អត្ថ​ប្រយោជន៍​ស្មាន​មិន​ដល់​នៃ​ការ​សិក្សា​នៅ​ក្រៅ​ប្រទេស​

សិស្សមួយចំនួនតែចង់បន្តការសិក្សាឬធ្វើការផ្លាស់ប្តូរការសិក្សានៅក្រៅប្រទេស។ មុនសម្រេចចិត្តនេះ តើសិស្សនិស្សិតទាំងអស់គ្នាមានដឹងទេថា តើការទៅរៀននៅបរទេសនេះអាចផ្តល់សារៈប្រយោជន៍អ្វីខ្លះដល់យើង?



១. ស្គាល់ប្រព័ន្ធអប់រំបរទេស
រឿងទីមួយដែលយើងច្បាស់នឹងបានទទួលនោះ គឺចំណេះដឹងថ្មីពីប្រព័ន្ធអប់រំនៅប្រទេសផ្សេង។ ហើយអ្នកក៏អាចឆ្លៀតពេលនេះទទួលយកបទពិសោធន៍អប់រំថ្មីៗនិងប្លែកៗ។


២. បង្កើតមិត្ត
ពេលចេញទៅរៀននៅក្រៅ អ្នកនឹងមានឱកាសរាប់អានមិត្តមកពីប្រទេសនានាជាច្រើន។

៣. រៀនពីវប្បធម៌បរទេស
ការរៀននៅបរទេសមិនត្រឹមតែអាចឲ្យអ្នករៀនពីវប្បធម៌របស់ប្រទេសដែលអ្នកទៅនោះទេ តែអ្នកក៏អាចរៀនពីវប្បធម៌របស់មិត្តភក្តិរបស់អ្នកដែលមកពីប្រទេសនានានៅលើពិភពលោក។ អ្នកក៏អាចបង្ហាញវប្បធម៌របស់អ្នកទៅកាន់គេវិញផងដែរ។


៤. បង្កើតសេចក្តីក្លាហាន
កាលណាអ្នកមានឱកាសទៅបរទេស​​ នោះអ្នកនឹងទទួលបានឯករាជ្យភាពឬភាពម្ចាស់ការលើខ្លួនឯងច្រើនជាងមុន។ អ្នកនឹងមានភាពក្លាហានជាងមុនតាមរយៈការជួបមនុស្សថ្មី ការរៀនពីពួកគេ និងពីបទពិសោធន៍នានានៅទីនោះ។

៥.​ រៀនភាសា
មិនថាអ្នកទៅរៀននៅបរទេសរយៈពេលខ្លីឬវែង​ អ្នកនឹងអាចរៀនភាសារបស់ប្រទេសនោះតិចឬច្រើន ទៅតាមអ្វីដែលអ្នកធ្វើបាន និងសប្បាយនឹងធ្វើ។

៦. ឃើញពិភពលោកខាងក្រៅ
ការសិក្សានៅបរទេស ជាឱកាសមួយឲ្យអ្នកយល់ដឹងច្រើនជាងមុនពីពិភពលោកខាងក្រៅ តាមរយៈការធ្វើដំណើរកំសាន្តនិងការរស់នៅប្រទេសនោះជាដើម។


អត្ថបទ៖ ជី បូណ៌មី
(ហាមដាច់ខាតការយក​អត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)