មូល​​ហេតុ​​គេង​​មិន​លក់​ដែល​មនុស្ស​ភាគ​ច្រើន​តែង​មើល​រំលង​

អ្នកតែងតែគេមិនលក់ជាញឹកញាប់មែនដែរឬទេ? ពិតមែនហើយបញ្ហាបែបនេះ​តែងតែកើតឡើងជាញឹកញាប់នៅលើមនុស្សទូទៅ​នៅពេលដែលពួកគេរវល់ពេញមួយថ្ងៃ។ យោងទៅតាមការស្រាវជ្រាវបានបង្ហាញថា ការគេងពិតជាសំខាន់ណាស់​សម្រាប់សុខភាពនិងរាងកាយទាំងមូល​ហើយនិងមានគុណវិបត្តិជាច្រើន​និងកើតឡើងនៅពេលដែលអ្នកគេងពុំបានគ្រប់គ្រាន់​ ដូច្នេះថ្ងៃនេះ បណ្ណាល័យខ្មែរ និងបង្ហាញលោកអ្នកពីកត្តាសំខាន់ ៥យ៉ាងដែលអាចនាំអោយអ្នកគេងពុំលក់។

១. អ្នកគិតច្រើនពេក

អ្នកត្រូវដឹងថា ខួរក្បាលអ្នកប្រាកដជាមិនអាចគេងលក់នោះទេ បើសិនជាខួរក្បាលរបស់អ្នកនៅតែដំណើរការទោះបីជាអ្នកខំសំងំគេងយ៉ាងណាក៏ដោយ ខួរក្បាលរបស់អ្នកគឺនៅតែគិតពីរឿងទាំងអស់ដែលបានកើតឡើងមិនថាបច្ចុប្បន្ន អតីតកាល ឬសូម្បីតែការគិតទុកសម្រាប់ថ្ងៃអនាគត ដូច្នេះអ្នកត្រូវតែជំនះបញ្ហាមួយនេះអោយបាន ដើម្បីអោយអ្នកមានភាពងាយស្រួលក្នុងការគេងលក់។

២. ការផ្លាស់ប្ដូរអរម៉ូន

សម្រាប់មនុស្សស្រីអ្នកប្រហែលជាមិនបានចាប់អារម្មណ៍ទេថា ជារឿយៗអ្នកតែងតែភ្ញាក់នៅពាក់កណ្ដាលយប់ អំឡុងពេលដែលអ្នកមករដូវ ឬមុនពេលមករដូវ ហើយអ្នកនិងមានអារម្មណ៍ថាគេមិនលក់នៅពេលដែលអ្នកសំងំគេងបន្ត កត្តាទាំងនេះគឺកើតឡើងដោយសារតែការផ្លាស់ប្ដូរអរម៉ូនក្នុងខ្លួនរបស់អ្នក។

៣. អ្នកមានអារម្មណ៍ឃ្លាន

វេជ្ជបណ្ឌិតជាច្រើនបានបង្ហាញថាការឃ្លានក៏អាចជាកត្តាមួយដែលអាចនាំអោយអ្នកគេងមិនលក់ ហើយអ្វីដែលល្អនោះគឺអ្នកពុំគួរចូលគេងនៅពេលដែលអ្នកមានអារម្មណ៍ថា ឃ្លាននោះទេ ព្រោះថាអ្នកមិនអាចគេងលក់នោះទេ នៅពេលដែលក្រពះរបស់អ្នកបញ្ចេញសំឡេងទាមទារចំណីនោះ។ អ្នកត្រូវប្រាកដថាអ្នកបានញ៉ាំអាហារយ៉ាងហោចណាស់ពីរម៉ោងមុនពេលអ្នកចូលគេង ហើយការផឹកទឹកក៏អាចជួយបំបាត់បញ្ហានេះបានខ្លះៗផងដែរ។

៤. ក្នុងបន្ទប់របស់អ្នកមានពន្លឺខ្លាំងពេក

កត្តានេះមិនមែនធ្វើអោយអ្នកគេងមិនលក់ទាំងស្រុងនោះទេ គឺវាគ្រាន់តែធ្វើអោយអ្នកត្រូវចំណាយពេលយូរ ដើម្បីសំងំគេងអោយបានលក់ នៅពេលដែលបន្ទប់របស់អ្នកមានពន្លឺខ្លាំងពេក ដូច្នេះអ្នកត្រូវរក្សាពន្លឺក្នុងបន្ទប់របស់អ្នកអោយងងឹតបន្ដិចដើម្បីជួយឲ្យអ្នកគេងលក់ឆាប់រហ័ស។

អត្ថបទដោយ៖ ជុំ រស្មី