កំហុស​ធ្វើ​ក្នុង​ពេល​ងូត​ទឹក​ដោយ​មិន​ដឹង​ខ្លួន​

អ្នក​ខ្លះ​ងូត​ទឹក​យូរ អ្នក​ខ្លះ​លឿន អ្នក​ខ្លះ​ធ្វើ​តាម​របៀ​ប​របប​ដែល​តែង​ធ្វើ​រៀង​រាល់​ដងដើម្បី សុខភាព និង​ការ​ថែរក្សា​ខ្លួន​ផ្សេងៗ ចំណែក​អ្នក​ខ្លះ​វិញ ចាត់​ទុក​ការ​ងូត​ទឹកគ្រាន់តែជា​ការ​ជម្រះ​​កាយ​ធម្មតា​ប៉ុណ្ណោះ​។ មិន​ថា​អ្នក​ចាត់​ទុក​ការ​ងូត​ទឹក​ជាអ្វី ក៏​នៅ​មាន​មនុស្ស​មួយ​ចំនួន​ធំ​ប្រព្រឹត្ត​កំហុស​ទាំង​នេះ​ដែរ​៖

Photo credit : The odyssey online

១. ការ​ប្រើ​ប្រាស់​សីតុណ្ហភាព​ទឹក​




ប្រើ​ទឹក​ត្រឹម​ ៣៥​ អង្សា​គឺជា​ជម្រើស​ដ៏ល្អ​បំផុត​សំរាប់​ស្បែក ហើយក៏អាច​ជួយ​ដល់​លំហូរ​នៃ​ឈាម​ អោយ​វា​ដើរ​ស្រួល​ផងដែរ។

២. កំុលាង​ខ្លួនយូរ​ពេក

ត្រឹម​ ៧​ នាទី គឺយូរ​ល្មម​ក្នុង​ការ​ជម្រះ​ខ្លួន​ប្រាណ​អោយ​ស្អាត បូក​រួម​ជាមួួយ​នឹង​រយៈពេល​ប្រើ​សាប៊ូផង​ដែរព្រោះ​ជាតិ​គីមី នៅក្នុង​សាប៊ូ​អាច​ជ្រាបចូល​តាម​ស្បែក​បាន​។​

៣. ការ​ប្រើ​ប្រាស់​សាប៊ូ​ដុសខ្លួន​


ភាគ​ច្រើន​គេ​ចូល​ចិត្ត​ប្រើ​សាប៊ូ​ផ្ទាល់​ដុស​លើ​ស្បែក ប៉ុន្តែ​ការ​ធ្វើ​បែប​នេះ​អាច​ធ្វើ​អោយ​ប៉ះ​ពាល់​ដល់​ស្រទាប់​ប្រេង​ដែល​ការពារ​ស្បែក​របស់​យើង​​​ដូច្នេះ​គួរ​ប្រើ​ប៉ុង​ជក់​នឹង​សាប៊ូ​មក​ជំនួស​។​

៤. ប៉ុង​ដុសខ្លួន​


ត្រូវ​ផ្លាស់​ប្តូរ​ថ្មី អោយ​ច្រើន​ដង ព្រោះ​ប៉ុង​ចាស់​ៗ ជក់​ទឹក​យូរ​ទៅ​វា​អាច​នឹង​បង្ក​ជា​មេរោគ​ ដូចដែល​យើង​ដឹង​ស្រាប់​ហើយ​ថា​វា​ងាយ​ជក់​ទឹក​ ហើយ​ក៏មិន​ងាយ​ស្ងួត​ដែរ ដែល​ជា​កត្តា​ធ្វើអោយ​មេរោគ​ងាយ​កកើត។​


៥.​ ការ​ជូត​ខ្លួន​


នៅពេល​ខ្លួន​សើម​ទឹក​យើងតែ​ប្រញាប់​នឹង​សំងួត​វា ហើយ​មិន​បាន​គិត​ដល់​ផល​ប៉ះ​ពាល់​កោសិកា​ស្បែក​ទេ ជូតយកៗ ប៉ុន្តែ​វិធី ត្រឹម​ត្រូវ​នោះ គឺ​ការ​ជូត​ដោយ​ផ្តិតៗលើ​ដំណក​ទឺក​ប៉ុណ្ណោះ ។


អត្ថបទដោយ​៖ ហ៊ុន កែវលីដែត
ប្រភព៖ Brightside
 (ហាមដាច់ខាតការយក​អត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)