​ការ​ហាត់​​យូ​ហ្គា​​និងតាំងសមាធិ​ ​ពិត​ជា​​ជួយ​​ព្យាបាល​​ជំងឺ​​បាក់​​ទឹក​ចិត្ត​​មែន​ឬ​?​

ការសិក្សា​ដ៏​តូច​មួយ​ពី​ប្រទេស​អង់គ្លេស​បាន​រកឃើញថា ការហាត់​យូ​ហ្គា​មាន​ជាប់​ទាក់ទង​នឹង​ការពង្រឹង​ដល់​អាការៈ​ជំងឺ​បាក់ទឹកចិត្ត​បានយ៉ាង​គួរឲ្យកត់សម្គាល់​។ អ្នកស្រាវជ្រាវ​បាន​សិក្សា​ទៅ​លើ​មនុស្ស​ចំនួន ៣២​នាក់​ដែល​ពួកគេ​មាន​បញ្ហា​ជំងឺ​បាក់​ទឹកចិត្ត​កម្រិត​មធ្យម​ទៅ​ធ្ងន់ធ្ងរ​។ បន្ទាប់មក​ពួកគេ​ក៏​ត្រូវបាន​បញ្ជូ​នឲ្យចូលរួម​ក្នុង​កម្មវិធី​ហាត់​យូ​ហ្គាក​ម្រិត​ទាប និង​ខ្ពស់​ផងដែរ​។ សម្រាប់​ការហាត់​យូ​ហ្គាក​ម្រិត​ខ្ពស់​គឺ​ចំណាយ​ពេល​ច្រើន​ក្នុង​ថ្នាក់រៀន និង​ហាត់​យូ​ហ្គា និង​ហាត់​យូ​ហ្គាក​ម្រិត​ទាប​គឺ​ធ្វើ​នៅផ្ទះ​។

Photo credit: Affinity Magazine

​ពិន្ទុ​ជំងឺ​បាក់​ទឹកចិត្ត​កម្រិត​មធ្យម​នា​ការធ្លាក់ចុះ​ក្រោយ​ពី​សិក្សា​បាន ១២​សប្តាហ៍​ជាមួយនឹង​ការ​គ្មាន​ឃើញ​អ្វី​ខុស​គ្នា​សោះ​ចំពោះ​ក្រុម​ហាត់ប្រាណ​ទាំងពីរ​។ ដូច្នេះ​វា​អាចជា​រឿង​មួយ​ធម្មតា​ក្នុង​ការទទួល​បាន​ប្រយោជន៍​ពី​ការ​ហាត់ប្រាណ​របៀបនេះ​ជា​ទៀងទាត់ ហើយ​ករណី​ខ្លះ អាការៈ​ជំងឺ​បាក់ទឹកចិត្ត​ក៏អាចធូរស្រាល​ទៅតាម​គ្នា​វិញ​ដែរ​។
​
ការសិក្សា​នេះ​មិន​បាន​បន្ថែម​នូវ​អំណះអំណាង​អ្វី​ច្រើន​ឡើយ​។ អ្នកស្រាវជ្រាវ​គ្រាន់តែ​និយាយថា ពួកកេ​នឹង​មាន​គម្រោង​ធ្វើការ​សិក្សា​មួយ​ផ្សេងទៀត​ដែល​មាន​ការប្រៀបធៀប​គ្នា​ដើម្បី​ចង់​ដឹង​ថា ការ​ហាត់ប្រាណ​បែប​យូ​ហ្គាក​ម្រិត​ណា​ទើប​មាន​ប្រសិទ្ធភាព​ព្យាបាល​ជំងឺ​បាក់​ទឹកចិត្ត​។
​
អ្នកស្រាវជ្រាវ​និយាយថា ពួកគេ​មិន​រំពឹង​ថា​យក​ការហាត់​យូ​ហ្គា​ជា​វិធី​ផ្លាស់ប្តូរ​ការព្យាបាល​ជំងឺ​បាក់​ទឹកចិត្ត​ដោយ​អ្នកជំងឺ​ខាង​ថែទាំ​សុខភាព​នោះទេ​។ ដូច្នេះ​យក​ល្អ​គួរតែ​ទៅ​ជួប​ពេទ្យ​បើសិនជា​អ្នក​គិតថា​ខ្លួនឯង​មាន​ជំងឺ​បាក់​ទឹកចិត្ត​។ ការ​ហាត់ប្រាណ​សម្រាប់​ការបាក់​ទឹកចិត្ត​អាចជា​រឿង​មាន​ប្រយោជន៍ ប៉ុន្តែ​អ្នក​ក៏​អាច​ទទួលបាន​ប្រយោជន៍​ពី​ការព្យាបាល​ផ្សេងៗ​ទៀត​ផង​ដែរ​៕

ប្រភព៖ សុខភាព