បញ្ឈប់ទម្លាប់ទាំងនេះទៅ បើចង់ឲ្យអាយុវែងនិងសុខភាពល្អ
Loading...
ពេលដែលអ្នកមានអារម្មណ៍ចង់កណ្តាស់ តែបែរជាខ្ទប់មិនឲ្យកណ្តាស់វិញនោះ សម្ពាធនៅក្នុងជាលិកាខួរក្បាលរបស់អ្នកបានកើនឡើង។ ឈាមដែលធ្វើដំណើរទៅកាន់ខួរក្បាលត្រូវបានផ្អាក ហើយសរសៃឈាមនិងជាលិកាប្រសាទក៏ត្រូវប៉ះទង្គិចគ្នាទៀត។ នេះអាចនាំឲ្យកើតជាជំងឺឈឺក្បាល ការខូតខាតសរសៃរឈាម ព្រមទាំងមានបញ្ហាការស្តាប់ផង។ ដូចនេះអ្នកមិនគួរខ្ទប់កណ្តាស់ទេ។
2. ការប្រើប្រាស់ទឺកអប់
នៅក្នុងរោងចក្រ គេតែងប្រើប្រាស់សមាសធាតុសំយោគសម្រាប់ផលិតទឹកអប់ និងធ្វើឲ្យវាមានក្លិនខ្លាំងផង។ គេធ្វើបែបនេះព្រោះធម្មតា វាថោកជាងប្រេងធម្មជាតិ។ សមាសធាតុទាំងនោះអាចធ្វើឲ្យអ្នកមានអារម្មណ៍វិលមុខ ធីងធោង ហើយវាក៏រំខានដល់ភ្នែក បំពង់ករ ក៏ដូចជាស្បែករបស់អ្នកផង។ អ្នកគួរប្រើប្រេងធម្មជាតិជំនួស ឬ ក៏ប្រើទឹកអប់នេះក្នុងបន្ទប់មានខ្យល់ល្អទើបប្រសើរ។
3. ប្រើប្រាស់ទូរសព្ទមុនពេលចូលគេង
ពន្លឺភ្លើងរបស់វានៅពេលយប់បានកាត់បន្ថយការផលិតអរម៉ូនម្យ៉ាងមានឈ្មោះថា Melatonin. អរម៉ូននេះជាអ្នកមានឥទ្ធិពលនិងគ្រប់គ្រងលើការគេង និង ការភ្ញាក់របស់យើង។ បញ្ហានេះអាចនាំឲ្យកើតជាជំងឺបាក់ទឹកចិត្ត (depression) មហារីក ជំងឺធាត់ ជំងឺបេះដូង និងការអន់ថយរបស់ប្រព័ន្ទភាពស៊ាំរបស់រាងកាយផង។ ដើម្បីសុខភាព អ្នកគួរចូលគេងដោយគ្មានទូរសព្ទ។
4. ការប្រើប្រាស់រត្ថុដាក់របស់ជាផ្លាស្ទិច
ប្រអប់ ឬ ថង់ផ្លាស់ស្ទិចមានទៅដោយសារធាតុគីមីច្នៃប្រឌិតក្នុងនោះ។ បើសិនជាអ្នកទុកដាក់អាហារនៅក្នុងប្រអប់ផ្លាស់ស្ទិចក្នុងរយៈពេលយូរ សារធាតុគីមីទាំងអស់នេះអាចជ្រាបចូលក្នុងអាហារ ហើយមានផលប៉ះពាល់ដល់ប្រព័ន្ធអង់ដូគ្រីនរបស់រាងកាយផង។ ជាការល្អ អ្នកគួរទុកអាហារនៅក្នុងប្រអប់ឬក៏ចានធ្វើពីកែវ ឬ សេរ៉ាមិច។
5. ដុសធ្មេញបន្ទាប់ពីញ៉ាំអាហារភ្លាម
ជាទូទៅ អ្នកគួរដុសធ្មេញបន្ទាប់ពីញ៉ាំអាហារបានប្រហែល៣០នាទីក្រោយញ៉ាំអាហាររួច។ បើសិនជា១ម៉ោងកាន់តែល្អ។ អាហារឬភេសជ្ជៈជាពិសេសរបស់ដែលមានជាតិអាស៊ីតខ្ពស់ អាចមានឥទ្ធិពលដល់ជាលិកាធ្មេញរបស់អ្នក ជាពិសេសស្រទាប់ក្រោមរបស់ធ្មេញ។ ចលនារបស់ការដុសធ្មេញបានរុញសារជាតិអាស៊ីតទាំងនោះឲ្យទៅដល់ស្រទាប់ជ្រៅរបស់ធ្មេញ។ វាអាចឲ្យឬសគល់ធ្មេញមានការខូចខាតផងដែរ។
6. ការស្លៀកខោខូវប៊យរឹប
ទោះបីពេលស្លៀកវាទៅស្អាតនិងទាន់សម័យ ខោខូវប៊យរឹបជាប់ទៅនឹងស្បែករបស់អ្នក។ វាអាចបង្កទៅជាការរំខាន ដែលអាចនាំទៅរកបញ្ហាប្រព័ន្ធប្រសាទរបស់អ្នកផង។ ខោរឹបនេះ ក៏បន្ថយបរិមាណខ្យល់ទៅប៉ះជើងរបស់អ្នក ដែលវាអាចធ្វើឲ្យមានការរសើប ឬ រមាស់។ វាក៏ធ្វើឲ្យជើងរបស់អ្នកស្ពឹក និងចុករួយទៀតផង។
7. ផឹកទឹកផ្លែឈើច្របាច់ស្រស់ៗ
អ្នកប្រហែលជាគិតថា អ្នកបរិភោគទឹកផ្លែឈើច្របាច់ស្រស់ៗដើម្បីសុខភាពរបស់អ្នក តែគួរផឹកក្នុងបរិមាណតិចប៉ុណ្ណោះ។ ក្នុងករណីអ្នកមានជំងឺមួយចំនួន ទឹកផ្លែឈើស្រស់ៗនេះអាចផ្តល់ផលប៉ះពាល់ធ្ងន់ធ្ងរដល់សុខភាពរបស់អ្នក។ បើសិនអ្នកមានជំងឺសម្ពាធឈាមឡើងខ្ពស់ ឬ លើសទម្ងន់អ្នកមិនគួរញ៉ាំច្រើនទេ ជាពិសេសទឹកទំពាំងបាយជូរ។ ជាងនេះទៅទៀត ទឹកផ្លែឈើអាចអាឡាហ្សីខ្ពស់ ហេតុនេះត្រូវប្រយ័ត្នមុនឲ្យក្មេងញ៉ាំ ហើយបើឲ្យគួរក្នុងបរិមាណតិច៕
ប្រភព៖ BrightSide
ដោយ៖ ហ៊ាង សុគន្ធារី
No comments