ស្ទាក់​ស្ទើ​រ​ក្នុង​ការ​សម្រេច​ចិត្ត​មែន​ទេ?​ វិធី​៣​យ៉ាង​នេះ​អាច​ជួយ​បាន!​

ក្នុងជីវិតឬផ្លូវដើររបស់មនុស្សម្នាក់ៗ មានការសម្រេចចិត្តខ្លះងាយនឹងសម្រចិត្ត ប៉ុន្តែការសម្រេចចិត្ត​មួយ​ចំនួន​ទៀត​ពិត​ជា​ទាម​ទារ​អោយ​អ្នក​ប្រើប្រាស់​ពេលវេលា​ និង​ខួរក្បាល​មែនទែន​។  យ៉ាងណាមិញ​ អ្នក​គួរតែ​ចំនាយ​ពេល​មួយ​ចំនួន​អាន​នូវ​វិធីសាស្រ្ត​មួយចំនួន​ដែល​ជួយ​អោយ​អ្នក​សម្រចចិត្តអោយបានផាំងៗ និងល្អប្រសើរថែមទៀតផង​: 

១. ប្រមូលព័ត៌មានអោយបានគ្រប់ជ្រុងជ្រោយ
វិធីនេះ អាចជួយអ្នកអោយយល់ដឹងពីរឿងអ្វីមួយអោយបានទូលំទូលាយ ដើម្បីផ្តល់ជាគន្លឹះអោយអ្នកសម្រេចចិត្តអោយបានល្អ ហើយមិនស្តាយក្រោយថែមទៀតផង។

២. សួរយោបល់អ្នកនៅជុំវិញខ្លួនអោយច្រើន
គ្រប់ការសម្រេចចិត្តគ្រប់យ៉ាង គួរតែឆ្លងកាត់ខួរក្បាលលើសពីមួយ​ ពោលគឺថាយ៉ាងហោចណាស់អ្នកគួរតែឆ្លងកាត់ការសុំយោបល់ពីមនុស្សចាប់ពី ៣ ទៅ ៤​នាក់ឡើងទៅ។ នៅពេលដែលអ្នកបានសុំយោបល់ច្រើនហើយ អ្នកនឹងទទួលបានគំនិតដែលអ្នកមិនធ្លាប់រំពឹងទុក ហើយអ្នកនឹងអាចមានទំនុកចិត្តកាន់តែខ្លាំងនៅក្នុងការសម្រេចចិត្ត។​

៣. រៀនពីបទពិសោធន៍កន្លងមក​
ការរៀនសូត្រពីបទពិសោធន៍ចាស់ៗ អាចជាជំនួយអោយអ្នកសម្រេចចិត្តពេលបច្ចុប្បន្នឬពេលខាងមុខអោយបាន​កាន់តល្អប្រសើរ។ ជាក់ស្តែង​ កំហុស និងមេរៀន នាពេលអតីតកាលដើរតួយ៉ាងសំខាន់ក្នុងការឆ្លុះបញ្ចាំងមេរៀននាពេលអតីតកាល ដើម្បីអោយអ្នកអាចរៀនសូត្រពីចំនុចខ្វះខាតនាពេលកន្លងមក។​

អត្ថបទដោយ៖ ព្រឿន បញ្ញារី