៤​វិធី​ សម្រាក​ខួរក្បាល​ពី​ភាព​តាន​តឹង​នៃ​​ការ​សិក្សា​

ការសិក្សាជារឿងសំខាន់ តែក្រោយពីការសិក្សាដ៏មមាញឹក យើងរាល់គ្នាក៏ត្រូវការលំហែខួរក្បាលដើម្បីបំពេញកម្លាំងនិងសមត្ថិភាព។ មានវិធីច្រើនដើម្បីសម្រាកខួរក្បាលក្រៅពីការលេងទូរស័ព្ទ។

១. ចេញដើរលម្ហែ

បន្ទាប់ពីអង្គុយរៀនអស់រាប់ម៉ោង អ្នកគួរទុកពេលខ្លះដើម្បីងើបដើរឲ្យបាន៣០​ ទៅ​ ៤០ នាទី។ អ្នកអាចដើរក្នុងបរិវេណសាលា ឬដើរជិតៗផ្ទះ។

២. ញ៉ាំចំណីឲ្យគ្រប់គ្រាន់

ពេលអ្នកព្យាយាមគិតពេលសិក្សានោះខួរក្បាលអ្នកប្រើប្រាស់ថាមពលច្រើន ដូច្នេះគួរបំពេញវាវិញតាមរយៈការញ៉ាំអាហារដែលមានជីវជាតិគ្រប់គ្រាន់។ វាក៏ជាវិធីល្អមួយក្នុងការបំបាត់ភាពតានតឹង។

៣. គេង

ក្រោយពីរៀន អ្នកគួរគេងប្រហែល១៥ ទៅ ៣០ នាទី ដើម្បីឲ្យខួរក្បាលសម្រាកហើយមានកម្លាំងបន្តទៅមុខទៀត។

៤.​ ធ្វើអ្វីដែលអ្នកចូលចិត្ត

វាសំខាន់ណាស់ដែលអ្នកធ្វើអ្វីដែលចូលចិត្តមិនថាលេងកីឡា ច្រៀង រាំ ឬញ៉ាំអាហារ។ ព្រោះការធ្វើរឿងដែលអ្នកស្រលាញ់នឹងជួយឲ្យអ្នកសប្បាយចិត្តយ៉ាងឆាប់រហ័ស៕

អត្ថបទ៖ ជី បូណ៌មី

*ប្រសិនបើចូលចិត្តអត្ថបទនេះសូមជួយ Like និង Share ប៉ុន្តែសូមកុំ Copy យកទៅដាក់លើ Website រឺ Page​របស់ខ្លួន​ដោយ​គ្មានការ​អនុញ្ញាតិ សូមចូលរួមគោរព Copyright របស់អ្នកដទៃទាំងអស់