យុទ្ធសាស្រ្ត៩​​យ៉ាង​ ដាក់​វិន័យ​ខ្លួន​ឯង​ឲ្យ​សំរេច​ការងារ​

ប្រសិនបើអ្នកមានការលំបាកក្នុងធ្វើតាមផែនការដែលអ្នកបានកំណត់ទុក ហើយអ្នកមិនអាចបញ្ចប់វាបានដោយជោគជ័យនោះ មានន័យថាអ្នកនៅខ្សោយដាក់វិន័យខ្លួនឯងក្នុងធ្វើអ្វីមួយហើយ។ ខាងក្រោមនេះជាវិធីដែលជួយជំរុញឲ្យអ្នកមានទឹកចិត្ដក្នុងការសំរេចការងាររបស់អ្នកបាន។



១. កុំរង់ចាំទាល់តែមានអារម្មណ៍ Motivation


បើអ្នកអង្គុយតែរង់ចាំទាល់តែអ្នកមានអារម្មណ៍ថា ចង់ធ្វើការងារនោះពិតជាមិនងាយនោះទេ។ អ្នកគួរតែដាក់វិន័យលើខ្លួនឯង បើអង្គុយរង់ចាំ Motivation នោះការងាររបស់អ្នកប្រាកដជា Deadlineហើយ។


២. បញ្ឈប់គំនិតចង់ធ្វើនេះធ្វើនោះ


បើសិនជាអ្នកចង់ដាក់វិន័យលើខ្លួនឯងក្នុងការធ្វើអ្វីមួយ អ្នកគួរតែគេចចេញពីកន្លែង ឬវត្ថុទាំងឡាយណាដែលរំខានដល់អ្នក។ ជាឧទាហរណ៍ លុបចោល App Facebook ឬ Messenger ជាដើមកុំឲ្យរំខានដល់ការតាំងចិត្ដរបស់អ្នក។


៣. ចាប់ផ្ដើមពីចំណុចតូចទៅ
ការដាក់វិន័យលើខ្លួនឯងមិនមែនអាចកើតឡើងសំរេចក្នុងពេលមួយថ្ងៃនោះទេ។ ការតាំងចិត្ដសំរេចការងារនេះគឺត្រូវចំណាយពេលយូរទើបអាចធ្វើបាន អ្នកគួរតែឧស្សាហ៍ធ្វើអាចសំរេចបាន។


៤. ពង្រឹងទម្លាប់របស់អ្នក


ប្រសិនបើអ្នកចង់សំរេចគោលដៅរបស់អ្នក អ្នកគួរតែពង្រឹងទម្លាប់វិជ្ជមានរបស់អ្នកឲ្យបានល្អ។


៥. បរិភោគអារហារដែលល្អសម្រាប់សុខភាពនិងទៀងពេល
ជាការពិតណាស់ការបរិភោគអារហារមិនបានត្រឹមត្រូវក៏អាចប៉ះពាល់ដល់កិច្ចការរបស់អ្នកដែរ។ ដូច្នេះអ្នកគួរតែបរិភោគអាហារឲ្យទៀងពេលនិងមានជីវជាតិគ្រប់គ្រាន់។


៦. ផ្ដោតអារម្មណ៍ទៅគោលដៅធំរបស់អ្នកជាចម្បង
បើសិនជាអ្នកផ្ដោតអារម្មណ៍របស់អ្នកទៅគោលដៅធំរបស់អ្នកជាចម្បងនោះ អ្នកប្រាកដជាមានទឹកចិត្ដក្នុងការសម្រេចវាឲ្យបានជោគជ័យជាមិនខាន។


៧. បង្កើតDeadline សំរាប់ខ្លួនឯង


ការងារអ្វីក៏ដោយឲ្យតែមាន Deadline អ្នកប្រាកដជាខិតខំធ្វើជាមិនខានឡើយ។ បើអ្នកមិនចង់ខកខានការងារទេអ្នកគួរតែមានពេលវេលាកំណត់សំរាប់ខ្លួនអែង។


៨.​ លេងកីឡា
មានពេលខ្លះប្រសិនបើអ្នកមានអារម្មណ៍ថាស្រ្ដេសខ្លំាង អ្នកគួរតែជ្រើសរើសលេងកីឡាកុំឲ្យស្រ្ដេសខ្លាងពេក។ អ្នកយកពេលវេលាណាមកលំហែរខួរក្បាលខ្លះដែរ។


៩. រំពឹងពីអ្វីដែលអាចទទួលបានបន្ទាប់ពីបញ្ចប់ការងារនេះ


ការរំពឹងទុកពីរង្វាន់ដែលអ្នកទទួលបានពីការងារ ឬគោលដៅរបស់អ្នក គឺជាផ្នែកមួយជួយលើកទឹកចិត្ដអ្នកអោយសម្រេចគោលដៅបាន៕



ប្រែសម្រួលដោយ ធានី
ប្រភពអត្ថបទ Fab.How