ចង់​លូត​កម្ពស់​ គួរ​ញ៉ាំ​អាហារ​អ្វីខ្លះ?​

យើង​តែង​ជឿថា មនុស្ស​គ្រប់​គ្នា​តែង​លូត​កម្ពស់​តាម​ធម្មជាតិ​តាំង​ពីគេ​កើត​រហូត​ដល់​អាយុ ២២ ឬ ២៥ ឆ្នាំ​ទើប​ឈប់​លូត​កម្ពស់។ តាម​ការពិត​វា​មិន​សម្រាប់​មនុស្ស​គ្រប់​គ្នា​ទេ។ អ្នក​ខ្លះ​ឈប់​លូត​លាស់​ពេល​ដែល​គេ​មាន​អាយុ​១៦​ទៅ​១៨​ឆ្នាំ។ កត្តា​ដែល​នាំ​ឲ្យ​មានឥទ្ធិពល​ដល់​ការ​លូត​កម្ពស់​របស់​មនុស្ស​ម្នាក់ៗ​គឺ ការ​លូត​លាស់​របស់​អរម៉ូន ស្ថានភាព​ឆ្អឹង និង កត្តា​អាហារ។ ខាង​ក្រោម​នេះ​គឺជា​អាហារ​មួយ​ចំនួន​ដែល​អាច​ជួយ​ឲ្យ​អ្នក​លូត​កម្ពស់​បាន​មួយ​កម្រិត​ដែរ។

1. ស៊ុត
ស៊ុត (ជាពិសេស​ស៊ុត​មាន់) ជួយ​រក្សា​ថាមពល​ក្នុង​រាង​កាយ​របស់​យើង។ វា​សំបូរ​ដោយ​វីតាមីន B ដែល​មាន​ឥទ្ធិពល​ដល់​ការ​ផលិត​ថាមពល​ក្នុង​រាង​កាយ។ ជាង​នេះ​ទៅ​ទៀត ស៊ុតសំបូរ​ប្រូតេអ៊ីន​ អាមីណូអាស៊ីត និង​សារជាតិ​រ៉ែដែល​ល្អ​សម្រាប់​ការ​លូត​លាស់​ឆ្អឹង​និង​សាច់​ដុំ។ អ្នក​គួរ​ញ៉ាំស៊ុតពី ១​ទៅ ២ សម្រាប់​អាហារ​ពេល​ព្រឹកក្នុង​ថ្ងៃ​ធម្មតា ឬ ក៏​សម្រាប់​អាហារ​ល្ងាច​សម្រាប់​ថ្ងៃ​ណា​ដែល​អ្នកធ្វើ​ការ​ខ្លាំង។

2. សាច់​​គោ
ក្នុង​ចំណោម​សាច់​ទាំង​អស់ សាច់គោ​គឺជា​សាច់​ដែល​សំបូរ​ប្រូតេអ៊ីនជាង​គេ ដែល​ល្អ​សម្រាប់​ការ​លូត​លាស់​​ ។ វា​សំបូរ​ដោយ​វីតាមីន E, B12 និង​សារជាតុ​រ៉ែ ដែល​មាន​ប្រយោជន៍​ដល់​សកម្មភាព​ការ​ផលិតអរម៉ូន។ សាច់​គោ​មាន​ជាតិ​ដែក​ច្រើន​ដែល​ជួយ​បំពេញ​អុក​ស៊ី​សែន​ក្នុង​កោសិកា​ក្នុង​រាង​កាយហើយ​ក៏​ធ្វើ​ឲ្យ​សុខភាព​ល្អ​ផង​ដែរ។

3. បន្លែ
បន្លែ​ពណ៌​លឿង​និង​ក្រហម​ដូចជា ការ៉ុត ល្ពៅ ម្ទេស និង ប៉េង​ប៉ោះ សំបូរ​ដោយ​វីតាមីន A។ បន្លែ​ពណ៌បៃតង ក៏​មាន​រីតាមីន និង សារជាតិ​រ៉ែ​។ ពួក​វា​ក៏​សំបូរ​កាល់​ស្បូម​និង​វីតាមីនD រីតាមីន K។ ពួក​បន្លែទាំង​នេះ​មិន​ត្រឹម​តែ​ធ្វើ​ឲ្យ​អ្នក​មាន​សុខភាព​ល្អ តែ​កាល់ស្យូម​ធ្វើ​ឲ្យ​ឆ្អឹង​លូត​លាស់​ល្អ និង​រឹង​មាំ។

