របស់អ្វីខ្លះដែលញ៉ាំពេលយប់ហើយមិនធាត់?
Loading...
ពិតណាស់ ម្នាក់ៗ ជាពិសេសស្រីៗមិនចង់ឲ្យឡើងគីឡូទេ
ព្រោះខ្លាចរាងមិនស្អាត។ ជួនកាល ពេលឃ្លានញ៉ាំអីនៅពេលយប់
មិនហ៊ានញ៉ាំទេ។ តើវាពិតជាពិបាកបែបហ្នឹងមែនទេ?
ហេតុអ្វីឃ្លានហើយតែញ៉ាំមិនបាន?
តើមានអ្វីដែលអាចញ៉ាំហើយមិនឡើងគីឡូទេ?
ខាងក្រោមនេះគឺជាអាហារមួយចំនួនដែលបានណែនាំដោយអ្នកជំនាញ
ថាអាចញ៉ាំបានពេលយប់ ដោយមិនខ្លាចឡើងទំងន់។
1. ផ្លែចេក
ផ្លែចេកជាអាហារសំបូរសារធាតុសរសៃរ (fiber) ដែលមានកាឡូរីទាប មិនបង្កឲ្យអ្នកឡើងទម្ងន់នៅពេលញ៉ាំពេលយប់។ ជាពិសេសជាងនេះ ចេកជាអាហារងាយស្រួលរកទិញដែលអ្នកតែងមានក្នុងផ្ទះបាយជានិច្ច ដូចនេះអ្នកស្រួលរកវាញ៉ាំហើយ។
2. ការុតខ្ចីៗ
ការុតជាអាហាររូបត្ថម្ភល្អសម្រាប់សុខភាព ជាពិសេសសុខភាពភ្នែក។ វាសំបូរដោយសារធាតុបំប៉ន ព្រមទាំងធ្វើឲ្យអ្នកញ៉ាំឆាប់ឆ្អែតទៀតផង។ ជាពិសេសជាងនេះ ទោះអ្នកញ៉ាំវាដល់ឆ្អែត អ្នកក៏មិនខា្លចធាត់ដែរ។
3. សូកូឡាដែលគ្មានសារជាតិធាត់
សូកូឡាគឺជាអាហារដែលមនុស្សសឹងតែគ្រប់គ្នាចូលចិត្ត។ វាមិនត្រឹមឆ្ងាញ់នោះទេ តែធ្វើឲ្យអ្នកមានអារម្មណ៍ស្វាង ស្រស់ស្រាយ និង បំបាត់ភាពតានតឹង។ ពេលអ្នកញ៉ាំសូកូឡាដែលគ្មានជាតិធ្វើឲ្យធាត់ទេ អ្នកនឹងមិនព្រួយថាក្រពះរបស់អ្នកធ្វើការមិនល្អទេ។
4. ផ្លែប៉ោម (ជាមួយប៊ឺសណ្តែកដីមួយស្លាបព្រាបាយ)
ផ្លែប៉ោមជាអាហារសរសៃរដ៏ល្អ ហើយវាក៏ជាអាហាររូបត្ថម្ភសំខាន់សម្រាប់របបអាហារប្រចាំថ្ងៃដែរ។ វាមានកាឡូរីតិច និងមិនធ្វើឲ្យអ្នកធាត់ទេ។ បើអ្នកញ៉ាំវាជាមួយប៊ឺរសណ្តែកដី អ្នកនឹងមានអារម្មណ៍ថាឆាប់ឆ្អែតជាងមុន។
5. ស៊ុតស្ងោរ
ស៊ុតសំបូរដោយប្រតេអ៊ីន និងមានកាឡូរីទាប។ ដូច្នេះ អ្នកគួរជ្រើសរើសញ៉ាំស៊ុតស្ងោរនៅពេលអ្នកឃ្លាននៅពេលយប់ម្តងៗ។ វាមិនពិបាករកទេ ព្រោះថាជាធម្មតា ស៊ុតតែងតែមានក្នុងទូទឹកកករបស់អ្នកជានិច្ច។
6. ញ៉ាំCereal
Cereal ជាអាហារពេញនិយមរបស់ជនជាតិអឺរ៉ុប ឬ អាមេរិក។ ពួកគេច្រើនញ៉ាំវានៅពេលព្រឹក។ អាហារនេះគ្មានជាតិធ្វើឲ្យធាត់ទេ តែមានសារធាតុចិញ្ចឹមល្អ និងធ្វើឲ្យអ្នកឆាប់ឆ្អែត។ ជួនកាលអ្នកនឹងគេងលក់ស្រួលទៀតផងបន្ទាប់ពីញ៉ាំវាហើយ ព្រោះអ្នកបានញ៉ាំទឹកដោះគោ។
ប្រភព៖ Womenhealth
ដោយ៖ ហ៊ាង សុគន្ធារី
(ហាមដាច់ខាតការយកអត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)
(ហាមដាច់ខាតការយកអត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)
No comments