រឿងមួយចំនួនដែលអ្នកគួរទុកជាអាថ៌កំបាំង
Loading...
1. គោលដៅឬគម្រោងរបស់អ្នក
គោលដៅ និងគម្រោងណាមួយគួរតែកុំឲ្យលេចចេញទៅក្រៅ បើអ្នកមិនទាន់បានសម្រេចវានៅឡើយទេនោះ។ កាលណាអ្នកប្រាប់គេពីគម្រោងការរបស់អ្នក អ្នកដទៃដែលបានដឹងអាចលួចយកគំនិតនោះ ហើយធ្វើការលើវាបានល្អជាងដែលអ្នកម្ចាស់គំនិតធ្វើទៅទៀត។ បើសិនជាវាកើតឡើង អ្នកប្រហែលនឹងត្រូវសោកស្តាយ និង បន្ទោសខ្លួនឯងជាមិនខាន។
2. រឿងបញ្ហាគ្រួសារ
រឿងក្នុងគ្រួសារគឺជារឿងដែលគួរតែលាក់កំបាំងឲ្យបានល្អបំផុត។ ក្នុងគ្រួសារបស់ម្នាក់ៗពិតជាមានរឿងល្អ និង រឿងអាក្រក់កើតមានឡើងជាធម្មតា តែអ្វីដែលសមាជិកគ្រួសាម្នាក់ៗគួរធ្វើ គឺត្រូវធ្វើយ៉ាងណាកុំឲ្យរឿងចេញទៅក្រៅ។ បើសិនជាវាកើតឡើង វាមិនត្រឹមតែអាចប៉ះពាល់កិត្តិយសគ្រួសារទេ តែអ្នកដទៃក៏អាចកាត់ក្តីមនុស្សក្នុងគ្រួសារទាំងមូលបានផង។
3. ការរស់នៅប្រចាំថ្ងៃរបស់អ្នក
ការប្រាប់អ្នកដទៃពីរឿងរ៉ាវមួយចំនួនរបស់អ្នក ជាការមិនគួរឲ្យធ្វើទេ ជាពិសេសទម្លាប់ប្រចាំថ្ងៃ។ ជួនកាលវាមិនមែនជាការចាំបាច់អ្វីនោះទេដែលត្រូវឲ្យអ្នកដទៃមកដឹងពីយើងច្រើនពេក។ ជួនកាលវាធ្វើឲ្យយើងស្ថិតក្នុងសភាពគ្រោះថ្នាក់ផងដែរ។ ឧទាហរណ៍ បើអ្នកប្រាប់គេថាអ្នកចេញពីផ្ទះនៅពេលណា ចូលផ្ទះពេលយប់បែបណា អ្នកអាចនឹងត្រូវគេតាមដានពីសកម្មភាពប្រចាំថ្ងៃ ហើយក៏អាចនាំទៅការលួចប្លន់ផងដែរ។
4. ការធ្វើអំពើល្អរបស់អ្នក
អ្នកមិនគួរចែករំលែកពីរឿងដែលអ្នកធ្វើល្អ ឬ ការចូលរួមសប្បុរសធម៌អ្វីទេ។ ការពិតដែលល្អបំផុតនោះគឺថា អ្នកធ្វើអំពើល្អដោយមិនចង់បានអ្វីជាការតបស្នងមកវិញ។ បើកាលណាអ្នកដើរបា្រប់គេពីការធ្វើអំពើល្អរបស់អ្នកនោះ វាអាចនាំឲ្យគេគិតថាអ្នកធ្វើគ្រាន់តែចង់បានមុខមាត់ ចង់ឲ្យគេបានដឹង ហើយបើអ្នកផ្សព្វផ្សាយប្រាប់អ្នកកាសែតទៀតនោះ អ្នកផ្សេងនឹងកាន់តែមានអារម្មណ៍មិនល្អចំពោះអ្នកទៀត។
5. ការគិតរបស់អ្នក (ជាលក្ខណៈឯកជនខ្លាំង)
ការគិតទាក់ទងទៅនឹងប្រធានបទពិសេសណាមួយមិនគួរឲ្យអ្នកប្រាប់ដល់គេទេ ជាពិសេសជំនឿរបស់អ្នក។ មានការគិតខ្លះ នៅពេលដែលអ្នកប្រាប់គេ អាចបង្កើតឲ្យមានការពិភាក្សាស៊ីជំរៅ និង ការប្រកែកគ្នាផង។ ទោះជាយ៉ាងណា អ្នកគួរព្យាយាមរៀនយល់ពីការគិតមួយៗ ថាតើវាមានផលវិជ្ជមាន ឬ អវិជ្ជមានបែបណាខ្លះ។
ប្រភព៖ Power of Positivity
ឈ្មោះ៖ ហ៊ាង សុគន្ធារី
No comments