ជីវប្រវត្តិខ្លះៗរបស់ព្រះអង្គម្ចាស់ Bhumibol Adulyadej

នាព្រលប់ថ្ងៃទី១៣ ខែតុលា ឆ្នាំ២០១៦ ព្រះមហាក្សត្រថៃ ព្រះបាទ ភូមិបុល អាប់ឌុលយ៉ាដេត បានសោយទិវង្គតនៅម៉ោង៣៖៥២នាទីរសៀលថ្ងៃនេះនៅឯមន្ទីរពេទ្យសិរីរាជ្យនៃទីក្រុងបាងកក។ ជុំវិញបាត់បង់​របស់ប្រជាជនថៃដ៏ធំនេះ គេហទំព័រ Library Khmer សូមឡើកយកជីវប្រវត្តិខ្លះៗរបស់ទ្រង់ដូចតទៅ៖
 

ព្រះអង្គម្ចាស់ Bhumibol Adulyadej បានប្រសូត្រក្នុងមន្ទីរពេទ្យMount Auburn រដ្ឋMassachusetts នៃសហរដ្ឋអាមេរិកកាលពីវេលាម៉ោង ៨. ៤៥នាទីព្រឹកថ្ងៃចន្ទទី៥ ខែធ្នូឆ្នាំ ១៩២៧។ ព្រះអង្គម្ចាស់ជាបុត្រាពៅក្នុងចំណោមបងប្អូន៣នាក់ ដែលមានព្រះរាជបិតាព្រះនាម Mahidol Adulyadej និងព្រះនាង Mom Sangwal។ បន្ទាប់ព្រះបិតារបស់ទ្រង់បានសោយទីវង្គត់ក្នុងឆ្នាំ ១៩២៩ ព្រះអង្គម្ចាស់ Bhumibol Adulyadejបានសិក្សាក្នុងប្រទេស Switzerlandដើម្បីបន្តថ្នាក់អនុវិទ្យាល័យ ហើយបានបន្តសិក្សាផ្នែកវិទ្យាសាស្រ្តក្នុងសកលវិទ្យាល័យ Lausanne។

បន្ទាប់ពីព្រះរាមរបស់ទ្រង់ព្រះនាម Ananda Mahidolបានសោយទីវង្គត់ក្នុងទីក្រុងបាំងកក កាលពីថ្ងៃទី ៩ខែមិថុនា ឆ្នាំ១៩៤៦ ព្រះអង្គម្ចាស់Bhumibol Adulyadejបានក្លាយជាបុត្រាតែមួយព្រះអង្គដែលត្រូវគ្រងរាជសម្បត្តិខណៈដែលព្រះអង្គទើបតែមានព្រះជន្ន ១៨ព្រះវស្សាប៉ុណ្ណោះ។ ដើម្បីឲ្យសមស្របទៅនឹងការគ្រងរាជសម្បត្តិ ព្រះអង្គម្ចាស់Bhumibol Adulyadejបានផ្លាស់ប្ដូរមុខជំនាញសិក្សាទៅ ផ្នែកវិទ្យាសាស្រ្តនយោបាយ និងច្បាប់វិញ។ ឈានចូលដល់ឆ្នាំ ១៩៤៩ ព្រះអង្គម្ចាស់បានភ្ជាប់ពាក្យជាមួយព្រះនាង Mom Rajawong Sirikit Kitiyakara ហើយបានរៀបអភិសេកជាមួយព្រះនាងក្នុងខែ មេសាឆ្នាំ១៩៥០ដោយមានបុត្រចំនួន ៤អង្គ។

