ស្គាល់​វេយ្យាករណ៍​ Modifier​ ក្នុង​​ភាសា​​អង់​​គ្លេស​​ច្បាស់​ឬ​នៅ?

ពេល​យើង​ពិពណ៌នា​ពីអ្វី​មួយ តើ​អ្នក​និយាយ​ថា​យ៉ាង​ម៉េច? ឧទាហរណ៍ថា អ្នក​កំពុង​តែ​ឃើញ​ស្រី​ស្អាត​ម្នាក់ ហើយ​អ្នក​ចង់​ពិពណ៌នា​ពី​គាត់។ អ្នក​គិតថា​គាត់​មាន​សប្បុរស​ស្អាត មាន​ជើង​ស្រឡូន មាន​ភែវ​ភ្នែក​ទាក់​ទាញ បបូរ​មាត់​ស្តើង​ស្រស់ ឬ មាន​សក់​ខ្មៅ​រលោង​ក្រាស់។ ពាក្ស​ដូចជា ស្រឡូន ទាក់​ទាញ ស្តើង​ស្រស់ ខ្មៅរលោង គឺសុទ្ធតែ​ជា​ពាក្ស​ប្រើ​សម្រាប់​ការ​ពិពណ៌នា ហើយ​ពាក្ស​អស់​នេះ​ហើយ​ដែល​គេ​ហៅថា ពាក្យ​បញ្ជាក់​ន័យ ឬ ដែល​ភាសា​អង់គ្លេស​ហៅថា Modifier.

​តើ​អ្វី​ទៅ​ជា Modifier?
Modifier គឺជា គុណនាម ឬ គុណកិវិយា ដែលមាន​មុខ​ងារ​បញ្ជាក់​ន័យ​ឲ្យ​នាម​។ Modifier អាចជាពាក្ស​ ​កន្សោម ឬ ឃ្លា ដែល​ផ្តល់​ពត៌មាន​បន្ថែមអំពី​ពាក្ស​ ឬ ក្រុម​ពាក្ស​ផ្សេង​ទៀត។ វា​ផ្តល់​ភាព​រស់​រវើក​ទៅដល់​ល្បះ​របស់​អ្នក ព្រោះ​ថា វា​មាន​ការ​ពិពណ៌នាច្រើន​ជាង​មុន​ទៅ​លើ របស់ ឬ សកម្មភាព។ ជាទូទៅ គុណនាម​ពីពណ៌នា​អំពី មនុស្ស ទីកន្លែង រត្ថុ ឬ គំនិត ហើយ គុណកិរិយាពិពណ៌នាឬ បញ្ជាក់​ន័យ​ឲ្យ កិរិយា គុណនាម ឬ គុណកិរិយាខ្លួនវា។ តាម​ពិត​ទៅ Modifier មាន​ច្រើន​ប្រភេទ​ខុសៗ​គ្នា ហើយ​ទីតាំង​នៅក្នុង​ល្បះក៏​ខុសៗគ្នា​ដែរ។


ប្រភេទ​ផ្សេងៗ​របស់ Modifier៖
1. គុណនាម៖
គុណនាម៖ អ្នក​ប្រហែល​ជា​បាន​ដឹង​ហើយ​ថា គុណនាម គឺជា​ពាក្យ​សម្រាប់​បញ្ជាក់​ន័យនាម ឬ សព្វនាម។ នៅ​ក្នុង​ភាសាអង់គ្លេស Modifier ជា​គុណនាម អាចមាន​ទីតាំង​នៅ​នៅ​ខាង​មុខ ឬ ខាង​ក្រោយ ពាក្ស​ឬ​កន្សោម​ពាក្រ​ដែល​វា​បញ្ជាក់​ន័យ​ឲ្យ។ មើល​ឧទាហរណ៍ខាង​ក្រោម ពាក្រ​អក្សរ​ដិត​គឺជា Modifier។ ហើយ​អក្សរ​ទ្រេតគឺជា​ពាក្យ​ឬ​កន្សោម​ពាក្យដែល​ត្រូវ​បាន​បញ្ជាក់​ន័យ​។

Ex:

- He is carrying that heavy book.

