ពណ៌នៃសម្លៀកបំពាក់អ្នកបញ្ចាក់ពីអ្នក

ជាការពិតណាស់ការស្លៀកពាក់ពិតជាមានសារះសំខាន់ណាស់សំរាប់មនុស្សទូទៅ។ ប៉ុន្ដែការជ្រើសរើសពណ៌សំរាប់ស្លៀកក៏សំខាន់ណាស់ដែរ អ្នកខ្លះគឺជ្រើសរើសទៅតាមការស្រលាញ់របស់ខ្លួន។ ខាងក្រោមនេះជាពណ៌និមួយៗដែលអ្នកស្រលាញ់ដែលស្របទៅនឹងពណ៌ខោអាវដែលនិយមស្លៀក។

១ ពណ៌ខ្មៅ

ពណ៌ខ្មៅជាពណ៌ដែលពេញនិយមណាស់សំរាប់មនុស្សទូទៅ សំរាប់អ្នកដែលចូលចិត្ដស្លៀកពណ៌ខ្មៅគឺអាចបញ្ចាក់បានថាជាមនុស្សដែលមានភាពឯករាជ្យ មានភាពវ័យឆ្លាត មានថាមពលពិសេស និង មានឆន្ទះខ្ពស់។

២ ពណ៌ខៀវ

ពណ៌ខៀវតំណាងឲ្យភាពស្មោះត្រង់ ភាពវិជ្ជមាន និង សន្ដិភាព។ សំរាប់អ្នកដែលជ្រើសរើសសម្លៀកបំពាក់ពណ៌នេះពាក់ជារៀងរាល់ពេលអាចបញ្ចាក់បានថាគេជាមនុស្សដែល រួសរាយរាក់ទាក់ មានលក្ខណះពិសេសមួយដែលគេគ្រប់គ្នាមិនសង្កេត មានភាពច្នៃប្រឌិតខ្ពស់ និងកំប្លុកកំប្លែង។

៣ ពណ៌ត្នោត

សំរាប់អ្នកដែលចូលចិត្ដស្លៀកពាក់ពណ៌ត្នោតជាមនុស្សដែលមានភាពវ័យឆ្លាត មានទំនួលខុសត្រូវខ្ពស់ អាចទុកចិត្ដបាន ជាអាជ្ញាកណ្ដាល ប៉ុន្ដែអារម្មណ៍ច្រើនផ្លាស់ប្ដូរបន្ដិច។

៤ ពណ៌ប្រផេះ

ពណ៌នេះតំណាងឲ្យភាពជាកណ្ដាល ចំពោះមនុស្សដែលចូលចិត្ដស្លៀកពាក់ពណ៌នេះបញ្ចាក់ថាគេជាមនុស្សដែលមានភាពវ័យឆ្លាតខ្លាំង ក៏ប៉ុន្ដែក៏បង្ហាញថាគេក៏បញ្ហាខាងសតិអារម្មណ៍ច្រើនដែរគឺស្រ្ដេសខ្លាំង។

៥ ពណ៌ទឹកក្រូច

ពណ៌នេះតំនាងឲ្យភាពវិជ្ជមាន ហើយអ្នកដែលនិយមស្លៀកពណ៌នេះជាមនុស្សដែលងាយចុះចូលក្នុងសង្គម ចេះជួយអ្នកដទៃ មួយវិញទៀតគឺគេមានភាពងាយស្រួលក្នុងការបង្កើតមិត្ដ។

៦ ពណ៌បៃតង

ពណ៌នេះតំណាងឲ្យធម្មជាតិ ការសម្រាកគយគន់នូវសម្រស់ធម្មជាតិ។ អ្នកដែលចូលចិត្ដពណ៌នេះជាមនុស្សដែលមានគេសរសើរច្រើន និងតែងតែបារម្ភពីអារម្មណ៍អ្នកដទៃមកលើខ្លួន។

៧ ពណ៌ផ្កាឈូក

ពណ៌នេះតំនាងឲ្យស្នេហាផ្អែមល្ហែម ចំពោះអ្នកចូលចិត្ដពាក់ពណ៌នេះជាមនុស្សដែលតែងស្ថិតនៅកណ្ដាល និងមានភាពជាស្រ្ដី។

៨ ពណ៌ស្វាយ

ពណ៌នេះតំនាងឲ្យភាពហ៊ឺហារ ស្មោះត្រង់ និងរ៉ូមែនទិច។ ហើយអ្នកដែលចូលចិត្ដស្លៀកពាក់ពណ៌នេះជាប្រភេទមនុស្សដែលមានញានពិសេសអាចដឹងរឿងអ្វីដែលប្រុងនឹងកើតមាន មានភាពច្នៃប្រឌិត មានដុងខាងសិល្បះ។

៩ ពណ៌ក្រហម

ពណ៌ក្រហមតំណាងឲ្យឈាម ភាពកោងកាច ហើយសំរាប់អ្នកដែលចូលចិត្ដស្លៀកពណ៌នេះមានន័យថា ជាមនុស្សដែលមានទំនុកចិត្ដលើខ្លួនអែងខ្ពស់និង មានឥទ្ធិពលលើគេអែង។