អាហារដែលគួរញ៉ាំនៅពេលមានអារម្មណ៍តានតឹង
Loading...
1. សូកូឡាពណ៌ខ្មៅ
សូកូឡា ត្រូវបានគេស្គាល់ជាយូរមកហើយថាជារបស់ដែលជួយអារម្មណ៍របស់អ្នក។ វាធ្វើឲ្យអារម្មណ៍របស់អ្នកប្រសើរឡើង និងអាចត្រឡប់មកជាធម្មតាវិញផង ព្រោះវាមានសារធាតុដែលផ្អាកអារម្មណ៍ឈឺចាប់ និង តានតឹងនៅក្នុងខួរក្បាលរបស់អ្នក។ តាមធម្មតា សូកូឡាពណ៌ខ្មៅនេះ មិនមែនតែត្រូវបានគេញ៉ាំពេលមានអារម្មណ៍តានតឹងទេ តែពេលគេភ័យ ពេលមានការរំភើបឬភ្ញាក់ផ្អើលខ្លាំង ឬ ពេលមានរបួស ក៏គេញ៉ាំដែរ។ វាពិតជាជួយបានច្រើនណាស់។
2. នំខេក
សម្រាប់មនុស្សមួយចំនួន គេញ៉ាំនំខេកនៅពេលដែលគេមានអារម្មណ៍មិនល្អ។ សារជាតិផ្អែម ក្លិនឈ្ងុយ ពីនំនេះអាចធ្វើឲ្យយើងមានអារម្មណ៍ល្អ និងធូរស្រាលពីការគិតច្រើន។ ម្យ៉ាងទៀត ពេលខ្លះ ពេលអ្នកស្រ្តេស តានតឹង អស់កម្លាំង និងឈឺក្បាលតិចៗផងនោះ វាអាចបណ្តាលមកពីអ្នកញ៉ាំជាតិស្ករមិនបានគ្រប់គ្រាន់ពេលថ្មីៗនេះ ហេតុនោះពេលញ៉ាំទៅក៏អាចឲ្យស្រស់ស្រាយដែរ។
3. ទឹកក្រឡុកត្រជាក់ៗ
ជួនកាល ពេលញ៉ាំផ្លែឈើ អ្នកគិតថាមិនសូវឆ្ងាញ់ និង ផ្តល់កម្លាំងឲ្យប៉ុន្មានទេ។ តើអ្នកធ្លាប់ដែលសាកយកផ្លែឈើទាំងនោះយកមកក្រឡូកចូលគ្នា ហើយដាក់ទឹកកកតិចៗទេ? តាមពិតទៅ ពេលតានតឹង អ្នកមានអារម្មណ៍ថាកម្តៅក្នុងខ្លួនមានខ្ពស់ ហើយអ្នកក៏ចង់ញ៉ាំរបស់ត្រជាក់ៗ ហើយបើអ្នកបានញ៉ាំទឹកផ្លែឈើក្រឡុក អ្នកមិនត្រឹមតែអាចកាត់បន្ថយភាពតានតឹងបានមួយកម្រឹត តែក៏ញ៉ាំដើម្បីសុខភាពទៀតផង។
4. ការ៉េម
សម្រាប់អ្នកចូលចិត្តការ៉េម វាមិនមែនជាការប្លែកទេដែលបានឃើញវានៅក្នុងអត្ថបទនេះ។ ពិតណាស់ ការ៉េមមិនមែនគ្រាន់តែជាអាហារឬបង្អែមធម្មតាទេ វាមានផ្ទុកដោយសារធាតុចិញ្ចឹមដែលជួយបង្កើនភាពស្រស់ស្រាយដល់អ្នក។ ត្រជាក់ៗ បូកថែមជាមួយ រស់ជាតិឆ្ងាញ់ទៀត ការ៉េមត្រូវបានមនុស្សជាច្រើនចូលចិត្តញ៉ាំ មិនថាពេលមានអារម្មណ៍តានតឹង ឬ សប្បាយចិត្ត។
5. ស្រា
សារជាតិអាល់កុលដែលមានក្នុងស្រាទំពាំងបាយជូរ ធ្វើឲ្យសម្ពាធឈាមរបស់អ្នកធ្លាក់ចុះ ហើយក៍កាត់បន្ថយភាពតានតឹងផងដែរ។ ទោះជាយ៉ាងនេះក៏ដោយ អ្នកមិនគួរញ៉ាំវាច្រើនពេលដែរ។ អ្នកអាចញ៉ាំវាឲ្យមានរបៀប កុំឲ្យដល់ស្រវឹង បាត់បង់ស្មារតីអី។
6. អាហារហឹរៗ
សម្រាប់អ្នកចូលចិត្តអាហារហឹរ នេះជាជម្រើសដ៏ប្រសើរ។ អាហារហឹរ មិនសូវជាផ្តល់គុណសម្បត្តិល្អដល់សុខភាពអ្នកទេ តែវាអាចជួយដល់អារម្មណ៍របស់យើងបានខ្លះ។ ធ្លាប់មានគេថា រស់ជាតិហឹរបង្កើនរស់ជាតិរបស់អាហារ។ ពេលអ្នកអារម្មណ៍មិនសូវល្អ អ្នកប្រហែលជាចង់ស្វែងរកអ្វីញ៉ាំ ហើយ បើបានអាហារហឹរបន្តិចពិតជាល្អ។ បើមិនជឿ សាកមើលម្តងទៅ។
ដោយ៖ ហ៊ាង សុគន្ធារី
No comments