- I know that beautiful girl from the party last week.

ឃ្លា​គុណនាម (Adjective Clause)៖ គឺជា​ឃ្លា​រណប​ដែល​មាន​នាទី​បញ្ជាក់​ន័យឲ្យ​នាម និង សព្វនាម ដូច​គុណនា​ម​ដែរ។ ឃ្លា​គុណនាម​មាន​ពាក្យផ្តើម​ដោយ who, which, what, whom,, whose។ ពាក្ស​ទាំង​នេះ​គេ​ហៅថា Relative pronoun. មើល​ឧទាហរណ៍ខាង​ក្រោម ពាក្យអក្សរ​ដិត​គឺជា Modifier.

Ex:

- The girl who is sitting near the window is my cousin. (who is sitting near the window ប្រាប់​ថា girl ជាអ្នក​ណា)

- The book which I gave you yesterday is my favorite. (which I gave you yesterday ប្រាប់​ថា book មួយ​ណា ដូច្នេះ​វា​ជា modifier)

កន្សោម​គុណនាម (Adjective Phrase)៖ គឺជា កន្សោមគុណនាមឬ កន្សោមមាន​ធ្នាក់(Prepositional Phrase) ដែល​បញ្ជាក់​ន័យ​ឲ្យ​នាម​និង​សព្វនាម។

Ex:

- Have you read the new novel by Nicolas Spark?

- Judy, beaming with joy, has just pass her final exam.


2. គុណកិរិយា៖
គុណកិរិយា៖ គឺជា​ពាក្ស​ពិពណ៌នាឬ បញ្ជាក់​ន័យ​ឲ្យ កិរិយា គុណនាម ឬ គុណកិរិយា ដោយ​ធ្វើ​ឲ្យ​ល្បះមាន​ន័យ​កាន់​តែ​ច្បាស់។ គុណនាមប្រាប់​អំពី ពេល​វេលា ទីកន្លែង ហេតុផល​ ឬ របៀប​ដែល​សកម្មភាព​ណាមួយ​កើតឡើង។ មើល​ឧទាហរណ៍ខាង​ក្រោម ពាក្រ​អក្សរ​ដិត​គឺជា Modifier។

Ex:

- He run very fast. (very បញ្ជាក់​ន័យ​ឲ្យ Fast ប្រាប់​ថា គាត់​រត់​យ៉ាង​ម៉េច គឺ​រត់​លឿន)

- Should we meet tomorow? (tomorrow បា្រប់​ពី​ពេល​វេលា ហើយ​វា​បញ្ជាក់​ន័យ​ឲ្យ meet)

ឃ្លាគុណកិរិយា (Adverb Clause)៖ គឺជាឃ្លា​រណប ដែល​បញ្ជាក់​ន័យ​ឲ្យ កិរិយា គុណនាម ឬ គុណកិរិយានៅ​ក្នុង​ឃ្លា​ច្បង។ ឃ្លាគុណកិរិយាក្នុង​ភាសា​អង់គ្លេស នាំ​មុខដោយ​ឈ្នាប់​ដូចជា៖ after, although, as, because, before, if, since, than, though, unless, until, when, and where. ​

Ex:

- After returning home, he run for a shower.

- When Mary was ten years old, her father died.

កន្សោម​គុណនាម៖ គឺជាកន្សោមមាន​ធ្នាក់(Prepositional Phrase) ដែល​បញ្ជាក់​ន័យ​ឲ្យ កិរិយា គុណនាម ឬ គុណកិរិយា។

Ex:

- I did put my headphone in the bag, but where is it now?

- I need to see you at school after launch.

ដោយ៖ ហ៊ាង សុគន្ធារី