ហេតុ​​ផល​​៦​​យ៉ាង​​ដែល​​បង្ហាញ​​ថា​​ការ​​អោប​​ពិត​​ជា​​សំខាន់​​

ពិតមែនហើយ ការអោបគឺជារឿងមួយដែលអ្នកណាក៏ចូលចិត្ដដែរ ព្រោះវាអាចជួយ​ធ្វើអោយ​យើងមាន​អារម្មណ៍ល្អ ហើយបើយោងទៅតាមការស្រាវជ្រាវក៏បានបង្ហាញផងដែរថា​ការអោប​គឺជារឿង​ល្អសម្រាប់សុខភាពយើងថែមទៀតផង។ ថ្ងៃនេះ បណ្ណាល័យ​ខ្មែរនឹង​បង្ហាញអ្នក​អំពី​ហេតុផល​៦យ៉ាង ដែលបង្ហាញថាការអោបពិតជាសំខាន់។

១. ការអោបនឹងធ្វើអោយអ្នកមានអារម្មណ៍ល្អ

នៅពេលដែលមានការអោបកើតឡើង ខួរក្បាលរបស់យើងនឹងបញ្ចេញអរម៉ូនម្យ៉ាងដែលមានឈ្មោះថា Oxytocin ដែលជួយអោយយើងមានអារម្មណ៍ល្អនិងកាន់តែស្និតស្នាលជាមួយដៃគូ។

២. ប្រព័ន្ធការពារក្នុងរាងកាយកើនឡើង

យោងទៅតាមការស្រាវជ្រាវបានបង្ហាញថានៅពេលដែលយើងប៉ះពាល់ ឬអោបនរណាម្នាក់ ប្រព័ន្ធការពារក្នុងរាងកាយដែលចាំបាច់បំផុត ក្នុងរាងកាយរបស់យើងនឹងកើនឡើងជាបណ្ដោះអាសន្ន។

៣. ការអោបនិងស្ត្រេសមិនអាចកើតឡើងក្នុងពេលតែមួយ

កំពុងស្ត្រេសមែនទេ? មិនបាច់ទៅរកថ្នាំព្យាបាលទេ ព្រោះថាការអោបក៏អាចជួយអ្នកអោយបានធូរស្រាលបានដែរដោយសារតែការបញ្ចេញអរម៉ូន Oxytocin អំឡុងពេលអោបបានជួយអោយ កំរិតបេះដូង, សម្ពាធឈាម, និង អកម៉ូនដែលធ្វើអោយអ្នកមានអារម្មណ៍ស្ត្រេសបានថយចុះ។

៤. ការអោបអាចជំនួសពាក្យក្នុងចិត្ត

នៅពេលដែលមានការឈ្លោះប្រកែក ឬខឹងកើតឡើងក្នុងឆាកស្នេហាា ការអោបបានដើរតួយ៉ាងសំខាន់សម្រាប់ការផ្សះផ្សា ទោះបីជាមិនបាននិយាយពាក្យអ្វីក៏ដោយ ក៏អាចធ្វើអោយភាគីម្ខាងទៀតស្ងប់ចិត្តបានដែរ។

៥. ការគិតវិជ្ជមាន

ដោយសារតែអរម៉ូន Oxytocin ដែលកើតឡើង ដោយការអោបនេះហើយដែលអាចជួយអោយអ្នកចាប់ផ្ដើមមាននូវរាល់គំនិតវិជ្ជមាន។

៦. ការអោបជាការបង្កើតទំនាក់ទំនងយ៉ាងសំខាន់រវាងម្ដាយនិងកូន

អរម៉ូន Oxytocin នេះក៏បានជួយយ៉ាងសំខាន់ក្នុងការបង្កើតទំនាក់ទំនងផ្លូវចិត្តរវាងម្ដាយនិងកូន ដែលទើបនឹងកើតហើយវាក៏អាចជួយទៅដល់ការបំបៅនិងការគេងរបស់ទារកផងដែរ។

អត្ថបទដោយ៖ ជុំ រស្មី

ហាមដាច់ខាតការយក​អត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520