ម៉េចបានមនុស្សខ្លះប្រើដៃឆ្វេង? ហើយហេតុអ្វីអ្នកប្រើដៃឆ្វេងមានតិចជាងដៃស្តាំ?
Loading...
អ្នកវិទ្យាសាស្ត្ររកឃើញថា ការដែលអ្នកខ្លះប្រើដៃឆ្វេង ឬ ដៃស្តាំនេះ គឺអាចត្រូវបានកំណត់តាំងតែពីនៅក្នុងផ្ទៃម្តាយម៉្លេះ។ ការស្រាវជ្រាវមួយបានលើកឡើងថា កូនភ្លោះពិត (ដូចគ្នា) ពីរនាក់ មានហ្សែន ដូចគ្នាបេះបិទ តែ អាចមានភាគរយខ្លះដែលអ្នកទាំងពីរប្រើបា្រស់ដៃខុសគ្នា ហើយទ្រឹស្តីនេះ ក៏អាចយកមកប្រើជាមួយបងប្អូនដទៃផ្សេងទៀតដែរ។ ការពិត សម្រាប់មនុស្សដែលអាចប្រើដៃស្តាំ ឬ ឆ្វេង ក៏អាចមកពីហ្សែនរបស់ឪពុកម្តាយរបស់គេដែរ។ បើឪពុកម្តាយទាំងពីរជាអ្នកដែលប្រើដៃស្តាំ ភាគរយកូនដែលប្រើដៃឆ្វេង មានតែ ១០% ប៉ុណ្ណោះ ហើយបើឪពុកម្តាយទាំងពីរដែលប្រើដៃឆ្វេង កូនដែលអាចប្រើដៃឆ្វេង មានតែ ២៥% ប៉ុណ្ណោះ។ ភាគរយតិចទាំងនេះហើយ ជាហេតុផល ធ្វើឲ្យមនុស្សជាអ្នកប្រើដៃឆ្វេង មានតិចជាងអ្នកដែលប្រើដៃស្តាំ។
ហេតុផលមួយទៀតនោះគឺជាបរិយាកាសសង្គមសព្វថ្ងៃដែលធ្វើឲ្យមានអ្នកប្រើប្រាស់ដៃឆ្វេងមានចំនួនតិច។ បើសិនជាយើងសង្កេតមើលទៅ របស់ប្រើប្រាស់ភាគច្រើនដូចជា កាំបិត កន្ត្រៃ ឧបករណ៍កីឡា ឧបករណ៍លេងហ្គេម និង របស់របរប្រើជាច្រើនទៀតដែលត្រូវបានបង្កើតឡើងសម្រាប់អ្នកប្រើដៃស្តាំ។ ការណ៍នេះធ្វើឲ្យអ្នកប្រើដៃឆ្វេងមានការលំបាកសម្រាប់ការប្រើប្រាស់ប្រចាំថ្ងៃ។
តាមការពិតទៅ អ្នកដែលប្រើដៃឆ្វេង អាចមានឱកាសច្រើនជាងអ្នកប្រើដៃស្តាំ នៅពេលប្រើក្នុងការប្រគួតប្រដាល់គ្នា ឬ ក្នុងកីឡាភាគច្រើន។ អ្នកប្រើដៃស្តាំ អាចមានការលំបាកយកឈ្នះលើអ្នកប្រើដៃឆ្វេង នៅពេលដែលយើងនិយាយពីការលេងកីឡា។
ទោះបីជាយ៉ាងណា ប្រជាជនដែលនៅប្រើដៃឆ្វេង នៅតែរក្សាចំនួនរបស់ខ្លួននៅក្នុងសង្គមមនុស្សបច្ចុប្បន្នដដែល។
ប្រភព៖ TED-ED
ដោយ៖ ហ៊ាង សុគន្ធារី
*ប្រសិនបើចូលចិត្តអត្ថបទនេះសូមជួយ Like និង Share ប៉ុន្តែសូមកុំ Copy យកទៅដាក់លើ Website រឺ Pageរបស់ខ្លួនដោយគ្មានការអនុញ្ញាតិ សូមចូលរួមគោរព Copyright របស់អ្នកដទៃទាំងអស់
No comments