វិធីជំនះចិត្តខឹងដោយខ្លួនឯង

គ្មាន​នរណា​ម្នាក់​រស់​នៅ ក្នុ​ង​លោក​នេះ​ដោយ​មិន​ចេះ ខឹង​អ្នក​ដទៃ​ឬ​ខ្លួន​ឯង​នោះ​ទេ។ ទោះ​ខ្សោយ​ ឬ​ខ្លាំង តែង​ប៉ះពាល់​ដល់​ផ្លូវ​ចិត្ត​ដូច​គ្នា ហើយ​វា​អាស្រ័យ​ទៅ​លើ​បុគ្គល​ម្នាក់​ៗក្នុង​ការ​ទប់​ទល់​នឹង​កំហឹង​ដែល​ខ្លួន​ឯង​មាន​កំុ​អោយ​ប៉ះ ពាល់ដល់​ជីវិត​រស់​នៅ របស់​ខ្លួន៖

Photo credit : Career intelligent

***វិធីទប់​ទល់​ភ្លាម​ៗ

១. ចំណាំ សញ្ញា​របស់​ខ្លួន​ពេល​ខឹង

អ្នក​ខ្លះ បេះ​ដូង​ដើរ​លឿន ឬ​យឺត​ អ្នក​ខ្លះញ័រ​ខ្លួន ឬក្តៅ មុខ​។ល។ មនុស្ស​ម្នាក់​ៗ​មាន​សញ្ញា​ខុស​ៗគ្នា ដូច្នេះ​ពេល​ដឹង​ហើយត្រូវ​រៀប​ចំ ខ្លួន​ទុក​ជា​មុន​កំុ​អោយ​វា​ខ្លាំង​ជាង​មុន​។​

២. រាប់​ពី​១​ដល់​១០​ភ្លាម​ៗ

អ្នក​ខ្លះ រាប់​ក្នុង​ចិត្ត​ ឬ​និយាយ​ចេញ ក្រៅ​អោយ​លឺៗរាប់​លេខ​មួយៗ កំុ​អោយ​ញាប់​ពេក​ អោយ​វា​ទៅ តាម​ចង្វាក់​បេះ ដូង​ដែល​កំពុង​លោត រាប់​កាន់​តែច្រើន​កាន់​តែ​ល្អ ព្រោះ​វា​ធ្វើ​អោយ​យើង​ភ្លេច​ពី​កំហឹង​ ហើយ​ផ្តោត​លើ​ការ​រាប់​វិញ ។

៣. ដក​ដង្ហើម​មួយ​ៗ

ដក​ដង្ហើម​អោយ​វែង​ ដក​មួយ​ៗផ្តោត​លើ​ដង្ហើម​ចេញ ចូល​យឺត​ៗ ដើម្បីអោយ​ខ្យល់​ដង្ហើម​ចូល​ទៅ​ជួយ​ផ្សះ ផ្សារ អារម្មណ៍​ដែល​កំពុង​តែសៅហ្មង​ក្នុង​ចិត្ត​ដែល​មិន​អាច​បញ្ចេញ បាន​។​

**វិធី ទប់​ទល់​សំរាប់​ពេល​យូរ

១. លំហាត់​ប្រាណ ជំនួយ​អារម្មណ៍

ហាត់​ប្រាណ អោយ​ទៀង​ទាត់​មិន​ថា​ធ្វើ​អ្វីអោយ​តែ​បាន​ប្រយោជន៍​ដល់​សុខភាពទាំង​មូល​នឹង​ធ្វើ​អោយ​អារម្មណ៍​ និង​ចិត្ត​គំនិត​របស់​យើង​ស្ងាម​ស្ងាត់​មិន​ងាយ​ទទួល​ការ​ប៉ះ​ទង្គិច។

២. បង្កើត​ចំណង់​ចំណូល​ចិត្ត​

មិន​ថា​ស្តាប់​ចំរៀង​ មើល​រឿង ឬ​ធ្វើ​អ្វី ក៏​ដោយ​អោយ​តែ​វា​អាច​ធ្វើ​អោយ​អារម្មណ៍ ស្រស់​ស្រាយ​ជាង​មុន​នោះ  កំុ​ភ័យ​នឹង​កា​រ​ខាត​បង់​ពេល​វេលា។ ទុក​ពេល​សំរាប់​ខ្លួន​ឯង​ខ្លះ​ នឹង​ជួយ​សំរួល​ដល់​អារម្មណ៍។​

៣. រក​ជំនួយ​

ការ​ស្វែង​រក​ជំនួយ​ជា​ការ​ចាំ​បាច់​ បើ​គិត​ថា​ខ្លួនឯង​មិន​អាច​ជួយ​ខ្លួនឯង​បាន។ មិន​ថា​ពី គ្រូ​បង្ហាត់​ផ្សេងៗ មិត្ត ក្រុម​គ្រួសារ ឬ​នរណា​ក្តី បើ​ត្រូវ​ការ​នោះត្រូវ​រក​ភ្លាម​ៗព្រោះ ពួក​គេ​អាច​ជា​គន្លឹះ នៃ​ការ​ស្វែងរក​ជីវិត​ស្អប់​ស្ងាម​របស់​យើង​។​

អត្ថបទដោយ​៖ ហ៊ុន​ កែវលីដែត​
ប្រភព ៖​ nhs.uk