ព្រះអង្គម្ចាស់ Bhumibol Adulyadejត្រូវបានពិភពលោកទទួលស្គាល់ថា ព្រះអង្គជាស្តេចដែលបានគ្រងរាជសម្បត្តិបានយូរជាងគេបំផុតក្នុងពិភពលោក។ ក្នុងរយៈពេលគ្រងរាជសម្បត្តិ ព្រះអង្គម្ចាស់បាន សម្រេចនូវសមិទ្ធិផលជាច្រើន ដើម្បីជួយអភិវឌ្ឍន៍ប្រទេសថៃឲ្យមានការរីកចម្រើន។ ចាប់តាំងពី ត្រឡប់មកពីការធ្វើ ទស្សនកិច្ចនៅក្រៅប្រទេស កំឡុងទស្សវត្សឆ្នាំ ១៩៦០មក ព្រះអង្គម្ចាស់មិន ដែលបានចាកចេញ ធ្វើទស្សនកិច្ចនៅក្រៅប្រទេសទៀតនោះទេ ដោយព្រះអង្គចំណាយ ពេលវេលាព្យាយាមធ្វើយ៉ាងណាឲ្យប្រជាជនរបស់ទ្រង់បានសុខសាន្ត។ ក្នុងកិច្ចប្រឹងប្រែង របស់ព្រះអង្គម្ចាស់ Bhumibol Adulyadej ទ្រង់បានបង្កើតនូ វគម្រោងអភិវឌ្ឍន៍ច្រើនជាង ៤០០០គម្រោងសម្រាប់ប្រជាជនថៃរបស់ទ្រង់។ ការអភិវឌ្ឍន៍ទាំងនោះរាប់បញ្ចូល ទាំងការបង្កើតប្រពន្ធ័ស្រោចស្របដំណាំ ផ្នែកកសិកម្ម ការការពារទឹកជំនន់គ្រោះរាំងស្ងួត និងផ្នែកសុខភាពសាធារណៈជាដើម។

ព្រះអង្គម្ចាស់ក៏ជាតន្រ្តីករមួយរូបផងដែរដោយព្រះអង្គបានផលិតបទចម្រៀងចំនួន ៧៨បទផងដែរក្នុងរយៈពេល ៥ទស្សវត្ស។ 

ក្រៅពីមានទេពកោសល្យក្នុងវិស័យសិល្បៈព្រះអង្គម្ចាស់ក៏ជាជាងគំនូរ អ្នកថតរូប ជាអ្នកនិពន្ធនិងជាអ្នកបកប្រែផងដែរ។ លើសពីនេះទៅទៀតព្រះអង្គម្ចាស់ក៏មានសមត្ថិភាពជិះ និងរចនាទូកក្តោងថែមទៀតផង។ ព្រះអង្គក៏ធ្លាប់បានឈ្នះមេដាយមាសក្នុងការប្រកួតប្រកួតកីឡាឧបទ្វីបអាស៊ីអាគ្នេយ៍លើកទី៤ឆ្នាំ ១៩៦៧ទៀតផង។ 

កាន់តែអស្ចារ្យជាងនេះគឺថា ព្រះអង្គត្រូវបានពិភពលោកទទួលស្គាល់ថា ទ្រង់ជាព្រះអង្គម្ចាស់ដំបូងនិងជាព្រអង្គម្ចាស់តែមួយព្រះអង្គដែលបានផលិតនិងមានសិទ្ធលក់ការឆ្នៃប្រឌិត។ ដោយក្នុងនោះឆ្នាំ ១៩៩៣មានការបង្កើត ម៉ាស៊ីនចម្រុះទឹកសំណល់ដោយប្រើប្រតិកម្មគីមីនៃខ្យល់ឈ្មោះ Chai Pattana ការបង្កើតទឹកភ្លៀងនៅឆ្នាំ ១៩៥៥ ការបង្កើតទឹកភ្លៀងឆ្នាំ ១៩៩៩ និងការបង្កើតទឹកភ្លៀងឆ្នាំ ២០០៤ ដែលត្រូវបានគេហៅថាជា Supersandwich។

ផ្សេងពីនេះព្រះអង្គម្ចាស់ Bhumibol Adulyadej ក៏បានទទួលពានរង្វាន់ជាច្រើនផ្សេងទៀតក្នុងការរួមចំណែកថែរក្សាបរិស្ថាន និងពានរង្វាន់ផ្សេងទៀតទាក់ទងនឹងការលើកស្ទួយជីវភាពប្រជាជនរបស់ទ្រង់ផងដែរ។

ប្រែសម្រួលដោយ ៖ ប៉ោ គឹមហុក

ប្រភព ៖ Thaiembassy