វិធី​សាស្រ្ត​ងាយៗ​សុំ​គ្រូ​ឲ្យ​ពន្យារ​ deadline

Assignment ជិតដល់deadline ហើយ។ ពាក្យថាdeadlineនេះសិស្សរូបណាក៏គេងមិនលក់ ញញឹមមិនស្រស់ដោយសារវាដែរ។ ជាពិសេសនៅពេលដែល Assignmentសល់គរជើងហើយអ្នកមិនអាចបញ្ចប់វាបានទាន់ពេលវេលានោះទេ។​ ដំណោះស្រាយមានតែមួយប៉ណ្ណោះ គឺសុំឲ្យមានការពន្យារ deadline។ តើអ្នកដឹងថាត្រូវសុំយ៉ាងណារឺអត់?

១. ដឹងពីពេលវេលាដែលត្រូវសុំ

ការសុំឲ្យមានការពន្យារពេលdeadlineនេះមិនមែនអាចទៅរួចនោះទេ បើសិនជាអ្នកមានហេតុផលច្បាស់លាស់ហើយដឹងថាត្រូវធ្វើយ៉ាងណា។ ហេតុផលមានដូចខាងក្រោមនេះ៖

ចង់បន្ថែមព័ត៌មានបន្ថែមដើម្បីធ្វើឲ្យវាកាន់តែល្អ
នៅពេលដែលអ្នកចង់ឲ្យមានការពន្យារពេលdeadline អ្នកអាចប្រាប់គាត់ថា អ្នកចង់បន្ថែមព័ត៌មានបន្ថែមទៅលើកិច្ចការទាំងនោះ ឲ្យបានកាន់តែប្រសើរ។ ព្រោះអ្នកមិនអាចធ្វើវាបានក្នុងរយៈពេលកំណត់បាននោះទេ។ ការប្រាប់បែបនេះ គ្រូនឹងយល់ព្រមនៅពេលគាត់លឺថាការពន្យារពេល គឺដោយសារតែចង់ឲ្យកិច្ចការបានកាន់តែល្អ។


មិនសូវយល់ច្បាស់ពីកិច្ចការ និងមានមានធនធានគ្រប់គ្រាន់
វាក៏ជាហេតុផលមួយដែលល្អផងដែរសម្រាប់អ្នកទាំងអស់គ្នា។ អ្នកអាចព្យាយាមប្រាប់ពីផលវិបាក ដូចជាមិនសូវយល់ច្បាស់ពីកិច្ចការឬក៏ពិបាករកធនធាន ឬប្រភពដើម្បីបញ្ចប់កិច្ចការទាំងនោះបាន។ ប៉ុន្តែអ្នកត្រូវធ្វើយ៉ាងណាឲ្យគ្រូបានឃើញថា អ្នកពិតជាព្យាយាមអស់ពីសមត្ថភាពមែន។​ បើមិនដូច្នេះទេ គាត់និងមិនអនុញាត្តិឲ្យមានការពន្យារពេលdeadlineនោះទេ។


២. ដឹងថាត្រូវធ្វើយ៉ាងដូចម្ដេច

មានហេតុផលច្បាស់លាស់ហើយ អ្នកក៏ត្រូវតែដឹងថាសុំយ៉ាងណាដែរមិនចេះតែសុំនោះទេ។

មិនត្រូវសុំនៅនាទីចុងក្រោយនោះទេ
អ្នកត្រូវតែចៀសជាដាច់ខាតក្នុងការសុំការន្យារពេលdeadlineនៅថ្ងៃចុងក្រោយបំផុត។ ព្រោះថាការធ្វើបែបនេះ នឹងមិនមានប្រសិទ្ធភាពនោះទេ ហើយគ្រូនឹងសួរមកអ្នកវិញថាហេតុបានជាដល់ថ្ងៃចុងក្រោយទើបសុំ។ គាត់នឹងគិតថាអ្នកមិនបានយកចិត្តទុកដាក់ ហើយចំណាយពេលត្រឹមតែ១ថ្ងៃរឺ១យប់ចុងក្រោយ ដើម្បីធ្វើប៉ុណ្ណោះ។ អ្នកអាចជម្រាបគាត់ដោយផ្ទាល់ រឺប្រើប្រាស់ Mail ជាលក្ខណៈផ្លូវការដោយសុំការអនុញាត្តិពីគាត់។ ការធ្វើបែបនេះ គ្រូនឹងយល់ថាអ្នកចេះផ្ដល់តម្លៃឲ្យគាត់ ហើយអ្នកនឹងមានសង្ឃឹមកាន់តែច្រើន។


អត្ថបទដោយ៖ ប៉ោ គឹមហុក
ប្រភព៖ hercampus
(ហាមដាច់ខាតការយក​អត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)