តើត្រូវធ្វើដូចម្តេចនៅពេលគ្រុនផ្តាសាយម្តងៗ
Loading...
1. ផឹកទឹកឲ្យបានច្រើន
នៅពេលអ្នកមិនស្រួលខ្លួន អ្នកប្រាកដជាគ្មានអារម្មណ៍នឹកនារកអាហារញ៉ាំទេ។ ប៉ុន្តែទោះជាយ៉ាងណា អ្នកគួរញ៉ាំទឹកឲ្យបានច្រើន ព្រោះវាជួយឲ្យរាងកាយរបស់អ្នកផ្ទុកជាតិទឹកបានគ្រប់គ្រាន់ ជាពិសេសពេលអ្នកគ្រុននេះឯង។
2. គេងឲ្យបានមួយម៉ោង ឬ ពីរម៉ោង លើសដែលអ្នកធ្លាប់គេង
មួយទៀត ពេលអ្នកគ្រុន រាងកាយ ទាំងមូលរបស់អ្នកហាក់គ្មានកំលាំងឲ្យអ្នកទៅធ្វើការ ឬគិតច្រើននោះទេ។ ដូច្នេះ ពេលនោះអ្នកគួរគេងបាន១ម៉ោង ដើម្បីរកកម្លាំងមកវិញ។ បើអ្នករវល់ខ្លាំង នឹងមិនមានពេលគេងពេលឈឺនេះ ក្រោយទៅអ្នកគួរគេងឲ្យបានគ្រប់គ្រាន់ ជាពិសេសកុំចូលគេងយប់ពេក។
3. ញ៉ាំស៊ុប
ស៊ុប ជាពិសេស ស៊ុបមាន់តែងធ្វើឲ្យអ្នកមានអារម្មណ៍ប្រសើរឡើងពីគ្រុន។ ជួនកាលរសជាតិវាក៏ធ្វើឲ្យអ្នកមានអារម្មណ៍ស្រស់ស្រាយឡើងវិញដែរ។
4. ងូតទឹក
វិធីម្យ៉ាងទៀតដែលធ្វើឲ្យអ្នកមានអារម្មណ៍ស្វាងពីគ្រុននោះគឺ ការងូតទឹក ជាពិសេសទឹកក្តៅអ៊ុនៗ។ វាជួយអ្នកឲ្យដកដង្ហើមបានស្រួលនិងស្រស់បស់ឡើង។
5. ញ៉ាំអាហារហឹរ
បើសិនជាអ្នកចូលចិត្តញ៉ាំរបស់ហឹរ អ្នកគួរញ៉ាំវាពេលអ្នកគ្រុន។ ពិតណាស់ មានរសជាតិឆ្ងាញ់ ព្រមទាំងជួយឲ្យច្រមុះរបស់អ្នកឈប់តឹងទៀតផង។ សារជាតិហឹរធ្វើឲ្យអ្នកស្រួលដកដង្ហើម និងមានអារម្មណ៍ល្អ។
6. ធ្វើលំហាត់ប្រាណតិចៗ
ពិតណាស់ ពេលអ្នកឈឺ អ្នកគ្មានកម្លាំងឯណាទៅហាត់បា្រណទេ។ ទោះជាយ៉ាងណាក៍ដោយ អ្នកគួរហាត់ប្រាណតិចៗដើម្បីឲ្យសាច់ដុំរបស់អ្នកដើរបានស្រួល និង មានអារម្មណ៍ល្អ។ អ្នកមិនគួរហាត់ប្រាណធ្ងន់ៗទេក្នុងកំឡុងពេលនេះ គួរធ្វើតិចៗបានហើយ ជៀសវាងគ្រុនរើឡើងវិញ។
ដោយ៖ ហ៊ាង សុគន្ធារី
(ហាមដាច់ខាតការយកអត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)
No comments