអាយុជីវិតទៀតផង។



១. ហាមដាច់ខាតក្នុងការសាកថ្មទូរស័ព្ទនឹងកុំព្យូទ័រ


ការអនុវត្តន៍បែបនេះមិនត្រឹមត្រូវទេ វាអាចងាយធ្វើអោយថ្មកុំព្យូទ័រឆាប់អស់ជាងមុននិងឆាប់។ សម្រាប់កុំព្យូទ័រមិនសូវទំនើបទៀតនោះ វាអាចនឹងមានភាគរយនៃការឆ្លងភ្លើងផងដែរ។ ដូច្នេះអ្នកគួរតែសាកទូរស័ព្ទនឹងឆ្នាំងសាកវាអោយបានត្រឹមត្រូវទើបប្រសើរ។


២. ត្រួតពិនិត្យសីតុណ្ហភាពសមរម្យនៅពេលប្រើប្រាស់គ្រឿងអេឡិចត្រូនិច


នៅពេលប្រើប្រាស់កុំព្យូទ័រយួរដៃ ហាកមដាច់ខាតក្នុងការដាក់វានៅលើជើង ឬលើគ្រែ។ ជម្រើសល្អសម្រាប់កាត់បន្ថយកម្តៅ គឺគួរតែប្រើប្រាស់ជើងទ្រក្រោមកុំព្យូទ័រ។ មួយវិញទៀតមិនត្រូវទុកកុំព្យូទ័រចំកម្តៅថ្ងៃទាំងស្រុងទេ និងមិនគួរដាក់វាក្បែរម៉ាស៊ីនកម្តៅ។ បើសិនជាអ្នករស់នៅក្នុងប្រទេសត្រជាក់ខ្លាំង អ្នកមិនគួរបើកប្រើកុំព្យូទ័រភ្លាមទេ ពេលចូលក្នុងបន្ទប់ អ្នកគួរតែទុកវាមួយសន្ទុះ ដើម្បីអោយម៉ាស៊ីនខាងក្នុងសម្របនឹងសីតុណ្ហភាពបន្ទប់សិន។


៣. បិទកុំព្យូទ័រពេលមានភ្លៀងរន្ទះខ្លាំង


ក្នុងករណីមានភ្លៀងរន្ទះខ្លាំងពេលអ្នកកំពុងប្រើ អ្នកគួរតែបិទកុំព្យូទ័រ ដកឆ្នាំងសាកចេញ ហើយបើមានខ្សែអ៊ិនធើណែត អ្នកគួរតែដកវាចេញសិនដែរទៅ។ ជាការពិត ក្នុងអំឡុងភ្លៀងផ្គរ សម្ភារ:អេឡិចត្រូនិចងាយចម្លងចរន្តធម្មជាតិ ហើយវាក៏អាចបង្កហានិភ័យដល់អាយុជីវិតអ្នកប្រើប្រាស់ផងដែរ បើសិនជាពួកគេមិនបានប្រុងប្រយ័ត្ន។


រៀបរៀង និងសរសេរដោយ: ចន​ ច័ន្ទបូតា
ប្រភពអត្ថបទ:​ brightside.me
 (ហាមដាច់ខាតការយក​អត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)