ចង់​ប្រលង​ជាប់​អាហា​រូបករណ៍​នៅ​ DMC​ មែនទេ?​ កុំរំលង​ឱកាស​នេះ​ឲ្យសោះ!​

រៀនចប់ចង់បានការងារមួយដែលមានប្រាក់ខែខ្ពស់ និង មានកិត្តិយសក្នុងសង្គមមែនទេ? ដូច្នេះសុំប្អូនៗកុំរំលងដេប៉ាតឺម៉ង់ប្រព័ន្ធផ្សព្វផ្សាយនិងសារគមនាគមន៍ (DMC) ឲ្យសោះ! 

តោះ! មកចូលរួមស្តាប់កម្មវិធីចែករំលែកព័ត៌មានអំពី DMC ទាំងអស់គ្នា!

កម្មវិធីនេះត្រូវបានបើកជាសាធារណៈជាពិសេសសម្រាប់ប្អូនៗដែលទើបកំពុងសិក្សាថ្នាក់ទី ១២ ត្រៀមនឹងជ្រើសរើសមុខវិជ្ជាសិក្សាសំរាប់ថ្នាក់មហាវិទ្យាល័យ ក៏ដូចជាសិស្ស​ដែលចប់ថ្នាក់​វិទ្យាល័យហើយផងដែរ ។ វាជាកម្មវិធីដែលអាចអោយសាធារណៈជនយល់ដឹង ច្បាស់ពីដេប៉ាតឺម៉ង់មួយនេះកាន់តែច្បាស់ហើយបានជួបជាមួយ សិស្សដែល​កំពុងសិក្សា​នាពេលបច្ចុប្បន្នផងដែរ ។ 

អ្នកចូលរួមអាចទទួលយកព័ត៌មានទាក់ទងនឹងការសិក្សា កាលវិភាគផ្សេងៗ មុខជំនាញនឹងការ ផ្តល់ជូនដែលត្រូវនឹងជំនាញគ្រប់គ្រងសារព័ត៌មាន។ លើសពីនេះក៏មានការសាកសួរទៅកាន់​សិស្ស​ពីការប្រលងចូលនិង បទពិសោធន៍ផ្សេងៗដែលអាចផ្តល់ភាពងាយស្រួល ដល់អ្នក មានបំណងនឹងប្រលងចូលសំរាប់ការបើកថ្នាក់ថ្មីផងដែរ។

កម្មវិធីនេះនឹងប្រព្រឹត្តឡើងនៅថ្ងៃទី ៦ ខែឧសភា ឆ្នាំ ២០១៧ ចាប់ផ្តើមបើកកម្មវិធីនៅម៉ោង ៨​ព្រឹក​ធ្វើឡើងនៅដេប៉ាតឺម៉ងប្រព័ន្ធផ្សព្វផ្សាយ និងសារគមនាគមន៍ ( DMC) ដែលស្ថិតក្នុង បរិវេណសាកល វិទ្យាល័យ ភូមិន្ទភ្នំពេញ ។

*សម្គាល់៖ ខ្លឹមសារអត្ថបទខាងលើគឺមិនមែនជារបស់ យើងឡើយ ហើយការបកប្រែនិងចែករំលែកនេះក្នុងគោលបំណងចែករំលែកព័ត៌មានតែប៉ុណ្ណោះ។

*Disclaimer: We don’t own the content. Our purpose is purely to help spread the information.