រោគ​សញ្ញា​លើ​រាង​កាយ​ដែល​មនុស្ស​មើល​រំលង​ តែ​គួរ​ឲ្យ​ព្រួយ​បារម្ភ

អ្នកត្រូវតែប្រយ័ត្ននូវសញ្ញមួយចំនួនដែលបានកើតឡើងចំពោះខ្លួនអ្នក។​ ប្រហែលជាអ្នកគិតថា វាជារឿងធម្មតាប៉ុណ្ណោះ ប៉ុន្តែការបណ្ដែតបណ្ដោយមិនខ្វល់ពីសញ្ញាទាំងនោះនឹងបង្កឲ្យមានគ្រោះថ្នាក់ដល់សុខភាពធ្ងន់ធ្ងរជាមិនខាន។ បើសង្កេតឃើញវាភ្លាមត្រូវតែរកវិធីព្យាបាលវាភ្លាម។ តើសញ្ញាទាំងនោះមានអ្វីខ្លះ?

១. ដេកមិនលក់ មួម៉ៅ និងរមួលក្រពើ

សញ្ញាទាំង៣នេះបង្ហាញថា ខ្លួនប្រាណរបស់អ្នកកំពុងតែត្រូវការម៉ាញ៉េស្យូម និងជាតិប៉ូតាស្យូម។ ដើម្បីបំពេញសារជាតិទាំងនេះបានដោយខ្លួនឯងនោះ អ្នកអាចជ្រើសរើសញ៉ាំបន្លែមួយចំនួនដូចជា ប៉េងប៉ោះ ក្រូច ចេកនិងបន្លែស្ពៃមួយចំនួន។

២. ស្បែកស្ងួត

ការមានស្បែកស្ងួតជាសញ្ញាមួយប្រាប់ថា ខ្លួនប្រាណកំពុងតែខ្វះសារជាតិ វីតាមីន E។ ដើម្បីបំពេញវាបាន អ្នកអាចបរិភោកអាហារមួយចំនួនដូចជា បន្លែ ប្រេង និងត្រីជាដើម។

៣. ចង់ញ៉ាំផ្អែម

បើសិនជាអ្នកមានអារម្មណ៍ចង់ញ៉ាំបង្អែម រឺអ្វីៗមានជាតិផ្អែមខ្លាំងនោះ វាជាសញ្ញាមួយបង្ហាញថាវាបណ្ដាលពីបញ្ហាស្ត្រេស ការពិបាកចិត្ត រឺការអស់កម្លាំងខ្លាំង។ បែបនេះវាមានន័យថាខ្លួនប្រាណអ្នកកំពុងតែងទាមទារជាតិគ្លុយកូស។ ប៉ុន្តែដើម្បីចៀសវាងការឡើងទម្ងន់នោះ អ្នកអាចពិសារទឹកឃ្មំជំនួស។

៤. ចង់ញ៉ាំទឹកកក

នៅសុខៗស្រាប់តែចង់ញ៉ាំទឹកកកនោះមានន័យថាអ្នកកំពុងតែខ្វះសារជាតិដែកក្នុងខ្លួនប្រាណ។ ដើម្បីបំពេញវាបាននោះអ្នកត្រូវតែ ញ៉ាំសាច់គោ ស៊ុតជាដើម។

៥. ឈាមអញ្ចាញធ្មេញ

ការឈាមអញ្ចាញធ្មេញជាញឹកញាប់នៅពេលដុសធ្មេញនោះ ជាសញ្ញាមួយបង្ហាញថាអ្នកកំពុងតែខ្វះសារជាតិវីតាមីន C។ ហេតុបែបនេះអ្នកត្រូវតែជ្រើសរើសពិសារ បន្លែស្ពៃមួយចំនួន ម្រេច ប៉េងប៉ោះ ស្ពៃក្ដោប និងខាត់ណាផ្កាជាដើម។

៦. ក្រចកនិងសក់ស្រួយ

នៅពេលដែលអ្នកមានអាការៈបែបនេះបង្ហាញថា ខ្លួនប្រាណអ្នកកំពុងតែខ្វះសារជាតិវីតាមីន B។ ហេតុដូចនេះ អ្នកត្រូវតែផឹកទឹកដោះគោឲ្យបានច្រើន ញ៉ាំសារ៉ាយសមុទ្រនិងផ្សិតបន្ថែម។

៧. រង្វង់នៅជុំវិញកូនក្រមំ

ជាធម្មតារង្វង់មួយនេះកើតឡើងចំពោះមនុស្សចាស់ដែលមានវ័យចាប់ពី៥០ឆ្នាំឡើងទៅ។ ប៉ុន្តែបើសិនជាវាកើតឡើងចំពោះមនុស្សដែលមានវ័យក្មេងនោះមានន័យថា មនុស្សម្នាក់នោះមានផ្ទុកជាតិ កូលេស្តេរ៉ូលខ្ពស់។ បែបនេះអ្នកត្រូវតែពិភាក្សាជាមួយគ្រូពេទ្យឲ្យបានភ្លាមៗ។

អត្ថបទដោយ៖ ប៉ោ គឹមហុក

ប្រភព៖ Bright Side