4. អាហារ​សមុទ្រ
គ្រឿងអាហារ​សមុទ្រ​ សុបសត្វ (សត្វ​ដែល​មាន​សំបក) ជា​ច្រើន​ដូចជា បង្កង ខ្យង ក្តាម ងាវ អយស្ទឺ ត្រី​... ជា​អាហារ​ដ៏​ល្អ​សម្រាប់​ការ​លូត​កម្ពស់។ វា​សំបូរ​វីតាមីន​សម្រាប់​ផ្តល់​ថាមពល​។ វា​ក៏ជា​ប្រភព​ប្រូតេអ៊ីន​ដែល​មាន​គុណភាព​ខ្ពស់សម្រាប់​ការ​លូត​លាស់​ដែរ។ គេ​ណែនាំ​ឲ្យ​អ្នក​ញ៉ាំ​គ្រឿង​សមុទ្រ​សម្រាប់​អាហារ​ពេល​ល្ងាច​ ព្រោះ​វា​ជួយ​ឲ្យ​មាន​ការ​ផលិត​អរម៉ូន​ពេល​អ្នក​គេង​លក់។

5. ទឹក​ឃ្មុំ
ទឹក​ឃ្មុំ មាន​ជាតិស្ករ​គុណភាព​ខ្ពស់​ ដែ​ជួយ​ឲ្យ​រាងកាយ​របស់​អ្នក​ងាយ​ទទួល​បាន​សារជាតិ​ចិញ្ចឹម។ វា​ផ្តល់​ថាមពល និង សារជាតិ​រ៉ែ​ទៅ​រាង​កាយ​របស់​អ្នក​ដែល​មាន​សារសំខាន់​សម្រាប់​ការ​លូត​លាស់​​ទូទៅ។ អ្នក​អាច​ញ៉ាំ​ទឹក​ឃ្មុំ​ជំនួស​ស្ករ​ដោយ​ដាក់​វា​ក្នុង​ទឹក​តែ កាហ្វេ ឬ​អាហារ​សំរ៉ន់​ផ្សេងទៀត។

6. ទឹក​ដោះគោ
អ្នក​គួរញ៉ាំទឹក​ដោះគោ ២ ទៅ ៣ កែវ​ក្នុង​មួយ​ថ្ងៃ​ដើម្បី​ជា​ជំនួយ​ដល់​ការ​លូត​លាស់​របស់​សារពាង្គកាយ។ ទឹក​ដោះ​គោ​សំបូរ​ទៅ​ដោយ កាល់ស្យូម វីតាមីនA និង​ប្រូតេអ៊ីន។ វា​ល្អ​ខ្លាំង​ណាស់​សម្រាប់​សុខភាព​ឆ្អឹង​របស់​អ្នក។

7. ផ្លែ​ចេក
ចេក​ ជា​អាហារ​ល្អ​បំផុត​សម្រាប់​អ្នក​ដែល​ចង់​លូត​កម្ពស់។ វិតាមីន ប៉ូតាស្យូម និង​សារជាតិ​ចិញ្ចឹម​ជា​ច្រើន​ទៀត​នៅ​ក្នុង​ផ្លែ​ចេក​តែង​មើល​ថែ​រាង​កាយ​របស់​អ្នក​ជានិច្ច។ វាជា​ប្រភព​ថាមពល​ដ៏​សំខាន់ ហើយ​បើ​សិនជាអ្នក​អស់​កម្លាំង​ខ្លាំង ផ្លែ​ចេក​អាច​ជួយ​អ្នក​បាន។ ញាំ​ចេកជា​រៀង​រាល់​ថ្ងៃមិន​ត្រឹម​ធ្វើ​ឲ្យ​អ្នក​មាន​សុខភាព​ល្អ តែ​ធ្វើ​ឲ្យ​លូត​កម្ពស់​ទៀត។

ប្រភព៖ Bright Side
ដោយ៖ ហ៊ាង សុគន្ធារី
(ហាមដាច់ខាតការយក​អត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)