ដំបូន្មាន​​ជីវិត​​ទាំង​​៦​​ដែល​​គួរ​​ចង​​ចាំ​​ដើម្បី​​ជីវិតគ្មានទុក្ខ​ព្រួយ

គ្មាននរណាម្នាក់ចង់រស់នៅដោយគ្មានភាពរីករាយ និងសុភមង្គលក្នុងគ្រួសារនោះទេ ហើយវាក៏ជារឿងលំបាកក្នុងការ ស្វែងរកផងដែរ វាមិនមករកដោយងាយៗនោះទេ បើអ្នកមិនចង់បង្កើតវា។ វាពិបាកមែន តែបើយើងមិនចេះធ្វើខ្លួន ប៉ុន្តែដំបូន្មានទាំងនេះអាចជាផ្លូវបំភ្លឺអោយសំរាប់អ្នកបាន៖

១. ស្របជាមួយអ្វីដែលខ្លួនត្រូវការ


មានរឿងសៅហ្មងច្រើនណាស់ ដែលកើតចេញឡើងពីជំរើសដែលខ្លួនមិនពេញចិត្ត ហើយធ្វើអោយខ្លួនឯងពិបាកក្នុងការសម្របតាម។ កំុសម្របតែតាមគេ ព្រោះសុខមិនសុខ មានតែយើងទេទើបដឹង។

២. ធ្វើអ្វីដែលខ្លួនពេញចិត្ត និង អោយតំលៃ

ធ្វើអ្វីដែលខ្លួនស្រលាញ់គឺការរស់នៅជីវិតមួយដែលគ្មានថ្ងៃស្តាយក្រោយ និង រារែក ព្រោះបើយើងស្រលាញ់ហើយមិនថាលំបាកយ៉ាងណាក៏នៅតែដើរទៅមុខដែរហើយភាពរីកចំរើននឹងកើតមាន។


៣. បង្កើតបរិយាកាសដែលត្រូវជាមួយនឹងខ្លួន

បង្កើតលក្ខខ័ណ្ឌសំរាប់ការរស់នៅរបស់ខ្លួន ស្វែងយល់ពីអាកប្បកិរិយារបស់ខ្លួន អ្វីដែលខ្លួនចូលចិត្តហើយស្វែងរកបរិយាកាសដែលត្រូវនឹងអ្វីដែលខ្លួនអាចសំរបបាន។


៤. ជ្រើសរើសមិត្តដោយការប្រុងប្រយ័ត្ន

រាប់អានមនុស្សមិនពិបាកទេ ប៉ុន្តែយកមកធ្វើជាមិត្តជារឿងដែលលំបាកខ្លាំង ព្រោះភាពទុកចិត្តជាអ្វីដែលយើងត្រូវការសំរាប់គ្នា ហើយបើរាប់អានខុសនោះវាអាចនឹងហិនហោចដល់ខ្លួនជាមិនខាន ព្រោះអ្នកខ្លះនាំទុក្ខមកអោយយើង មិនមែនក្តីស្រលាញ់នោះទេ។


៥. បង្កើតទំលាប់វិជ្ជមាន
រៀនធ្វើទំលាប់ណាដែលផ្តល់អោយអ្នកនូវអារម្មណ៍ល្អៗ និងការរីកចំរើនដូចជាការធ្វើសមាធិអារម្មណ៍ អានសៀវភៅ លេងភ្លេង ។ល។ ហើយជៀសវាងការ លើកឡើងនៃរឿងអាក្រក់ធ្វើអោយខ្លួនគិតច្រើនអត់ប្រយោជន៍ ត្រូវចាំថាគិតតិចឬច្រើនមិនអាចផ្លាស់ប្តូរបច្ចុប្បន្នកាលបានទេ។


៦. វាមិនអីទេក្នុងកាលដែលខ្លួនជាមនុស្សដែលងាយរងគ្រោះ

មនុស្សយើងមានចំណុចខ្លាំងឬខ្សោយរៀងៗខ្លួន ដែលយើងមិនអាចនិយាយចេញមកបាន យើងអាចរងគ្រោះដោយកត្តាអ្វីមួយបាន ប៉ុន្តែគួរកំុចុះចាញ់ឬខ្លាចវា ព្រោះនេះហើយជាគន្លឹះដើម្បីទៅកាន់ភាពក្លាហានរបស់ខ្លួន។


អត្ថបទដោយ៖ ហ៊ុន កែវលីដែត
ប្រភព៖ bornrealist
*ប្រសិនបើចូលចិត្តអត្ថបទនេះសូមជួយ Like & Share ប៉ុន្តែសូមកុំ Copy យកទៅដាក់លើ Website រឺ Page​របស់ខ្លួន​ដោយ​គ្មានការ​អនុញ្ញាតិ សូមចូលរួមគោរព Copyright របស់អ្នកដទៃទាំងអស់គ្នា។