ដឹង​អត់​ថា​នឹង​មាន​អ្វី​កើត​ឡើង​ខ្លះ​ បន្ទាប់​ពី​អ្នក​ផឹក​កាហ្វេ?​

កាហ្វេគឺជាភេសជ្ជៈដែលពេញនិយមមួយប្រភេទសម្រាប់យុវវ័យក្នុងសម័យនេះ មិនថាការដាស់អារម្មណ៍អោយស្វាងពីភាពងងុយគេង ឬការជួបជុំគ្នា ពួកគេភាគច្រើនតែងតែប្រើប្រាស់ជ្រើសរើសកាហ្វេមកផឹកជានិច្ច។ ប៉ុន្តែតើអ្នកដឹងដែរទេថានឹងមានអ្វីកើតឡើងខ្លះបន្ទាប់ពីអ្នកផឹកកាហ្វេរួច?

១០ នាទីបន្ទាប់ពីផឹកកាហ្វេ

ជាតិកាហ្វេអ៊ីននឹងជ្រាបចូលទៅក្នុងសរសៃឈាម បន្ទាប់មកអត្រាបេះដូងលោតនិងសម្ពាធឈាមចាប់ផ្ដើមកើនឡើង។

២០ នាទីបន្ទាប់ពីផឹកកាហ្វេ

អ្នកចាប់ផ្ដើមស្វាហាប់ រហ័សរហួន និងយកចិត្តទុកដាក់ជាងមុន ហើយអ្នកក៏អាចមានអារម្មណ៍ថាងាយស្រួលក្នុងការរកដំណោះស្រាយផ្សេងៗសម្រាប់រាល់បញ្ហា។

៣០ នាទីបន្ទាប់ពីផឹកកាហ្វេ

សារធាតុ Adrenaline ក្នុងខ្លួនរបស់អ្នកចាប់ផ្ដើមកើនឡើង ហើយជំនួយទៅដល់ការពង្រីកប្រស្រីភ្នែក ដែលអាចនាំអោយការមើលរបស់អ្នកកាន់តែច្បាស់ជាងមុន។

៤០ នាទីបន្ទាប់ពីផឹកកាហ្វេ

កំរិត Serotonin ក្នុងខ្លួនរបស់យើងចាប់ផ្ដើមកើនឡើង​ដែលអាចជួយជំរុញទៅដល់រាល់សាច់ដុំក្នុងរាងកាយ​បានយ៉ាងល្អ។

៤ ម៉ោងបន្ទាប់ពីផឹកកាហ្វេ

កាហ្វេអាចដើរតួជំនួសសម្រាប់ការបញ្ចេញថាមពល ដែលនាំអោយ​រាងកាយរបស់​អ្នកចាប់ផ្ដើម​ដុតរំលាយ​ជាតិខ្លាញ់​ទោះបីជាអ្នកមិន​បានកំរើកក៏ដោយ។ កាហ្វេក៏អាច​ជួយបង្កើន​កំរិតជាតិអាស៊ីតក្នុងក្រពះបានផងដែរ។

៦ ម៉ោងបន្ទាប់ពីផឹកកាហ្វេ

សារធាតុកាហ្វេនឹងធ្វើអោយអ្នកបាត់បង់សារធាតុទឹក ​ សារធាតុរ៉ែ និង វីតាមីនចាំបាច់ផ្សេងៗនៅក្នុងខ្លួនផងដែរ។

អត្ថបទដោយ៖ ជុំ រស្មី
(ហាមដាច់ខាតការយក​អត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)